Recèrca

sus 5
Filtrar
Filtres actifs
Portail : Mediatèca
Contributeur : TeVe oc
Tipe : Programa audiovisual / Data : 1999-...

Aquesta emission d'actualitat setmanièra de 13 minutas, en lenga d'òc, es producha per Tè Vé Òc e arquivada al CIRDÒC.

Presentacion

En 1999, Felip Reig e Danièl Martinez crèan dins Gard una cadena hertziana locala, Télémiroir, e convidan Lisa Gròs a produsir un emission en lenga occitana.

Realizada dins un primièr temps per una còla de benevòls, l'emission Lenga d’òc/Lengo d’ò propausa aital cada setmana, per 13 minutas, de descobrir l'actualitat de la lenga e de la cultura occitanas. 

En 2012 nais Tè Vé Òc, cellula audiovisuala en occitan qu'assegura d'ara en la produccion del magazine.  Dins l'amira de se professionalizar, crèa en 2016 un emplec de JRI e contunha sas produccions.

La cadena istorica de difusion de l'emission, TVSud (que succediguèt a TéléMiroir en 2007), n'arrèsta en 2017 la programacion ; mas al fial de las annadas, lo magazine a investit los novèls mèdias amb la dobertura d'una cadena YouTube e de partenariats de difusion amb Occitanica, lo Cep d'Òc e los mèdias en linha d'expression occitana : la FIMOC, la Setmana, lo Jornalet.

Las emissions son propausadas en abans-primièra cada dijòus sul site de Tè Vé Òc a partir de sa cadena YouTube : http://www.teveoc.com  

Mise en ligne : 01/04/2019
Tipe : Emission TV / Data : 2008-12-13

Emission del 13 de decembre de 2008

Aqueste numerò es consacrat a las tradicions de Nadal, amb la lectura per Lisa Gròs d'un extrach de Memòri e raconte de Frederic Mistral.

Presentacion : Lisa Gròs

Intervenenta  : Marie-Noëlle Dupuis (Sendi de la Maintenance du Languedoc)

Mise en ligne : 20/12/2018
Tipe : Emission TV / Data : 2017-09-08
Emission dau 8 de setembre de 2017

La còla de Tè Vé Òc prepausèt una formacion a la vidèo per lei estagiaris dau CFPO Lengadòc. A l'escasença d'aquela session d'aprendissatge a l'entorn de la lenga e la tecnica audiovisuala, vos prepausam una revista que sotalinha lei metòdes pedagogicas emplegats per l'estagi. Leis estagiaris an beneficiat d'una formacion intensiva que permetèt un trabalh vidèo complet.
Un reportatge de Miquèu Gravier.


Mise en ligne : 27/09/2017
Tipe : Emission TV / Data : 2017-09-15
Emission dau 15 de setembre de 2017

Rubaiyalo es un projècte de Calame Alen. Es una mesa en scèna de poèmas d'Omar Khayyam, amb de tèxts de Françoise Bouvard. Rubaiyalo es una deambulacion au trelutz. Raconta l'istòria de pòples qu'an pas de nom ni mai d'origina, quicòm d'intemporau e d'universau. Barrutlan amb un cariòt entre leis aubres de la garriga. Aqueste reportatge vos mostrarà lo foncionament de la pèça, de sa creacion a son adaptacion, e lo trabalh de mesa en scèna, fins a sa representacion publica.
Un reportatge d'Amada Cròs.


Mise en ligne : 27/09/2017
Tipe : Emission TV / Data : 2017-09-22
Emission dau 22 de setembre de 2017

Una fèsta granda d'estiu a Sumena que coneiguèt sa 20ena edicion aquest' an. Prepausa de musicas e arts de carrièra qu'englòba divèrs estils. Un public nombrós de tot atge, fidelizat desempuèi la creacion, venguèt veire lo molon de concèrts, deambulacions e animacions per carrièra. Creadas per l'associacion Les Elvis Platinés, leis Estansis Cevenòlas an la particularitat d'èstre un festenau participatiu mercé a de talhièrs e luòcs de rescontre onte l'òm se pòu pausar entre dos espectacles.
Un reportatge de Claudi Queyrel.
Mise en ligne : 27/09/2017
Tipe : Emission TV / Data : 2017-09-29
Emission dau 29 de setembre de 2017

A Nimes, lei vestitges dau barri antic se pòdon veire dau costat de la rota de Sauva. Fai 6 quilomètres de long, e 2 de barri vòlque.

