Recèrca

Filtrar
Filtres actifs
Contributeur : Aprene
Sauf
Auteur : Chambra d'Òc
Tipe : Ressorsa ensenhament / Data : 2017-2018


Traparètz dins lo recuèlh "cicle 2"las poesias que convenon mai a d'enfants de CP, CE1, CE2 (6 a 8 ans). Son de tèxtes aisits de comprene, pas totjorn aisits d'aprene.

Tornar al somari del recuèlh
Mise en ligne : 17/01/2020
Appartient à :
Tipe : Ressorsa ensenhament / Data : 2018-2019
Projècte realizat en l'encastre de l'annada d'estagi de Professor deu 2au grad (CAER Matematicas).

La mira d'aqueth projècte qu'ei de favorizar lo jòc dens l’aprenedissatge de las matematicas au Collègi.

Que s'ageish ací de jòcs pedagogics realizats en l’encastre de la classa de 5au dab objectius precís.
Lo « jòc » que respon a un contracte didactic on l’escolan desvolòpa competéncias matematicas, transversaus e langatgèras dens un contèxte d’aprenedissatge conviviau.
Integrar lo jòc dens los aprenedissatges au collègi que permet non solament aus escolans d’aquesir sabers mes tanben d’estar en situacion d’escaduda e d’estar actors.
Que presenti ací un jòc suus nombres relatius qui convida  los collegians de la classa a tribalhar en cooperacion, a respectar règlas, a préner iniciativas, a comunicar e sustot a s’implicar dens ua activitat ludica shens enjòc penalizant.

1) Las matematicas peu « jòc »
2) Lo jòc deus nombres relatius
3) Varianta deu jòc
4) Indicators e avaloracion
5) Paraulas de collegians
6) Conclusion
7) Autes jòcs utilizats en classa
Mise en ligne : 17/01/2020
Tipe : Ressorsa ensenhament / Data : 2017-2018
Projècte menat per Matilda Baccou dins l'encastre de l'annada de Professora de las Escòlas Estagiaria (PEE) 2017-2018

Dins l'encastre de mon annada de professora de las escòlas estagiaria, sosquèri a quin trabalh podiái far per facilitar un pauc lo quotidian de las regentas e dels regents. Aprèp discutidas amb d'autras regents, me mainèri que mancava una ressorga que recampariá de poesias per pichons e per grands, ressorga ont cada regent podriá aver una granda causida, descubrir d'autors, bastir de sequéncias a l'entorn d'un tèma...

Traparetz dins çò que seguís la realizacion d'aquela idèia. Lo recuèlh de poesia occitana que vos prepausi es perfectible, mas permet als regents que prepausan jà de poesias en classa de diversificar lor repertòri, e benlèu qu'aquel recuèlh balharà un pauc de vam a los qu'an pas encara gausat s'escampar dins la poesia en classa.La causida foguèt facha de publicar los poèmas dins l'occitan de totes los parsans, sens dinstinccion.

La tradicion poetica orala qu'existís en Occitania pausèt lo problèma de la sorga : de comptinas e poesias presentas dins aquel recuèlh son pas signadas. Se malgrat los esfòrçes de recèrca que foguèron faches, conneissètz lo nom de l'autor d'una poesia non signada, vos demandi de plan voler me contactar per que las modificacions se faguen.

Per las poesias signadas, los dreches de publicar foguèron demandats. Tanben, se volètz portar la vòstra contribucion a aquel recuèlh, mercé de me contactar.
Bona lectura.

Matilda Baccou


Ensenhador :

Recuèlh de poesias pel Cicle 1
Recuèlh de poesias pel Cicle 2
Recuèlh de poesias pel Cicle 3
Recuèlh de poesias : familhas de lengas

Mise en ligne : 17/01/2020
Tipe : Ressorsa ensenhament / Data : 2018-2019
Projècte PEE amb APRENE: projècte de recèrcas menat dins l'encastre de l'annada de professor de las escòlas estagiari (PEE).

Dintra dins una mira collectiva per ajudar e balhar de ressorgas pels regents de cicle 1- cicle 2- cicle 3 (se pòt adaptar al collegi)a partir d'un collectatge de reviradas. Se trapa directament en linha sul ESTELUM (accès liure amb sos còdis).

Introduccion

Mon idèa de projècte de PEE partiguèt primièr d'un constate, d'una reflexion que me soi faita a la tota debuta de ma primièra experiéncia tan coma regenta en formacion en Calandreta. Foguèt un besonh vertadièr dins la meuna classa. Èri a començar e aviái pas res coma aisinas de classa per poder utilizar en classa.
De fait, dins las classas se practica l'immersion en occitan, e doncas los regents, coma los mainatges, an de besonh d'aisinas, de supòrts revirats dins la lenga emplegada al cotidian.
Mon idèa de trabalh es doncas partida d'una manca bèla de reviradas en occitan dins lo mitan de las classas.

