Recèrca

Filtrar
Filtres actifs
Auteur : Morsly, Hélène. Metteur en scène ou réalisateur.
Portail : Mediatèca
Type de Document : Film documentaire
Tipe : Film documentari / Data : 2014-08-09/2014-08-10
L'Ase es l'animal dich totemic de Beçan (Erau).

Cada annada, la Sant Laurenç, la granda fèsta dels Beçanencs, se debana en agost, sus cinq jorns, dimenjada compresa. Las sortidas de l'Ase  constituisson los moments fòrts d'aquelas jornadas tanben conegudas jol nom de « fèsta de l'Ase ». Lo dimenge n'es marcat per una messa e una benediccion en preséncia de l'animal que precedisson lo passa-carrièra en vila.

Aqueles imatges filmats per Hélène Morsly los 9 e 10 d'agost de 2014 donan a veire aqueles rituals.
Mise en ligne : 17/01/2020
Tipe : Film documentari / Data : 2014-08-16/2014-08-17
Aquestes imatges d'Helène Morsly seguisson lo passa-carrièra del Buòu, animal totemic de Mesa (34), e dels ajustaires per la fèsta de Mesa, los 16 e 17 d'agost de 2014.

La fèsta de Mesa se debana cada annada a la Sant Ilari, la dimenjada la mai pròcha del 19 d'agost. Las festivitats començan tre lo dissabte per durar cap al dimars seguent. Lo Buòu de Mesa, acompanhat del Chivalet, serà de sortida lo dissabte e lo dimenge a 9 oras per las carrièras de la vila. Çaquelà, la corsa del Buòu se pòt pas preveire.
Lo dissabte se debana lo grand torneg regional d'ajustas lengadocianas. E lo Buòu es plan sovent associat als tornegs d'ajustas, que mai d'un còp es de sortida per festejar un dels venceires.
Mise en ligne : 17/01/2020
Tipe : Film documentari / Data : 2014-08-02
Filmat aquí per Hélène Morsly en 2014, lo Polin, l'animal totemic de Pesenàs (34), ven cada annada lo 2 d'agost per aculhir los enfants del país exiliats, que poguèron pas festejar carnaval amb el.
Mise en ligne : 17/01/2020
Tipe : Film documentari / Data : 2014-08-18
La realizatriz Hélène Morsly a filmat aquí la mòrt rituala del Buòu de Mesa (34), un animal plan popular del bestiari lengadocian.

Es totjorn lo 19 d'agost que se pòt veire la mesa a mòrt del Buòu sus l'Esplanada. La fola i es immensa per assistir a la mòrt simbolica de l'animal totemic, que tornarà nàisser de sas cendres pendent lo Corso de Mesa al mes de mai seguent.

Lo buòu de de Mesa es plan conegut dels abitants d'Erau : se fa partida dels eveniments locals e que se mòstra dins d'escasenças divèrsas coma los tornegs d'ajustas, a l'escasença d'una eleccion o d'un enterrament, es subretot al moment del Corso florit dels 1èr e 8 de mai e pendent la fèsta de Mesa que se pòt veire. La mesa a mòrt del buòu se ten lo diluns a l'entorn del 19 d'agost, per la Sant-Ilari. Aquel jorn, la populacion locala mas tanben los toristas son nombrós per assistir a l'eveniment. Lo Buòu es una de las bèstias mai impressionantas del bestiari lengadocian. Poderós e imprevisible, suspren e perseguís los que se meton sus son camin. Es totjorn sus l'esplanada que se pòt veire la mesa a mòrt del buòu. La fola i es immensa per assistir a la mòrt simbolica de l'anima totemic, que renaisserà de sas cendres al mès de mai que ven.
Mise en ligne : 04/03/2020