Lo vestitge lo mai remarcable dau barri vòlque, es la Torre Manha. Dins aqueste reportatge, veirètz una passejada organizada per l'associacion Pont du Gard-Patrimoine, e presentada per Joan-Francés Dufaud. Permet de retrobar de tròç dau barri antic escampilhats un pauc de pertot dins l'espaci public e privat.
Un reportatge de Miquèu Gravier.
Mise en ligne : 04/10/2017
Tipe : Emission TV / Data : 2018-12-06
Emission dau 6de decembre de 2018
Vos menam a la tantossada festiva organizada au CIRDÒC lo 12 d'octòbre, dins l'encastre dau festenau «Promenade entre Languedoc et Provence au XVe siècle ». Descubrètz la mòstra"Lo Rei Renat, prince deis arts en Provença" presentada per Benjamin Assié, lo director dau CIRDÒC. Aquesta es seguida per una conferéncia musicala d'Enric Maquet e Benjamin Mélia, sota la fòrma dau projècte « Momus ». Vos convida d'escotar de musicas eissudas dau repertòri tradicionau provençau, coma la Tarasca, la Fèsta Dieu de z'Ais, e lei cançons dau Carrateiron. Una cabussada culturala vertadièra dins lei sègles 15 e 16 au còr de Provença, ambé leis instruments que ié son restacats : lo galobet-tamborin, lo fifre, la vièla d'arquet...
Un reportatge de Lisa Gròs.
Mise en ligne : 10/12/2018
Tipe : Emission TV / Data : 2018-12-13
Emission dau 13 de decembre de 2018

En Avinhon, pròche la Plaça dau relòtge, lo Palais dau Rore es un ostau de familha. Abitat pendent de sègles per la familha de Baroncelli-Javon, originària d'Itàlia, lo bastiment es un vertadier espaci de cultura e de sabers. Empregnat per l'Istòria de grands defensors de la cultura d'Òc entre autrei, l'ostau escapèt de pauc a la roïna au sègle XX. Es subretot Joana de Flandreysy, amiga dau Marqués Folco de Baroncelli, que va ié donar un vam novèu fins qu'a sa mòrt. Luòc de rescòntres entre lei felibres, nòbles e artistas, lo Palais dau Rore es ara un musèu dubert en totei. La vila entreprenguèt recentament una restauracion monumentala pendent de mes, per rendre au Rore son esclat d'a passat temps. Descubrètz l'èime d'aqueu luòc tant particular.
Un reportatge d'Amada Cròs.

Mise en ligne : 17/12/2018
Tipe : Emission TV / Data : 2018-11-29
Emission dau 29 de novembre de 2018

Fai 20 ans que lo Med'òc, associacion d'estudiants especializats dins l'occitan, veguèt lo jorn, dins l'Universitat Pau Valèri a Montpellier. De son nom complet « Med'òc dau Clapàs », l'associacion es a l'origina d'un molonàs d'eveniments per d'estudiants e non estudiants, per promòure la cultura e e la lenga nòstras. « Intellècte e Bolegadís » son lei mòts mèstres dau Med'òc. Vos presentam leis accions e lei caras d'aqueste moviment que festeja son anniversari lo 25 d'octòbre. Au programa de la serada : taula redonda, mangiscla e musica. Totei lei mejans necites a la reflexion e la socializacion de la lenga, aquesta estent portada de l'universitat a l'exterior. 
Un reportatge de Lisa Gròs.

Mise en ligne : 04/12/2018
Tipe : Emission TV / Data : 2018-12-20
Emission del 20 de decembre de  2018

Despuèi mai de 30 ans en fin d'automne, lo "Festenau Contes et Rencontres" organiza pendent un mes un molon de manifestacions a l'entorn dei còntes, la literatura, la musica, lo teatre. En brèu, prepausa de rescòntres entre Droma e Vauclusa per partejar d'istòrias ambé lei gents d'aquí. De contaires professionaus e amators, seleccionats per l'associacion organizairitz, van de vilatge en vilatge semenar de mòts, d'imatges, de sòns, per totei lei publics. Se la velhada dins leis ostaus d'a passat temps a desaparegut de nòstrei costumas, lo Festenau ié atribuís de plaças novèlas, populàrias e e diversificadas. E nautrei vos prepausam d'entrevistas dei contaires Joan-Loís Ramel (acompanhat de sa femna Jaumeto) a Vinsòbre e de Florant Mercadier a Pumeiràs, ambé de tròç de seis espectacles qu'acaban la sason 2018.
Un reportatge d'Amada Cròs.
Mise en ligne : 27/12/2018
sus 5