En calandreta, la revirada es al còr del trabalh nòstre. Tal coma regent, la revirada fa partida de la nòstra vida de classa al cotidian, es la basa de l'immersion.
Es per aquò que los professionals de la trasmission lingüistica, tal coma nosautres regents, devon mestrejar la lenga e doncas evidentament devon conéisser l'art de revirar, e las trapèlas que s' amagan darrièr. Aquò segur, passa d'en primièr per l'estudi e la coneissença reala e en detalh de l'immersion en mitan escolar. Efectivament, las trapèlas quand reviram son nombroses mas pas forçadament reparablas a primièra vista. Podem parlar aquí de «problèmas» que pòrtan prejudici dins la mira d' una revirada «bona», es a dire d'elements que pòdon pausar questions e metre bastons dins l'objectiu nòstre de la revirada. La question dels dreits de publicacion foguèt evidentament presenta dins aquel projècte.
Que siá dins un espaci privat o public, lo traductor deu respectar tot çò que tòca al tèxte original, que siá l'autor, l'editor, la traduccion, … e deu respectar un encastre preciu se vòl utilizar sa revirada. L'utilizacion d'òbras es suceptible d'èsser somesa a autorizacions e necessita precaucions.

Lo projècte «reviradas» es dirèctament ligat a la plataforma liura «estelum» a fin de poder prepausar una accès total dins un espaci comun, collectiu e cooperatiu. Los regents de Calandreta i an accès liurament, an besonh unicament d'un còdi per i dintrar (qu'es balhat per aprene) e an possibilitat de se crear un portfòlio personal, es a dire un dorsièr ont pòdon penjar aisinas de classa, documents de recèrcas, fichas menairas, cants, reviradas, videos, fotografias, … que vòlon partejar amb los autres regents que son registrats sus aquela plataforma.
Mise en ligne : 17/01/2020
Tipe : Ressorsa ensenhament / Data : 2018-2019
Pasmens, la mesa en plaça de l’estampariá per un començaire es fòrça malaisida. De fach, se pòdon puntar tres problèmas magèrs :
1 – Cassas : son malaisidas de trapar, sovent fòrça caras e pas adaptadas a la composicion en occitan : son sovent de cassas francesas.
2 – Compostaires : son encara mai malaisit de trapar, e tanben cars.
3 – Premsas : idem, mai a un lindal encara mai naut !

Las problematicas de la mesa en plaça de l’estampariá dins una classa son doncas d’òrdre material e pecuniari.
Es dins aquel encastre que mon projècte pren sa sorga : amb totes aqueles problèmas, cossí far per metre en plaça l’estampariá dins sa classa ça que la ?
Ma prepausicion de responsa an aquestes problèmas foguèt de me virar cap a l’estampariá 3D.
Tipe : Ressorsa ensenhament / Data : 2011-2012

Projècte menat per Natàlia Font dins l'encastre de l'annada de Professora des las Escòlas Estagiaria (PEE) 2011-2012

« Los animals de la bòria » es la tematica causida per lo darrièr periòde dins ma classa de PS e MS. Causiguèri de vos presentar aqueste trabalh per fin d'escambiar sus una tematica fòrça emplegada dins las classas de mairala. Lo projècte compren mantuna etapa.

Partiguèrem de las representacions qu'an los enfants de la bòria per anar cap a la descobèrta d'aqueste mitan e sas foncions. S'acabarà per un viatge de tres jorns a la bòria del masatge del Moulès dins Avairon per fin d'observar dins son environament los animals de la bòria. Aqueste viatge lor permetrà tanben de participar a las activitats de la bòria e a una aventura umana rica.

