Occitanica

Resultats de recèrca

4 resultat
Creator : Morsly, Hélène. Metteur en scène ou réalisateur.
Portail : Mediatèca
Fèsta de l'Ase de Beçan / Hélène Morsly, realizatritz [images animées]
Morsly, Hélène. Metteur en scène ou réalisateur.
L'Ase es l'animal dich totemic de Beçan (Erau).

Cada annada, la Sant Laurenç, la granda fèsta dels Beçanencs, se debana en agost, sus cinq jorns, dimenjada compresa. Las sortidas de l'Ase  constituisson los moments fòrts d'aquelas jornadas tanben conegudas jol nom de « fèsta de l'Ase ». Lo dimenge n'es marcat per una messa e una benediccion en preséncia de l'animal que precedisson lo passa-carrièra en vila.

Aqueles imatges filmats per Hélène Morsly los 9 e 10 d'agost de 2014 donan a veire aqueles rituals.
Lo Buòu de Mesa e los Ajustaires / Hélène Morsly, realizatritz [film documentaire]
Morsly, Hélène. Metteur en scène ou réalisateur.
Aquestes imatges d'Helène Morsly seguisson lo passa-carrièra del Buòu, animal totemic de Mesa (34), e dels ajustaires per la fèsta de Mesa, los 16 e 17 d'agost de 2014.

La fèsta de Mesa se debana cada annada a la Sant Ilari, la dimenjada la mai pròcha del 19 d'agost. Las festivitats començan tre lo dissabte per durar cap al dimars seguent. Lo Buòu de Mesa, acompanhat del Chivalet, serà de sortida lo dissabte e lo dimenge a 9 oras per las carrièras de la vila. Çaquelà, la corsa del Buòu se pòt pas preveire.
Lo dissabte se debana lo grand torneg regional d'ajustas lengadocianas. E lo Buòu es plan sovent associat als tornegs d'ajustas, que mai d'un còp es de sortida per festejar un dels venceires.
La Mòrt del Buòu de Mesa / Hélène Morsly, realizatritz [film documentaire]
Morsly, Hélène. Metteur en scène ou réalisateur.
Hélène Morsly a filmat aquí la mòrt rituala del Buòu de Mesa (34), un animal plan popular del bestiari lengadocian.

Es totjorn lo 19 d'agost que se pòt veire la mesa a mòrt del Buòu sus l'Esplanada. La fola i es immensa per assistir a la mòrt simbolica de l'animal totemic, que tornarà nàisser de sas cendres pendent lo Corso de Mesa al mes de mai seguent.
Lo Poulin de Pesenàs - Fèsta del retorn / Hélène Morsly, realizatritz [film documentaire]
Morsly, Hélène. Metteur en scène ou réalisateur.
Filmat aquí per Hélène Morsly en 2014, lo Polin, l'animal totemic de Pesenàs (34), ven cada annada lo 2 d'agost per aculhir los enfants del país exiliats, que poguèron pas festejar carnaval amb el.