Recèrca

sus 6
Filtrar
Filtre actif
Auteur : Tè Vé Òc. Producteur
oci (53)
Tipe : Emission TV
Emission del 30 de setembre de 2016


Retorn sus l'Estivada de 2016, una edicion de transicion redusida dins lo temps, aprèp la presa en man per la municipalitat de Rodés. Amb d'abséncias remarcadas, mas tanben de bons moments : totjorn los balètis que recampan un molon de monde, de rencontres literaris, de concèrts, de cinèma e de teatre occitan amb una representacion apreciada de Molière d'Òc.

La còla de Tè Vé Òc

Mise en ligne : 17/01/2020
Tipe : Emission TV
Emission dau 7 d'octobre de 2016

Lisa Gròs e Claudina Paul vos prepausan un reportatge sus lo festenau socio-culturau « Convivéncia » en Arle, que festejava sei 15 ans aquel estiu. Ambé per devisa « Art du partage, partage de l'art », l'eveniment recampa divèrs actors sensibles an' aquelei valors de dubertura an' aquelei rescontres galòis de quauquei jorns. I veirètz subretot lo concèrt Fièra, de Guylaine Renaud e son grop, per la jornada dubèrta a l’occitan. Enfin dins aquesta emission, Viviana Roux vos evocarà l'identitat de « Convivéncia ».
Mise en ligne : 17/01/2020
Tipe : Emission TV / Data : 2017-04-07
Emission dau 7 d'abriu de 2017

Reportatge sus un espectacle viu de tria creat e jogat per lei calandretas de Carcassona e Villedubert : après una classa de descuberta en pais de Sault e un rescontre fruchós amb lo contaire Pèire Pos, cinc tablèus en relacion amb lei contes ausits ; un omenatge au contaire, present a l’espectacle.
Mise en ligne : 17/01/2020
Tipe : Emission TV
Emission dau 21 d'octobre de 2016

La vila de Seta, coneiguda per sa tièla au pofre, festejèt en 2016 lei 350 ans de sa fondacion. Mai pas soncament ! Se tractava tanben de sa 274ena edicion d'ajustas (targas), emblèma de Seta tant coma sa cosina. Ben de causas caracterizan Seta e son istòria. Bastida per lo rei Loís XIV, la vila portuara se pòrta encara plan. Entre atmosfèra familiala e eveniment de pes : la Fèsta de la Sant Loís e sei targas.
Mise en ligne : 17/01/2020
Tipe : Emission TV
Emission dau 28 d'octobre de 2016

Se leis arts e la cultura fan ben partida de nòstre patrimòni, oblidem pas que leis espòrts mecanics presentats dins l’emission son tanben un element d'identitat, de rescontre e de partatge, aquí en Occitània. Siam anats per vautrei cubrir la primièra « montada istorica » au Martinet, sus lo còu de Trelís. Organizada per Cèze Moto Rétro, la manifestacion aviá per vocacion de valorizar e escambiar sus lo patrimòni mecanic. Ambé lo motard Chaz e la joina pilòta de side-car Estèla, descubrirètz seis experiéncias e sei preferéncias. Vos porgissem una cabussada vertadièra au còr d’una istòria escricha per d’afogats dau 2 ò 3 ròdas, una pagina au sen de l’istòria de la mecanica.
Mise en ligne : 17/01/2020
Tipe : Emission TV
Emission dau 10 de novembre de 2016

Plan raprochat sus lo festenau Artéquinoxe : aquela manifestacion que se debana a la prima e a l'automne coneguèt sa primièra edicion en setembre de 2016.

A Bèuvesin (Gard), Lisa Gròs, Claudi Queyrel e Marc Carteyrade vos prepausan un reportatge consacrat a l'art viu e leis òbras efemèras a l’iniciativa de Laurine Tan Ham de la mediatèca e sa còla. L'emission portarà subretot sus lo concèpt d'emprentas e de traças e dau biais que l'òme a de marcar de sei mans e de sei gèsts, l'expression de son art. Escotarètz tanben d’ entrevistas deis artistes e de gens de Bèuvesin que, lo dissabte dei Jornadas dau patrimòni, vos parlaràn dei mòstras efemèras per carrièiras e de son ressentit.
Mise en ligne : 17/01/2020
Tipe : Emission TV
Emission dau 18 de novembre de 2016

Cambiament de registre amb un saut dins lo bestiari ! Aquela emission es consacrada ai rapinaires, que son tanben sonats « rapaces », ò « aucèus arpians ». Lei rapinaires son una familha d'aucèus reconeissables a son bèc crocut e seis àrpias. Aquelei particularitats fisicas lei permeton d'arrapar sa presa e de'n descopar la carn. Aquò ne'n fai d'aucèus predators. Que siágue per la pedagogia, lo suènh ò lo noirissatge, Amada Cròs vos presenta çò que se fai dins Gard per preservar lei rapinaires e educar lo monde a prepaus d'aquelei reis deis aucèus.
Mise en ligne : 17/01/2020
Tipe : Emission TV
Emission dau 25 de novembre de 2016

En' Arle, lo Museon Arlaten es en plen trabalh. Una òbra que dura despuèi 2007 e que promet una dubertura de l'estructura d'aicí 2019. Farètz una visita parciala dau bastiment dau CERCO, ambe lei comentaris de Patrici Gauthier, cargat de mission en lenga nòstra. Lo CERCO es lo Centre d'Estudi, de Restauracion e de Conservacion deis Òbras, qu'apara darrièr sei parets mai de 30 000 objèctes de valor etnografica. Qual endevenir espèra lo Museon e sei publics ? Coma foncciona la fasa restaurativa dei colleccions ? Ne'n sauprètz mai dins aqueste reportatge d'Amada Cròs.
Mise en ligne : 17/01/2020
Tipe : Emission TV
Emission dau 2 de decembre de 2016

Lo collòqui de la FLAREP (Fédération pour les Langues Régionales dans l'Enseignement Public) se debanèt a Montpelhièr per aqueu rendètz-vos de 2016. Lo rescontre recampèt un public compausat de nombrós ensenhaires de tot Miegjorn, mai tanben de França tota. A l'entorn de la tematica « Identitat e alteritat », son estats discutits leis enjòcs d'uèi e de deman de l'ensenhament dei lengas regionalas e lei problèmas que rescontran seis ensenhaires. 
Mise en ligne : 17/01/2020
Tipe : Emission TV
Emission dau 9 de decembre de 2016

Aprocham de Novè, e benlèu qu'avètz ausit parlat dau Canconièr totemic que lei Lhubac an concebut ambé Josiana Ubaud. Dins aqueste reportatge, vos presentam leis activitats artisticas d'un coble tant implicat dins la creacion coma la tradicion. Musicians dins lo grop Banda Sagana  e etno-pedagògas performaires, Joan-Miquèu e Maria-Josè Lhubac multiplican lei possibilitats de creacion a travèrs leis arts e la cultura d'òc subretot. Sus la basa d'elements tradicionaus, tròban un vam per anar mai luènh encara, ambé d'idèias que mancan pas despuèi mai de 30 ans.
 
Mise en ligne : 17/01/2020
sus 6