Trabalhar a l'entorn de la bòria presenta un interès educatiu important a l'escòla mairala. Primièrament permet, dins lo domeni de «descobrir lo mond del viu», d' abordar una part bèla del programa :
– Permetrà de menar los enfants a observar diferentas manifestacions de la vida, los cicles que constituisson la naissença, la creissença, la reproduccion, lo vielhum e la mòrt.
– Permetrà tanben de sensibilizar als problèmas ligats a l'environament e d'aprene a respectar la vida. En transversalitat, totes los domenis d'aprendissatges de la mairala pòdon èsser trabalhats :
– Lo lengatge, amb l'enriquiment del vocabulari relatiu a la bòria.
– La lectura e l'escritura, a l'encòp per servir lo trabalh de recèrcas, de documentacion e per noirir l'imaginari dels enfants.
– Las activitats artisticas (oralas, corporalas e manualas) s'inspiraràn aisidament del subjècte per faire imaginar e crear los enfants.
– Lo viure amassa amb la participacion a un projècte de classa que menaràn los enfants a viure en collectivitat pendent tres jorns. Amai, balhar de sens als aprendissatges es primordial dins la transmission del saber. Amb aqueste projècte, los enfants s'investiràn aisidament demercé l'interès natural que pòrtan al mond del viu e a la bòria e tanben demercé l'enjòc que representa la participacion a un projècte de classa transplantada a la bòria.

Per vos presentar lo projècte, ne causiguèri qualques aspèctes.
Primièrament, lo projècte bòria presenta una « aventura » per d'escolans de mairala.
En segond ponch, parlarai del marchament d'investigada mes en abans dins lo projècte. En tresen ponch, presentarai qualques activitats transversalas.
Per acabar, tractarai de l'aspècte administratiu d'un projècte de classa transplantada.

Ensenhador

Introduccion
I) Una «aventura»

1) Una aventura que fa créisser
2) Aspècte collectiu, la classa coma repèri
3) La presa de risca

II) Lo marchament d'investigada

1) Quals son los animals de la bòria?
2) De que manjan los animals?

III) Las activitats transversalas

1) Descobrir l'escrich
2) S'exprimir amb son còrs, la vòtz e l'escota

IV) Autorizacion e cadre administratiu

1) Cap a las familhas
2) Las autorizacions de sortidas

Anèxas

Sites internet
Qualques libres sul tèma de la bòria
Cants
Qualques fichas menairas

Mise en ligne : 17/01/2020
Tipe : Ressorsa ensenhament / Data : 2017-2018

Projècte menat per Natalia Mineur dins l'encastre de l'annada de Professora des las Escòlas Estagiaria (PEE) 2017-2018 amb APRENE
Cicle 2 : Classa CP CE1 CE2

Al quotidian, adultes tan coma mainatges, sèm confrontats de longa als imatges via la publicitat, la television, los rets socials... Imatges que pòdon èsser fixes o animats, reals o modificats. Amb lo desvolopament dels aparelhs numerics mas tanben l'espandiment dels telefonets, la fotografia ten una plaça màger dins nòstras vidas.
La fotografia es sovent mencionada dins los programas oficials de l’educacion nacionala. Pr’aquò, es cantonada a las arts visuals.
En començar mon annada de Professor de las Escòlas Estagiària, (annada escolara 2017-2018) me demandèri de que seriá l'interés d'aver e d'utilizar un aparelh fotografic en classa.
La primièra partida de ma recèrca desvolopa lo cadre juridic e presenta la fotografia a travèrs los programas oficials de l’educacion nacionala.
La segonda partida presenta lo trabalh menat en classa . Trabalh ligat a las arts visualas e a las TICE.
La tresena partida mòstra los autres usatges faches e d’unes que serián de desvolopar.
Puèi la darrièra partida balha d’exemples d’utilizacions pegagogicas dins mantunes domenis d’aprendissatges.

Mise en ligne : 17/01/2020
Tipe : Ressorsa ensenhament / Data : 2018-2019
Projècte menat dins l’encastre de l’annada de Professor de las Escòlas Estagiaris (PEE) amb l’establiment d’ensenhament superior occitan APRENE.

La tòca d’aquel projècte es de permetre a cadun que ne sentiriá lo besonh de se poder estampar o far estampar de compostaires e de caractèr tipografics amb una estampadoira 3D.

1 – Brèu istoric de l’estampariá

2 – Lo jornal escolar

3 – L’estampariá tipografica

4 – Projècte Estampariá 3D

Mise en ligne : 17/01/2020
Tipe : Ressorsa ensenhament / Data : 2017-2018

Projècte menat per Carolina Simon dins l'encastre de l'annada de Professora des las Escòlas Estagiaria (PEE) 2017-2018 amb APRENE

