Explorar los documents (8193 total)
Ce numéro publie le compte-rendu de l'assemblée générale de Lutte occitane qui s'est tenue les 24 et 25 juin 1972.
Emission del 06 de mai de 2020
La vestimenta au Musèu dau Nimes-Vièlh. Partida 2
Guilhem Chevalier, estudiant en licéncia d'occitan a Montpelhier, es un apassionat de bèus teissuts. Es tot naturalament qu'acceptèt de nos comentar, en provençau, quauqueis objèctes de la colleccion textila au Musèu dau Nimes-Vielhs. Dins aquela 2nda partida de nòstra virada, contuhnam nòstra visita au plan-pè, ambé lo membre consacrat a la tela « Denim », teissut present sus una polida tenguda tradicionala que vos es presentada. Puèi anam au 1er estanci, onte Guilhem nos dona de detalhs sus una rauba « a la francesa », sus de polits bas fabricats dins Gard, de gilets pron ancians e una capa « indigo » de pastre. Venètz nos seguir, a la descubèrta dei tresaurs de vestimenta dau Nimes-Vièlhs.
Un reportatge d'Amada Cròs
[resumit de Tè Vé Òc]
Dins l’encastre de mon memòri de recerca de Master 2, trabalhèri a l’entorn de las sortidas en mairala.
Es dins aquela dralha que vòli prepausar un projècte que podria permetre al.la.s regent.a.s de partir de las sortidas de classa per bastir d’aisinas de classa.
Aquel projècte sortís tanben d’un constat evident que manca de material de classa en òc. Sul net, trapam un fum de causas plan interessantas per la classa, mas cal totjorn revirar e aquò prene un temps fòl.
Vòli aquí metre en abans la necessitat de partejar sas aisinas per poder facilitar le trabalh de cadun.
La primièra aisina, son de cartas de lengatge qu’ajudan a l’ecritura dels dessenh contat, dels articles de classa o de las letras pels correspondants.
La secunda aisina, toca an un domèni que se desvelopa fòrça dins l’encastre calandreta, es lo domèni de las familhas de lengas. Practicant un bilinguisme immersiu, las escòlas calandretas an aquela volontat de dubrir los mainatges sul pluriliguisme. Tre la mairala, permetre als mainatges de parlar, escotar las lengas del monde es lor balhar l’escasencça de desvelopar encara mai lor curiositat e dubertura cap al monde que los enròda.
1/ Sortir a la mairala : pescar defòra per cosinar dedins
Quand sortissèm, descobrissèm un univèrs completament diferent de la classa e sas parèts. Aussisèm de bruches, rescontram monde, escotam parlar, espepissam d’immòbles… aquò provoca tant d’emocions, de reacions diferentas que seriá domatge de se’n pas servir per ligar lo dedins e lo defòra.
2 / Cosinar dedins : las aisinas de reinvestiment
2.1/ Las cartas de lengatge
L’idèa ven de mas observacions de long de ma formacion que vegèri dins las classas un fum de cartas de lengatges amb de fotos pescadas sul net, de dessenhs, mai jamai amb d’illustracions que venian del viscut de la classa. Vaquí un aisina que permetrà de bastir las cartas a partir del viscut de la classa.- Lo fichièr « cartaslengatge_ML » en PDF, presenta l’aisina e balha dralhas per l’utilisacion de las cartas
- Lo document « Fichièr_cartas-lengatge_ML » en libre office draw, es l’aisina que va servir per fargar las cartas.
2.2/ Lo jòc de las 7 familhas
- Lo fichièr « tutò_jòcFDL_ML » en PDF, presenta l’aisina e ajuda per fargar lo jòc.
- Lo document « Jòc_FDL_ML » en libre office draw, es lo que cal utilizar per fargar lo jòc per la classa.
3/ Qualquas idèas per contunhar
a/ Per las cartas de lengatge,
-
Fargar de familhas amb las diferentas cartas : natura, fornaria, carrièra, objèctes, fruchas….
-
Tornar metre los imatges dins l’òrdre de la sortida.
b/ Pel jòc de las 7 familhas,
se pòt utilizar per :- Un jòc de memòri
- Un jòc de batesta
Ara, basta pas que de prene lo vòstre aparelh foto, l’ordenator, una estampadoira, una plastificadoira, de cisèls e Zohh !!!
PRESENTACION
En agachant un reportatge sus las commemoracions de junh de 1944, Marcelle reconeis Roger, son amor de joventut qu'a pas revist dempuèi 65 ans. Una ondada de sovenirs l'envasís…
Mai de 1944… En Margerida, al còr del Massís Central, Marcelle et sa familha veson tornar florir la prima e retroban los ritmes paisans ligats als camps, a las bèstias e a la vida sociala. Plan segur, i a los tiquets de racionament, las requisicions que possan a tuar lo pòrc de nuèch per èsser pas susprés pels gendarmas, lo cobrifuòc obligatòri, las fèstas de vilatge defendudas… Pasmens, se dança dins las fenièras a las fenèstras mascadas, s'escàmbia la farina contra de pomas…
Los afrontaments son luènh dins aquela region situada entre los departaments de Nauta Lèira, de Cantal e de Losèra. Pertant, la Margerida va èsser lo teatre d'afrontaments que marcaràn durablament los esperits. Alara que los Resistents tentan de blocar la Wermacht, la Batalha del Mont Mouchet s'engatja en junh de 1944. La guèrra es aquí, amb sos dramas, sa violéncia mas tanben sos espèrs... Sens dobta de cançons d'amor, de viatge... de contes dins los quals las princessas èran de simplas pastoras...
Aquel collectatge es lo fruit d'un collectatge menat per Séverine Sarrias al près de testimoniatges de l'epòca. « Le Chemisier jaune » pòrta un agach sensible sus la vida quotidiana en Margerida en 1944. Un espectacle que questiona la memòria pel conte e la musica.
Descobrir l'espectacle amb un extrait : AQUí
EQUIPA ARTISTICA
Séverine Sarrias - contaira
Arnaud Cance – musica e cants occitans
Michel Hindenoch – agach exterior
FICHA TECNICA
Alprès de la companhiá Les Fées du Az'Art
CONTACTE DIFUSION
O6.82.19.66.38.
lesfeesduazart@gmail.com
www.lesfeesduazart.com