Ma causida peu projècte d’aquera annada de PEE ambe APRENE se virèt de cap a una aisina entaus novèus regents que s’arretròban cap d’establiment dins una escòla jos o fòra contracte pendent las prumèras annadas d’ensenhament.
Aquò m’arribèt, e hasquèri plan sola davant aquera responsabilitat e aqueth trabalh que trobavi tant grand e alencòp fosc.
Alavetz, qu’èi volgut bastir una maleta informatica disponibla entau monde que n’an besonh. Pòt pas tot concentrar, mes las causas prumèras i son. Çò qu’ei plan, qu’ei que se pòt actualizar, e contunhar.
Se presenta jos forma d’una mapa d’eime. La mapa d’eime qu’ei un diagramme elaborat ambe un logiciau « DRAW.IO » entà representar de tacas, de concèptes o d’idèas qu’an un ligam ambe un mot clau o un’idèa centrala, e que s’arretròban autorn d’aqueth tèma.
L’objèctiu qu’ei de collectar, memorizar, sintetizar e organizar las idèas ambe de bochòrlas ligadas a de documents pinjats suu NAS o de sitis.
Atau, causiguèri de’u botar suu NAS pr’amor qu’èra un mejan mès simple d’organizacion e de gestion informatica.



Lo cap d'establiment d’una escòla privada jos contracte qu’ei, en hèit, cap d’establiment deu prumèr gra. Aquò implica responsabilitats en mès per rapòrt a un cap d'establiment public (recrutament, responsabilitats sortidas, mesas en pòste, etc…). Depend, en mès de l’IEN e l’IA, de son administracion (federala e confederala).
Sa mesa en pòste dèu ésser coneguda deu moviment calandreta, de l’IEN e declarada en prefectura.


Peu moment, existís pas, de vertadièr estatut de cap d’establiment calandreta e tanben de contracte ambe l’associacion. La situacion qu’ei un pauc fosca e variabla segon las escòlas e lor organisacion mes se parla d’anar de cap a un estatut deu cap d’establiment reconegut e legal pr’amor que dins lo public o lo privat, los cap d’establiments an una remuneracion suplementària. Atau, aquò permeterà la proteccion deus cap d’establiments e tanben d’esclaurir las responsabilitat de cadun e de plan definir las suas fonccions.

Dins lo dobte e s’avèm pas cap de solucion, se cau inspirar de l’organisacion legala de l’EN après vejaire de la federacion regionala.
Qu’ei mes prudent d’escríver suu papèr l’organizacion de la còla, de l’escòla entà hèr véser sa bona volontat en cas de problèma (delegacion aus cap d'establiments adjunts, corrièrs entà demandar ajuda o pausar de questions a l’IEN o au moviment calandreta, questionaments sus la seguretat e las responsabilitats de cadun) e de plan entresenhar los renduts comptes d’acamps.

Dins lo public e lo privat confessional, los cap d'establiments an una prima de fonccion qu’ei variable segon los efectius gerits. En hèit, en mes de las responsabilitats nombrosas e pesugas, deven balhar de temps de tribalh en mès (notament pres sus las vacanças).

Ensenhador

1) Afichatges

a) Còla

i. Nòtas de servici

ii. Tablèu de servici

iii. Òrde deu dia deus conselhs

iv. Planejament utilizacion deus locaus

v. Emplècs deu temps

vi. Planejament sortida

vii. Numerò de telefone Inspeccion e RASED

b) Parents

i. Reglament interior de l’escòla

c) Exemple Escòla Calandreta de Garoneta

i. Carta de las Calandretas

ii. Jornada pòrtas dubèrtas

d) Per totis

i. Protocòle d’alerta deus secors e consignas

ii. Tablèu de servici

2) Formularis

a) Autorizacions

i. Drèit a l’imatge

ii. Sortidas

b) Inscripcion

i. Certificat de vaccinacion

ii. Asseguranças

3) Installacion Cap d’establiment en ligam ambe la federacion regionala

a) IA

b) Maison Comuna

c) Prefècte

d) Procuror

4) Fonctionar de l’escòla

a) Las insténcias de l’escòla

b) Seguretat

i. PPMS

ii. Sortida escolara

iii. Santat

iv. Eviccions escolaras e malautias contagiosas

v. Accidents

5) Accompanhament deus escolans a besonhs particulars

6) Los tèxtes officiaus

a) Drèit e obligacions deus parents d’escolans

b) Drèits e obligacions deus escolans

c) Obligacion de la comuna acuelhant una escòla jos contracte

d) Circulària de dintrada

e) Organigramme

f) Lei n°2005-5

g) Lei n°59-1557

h) Registres

i. Registres deus escolans inscriuts

ii. Registres de seguretat

7) Formacion

a) Cap a un estatut deu cap d’establiment

b) Cap d’establiment

i. Vademecum educacion.gouv

8) Associacion

a) Organigramme Calandreta

b) Estatut Confederal

c) Vida de l’escòla

d) Drèit e recrutament d’una associacion emplegaira

e) Communicacion ambe los parents

9) Ròtle deu director e deu president : reparticion de las tacas

Mise en ligne : 17/01/2020