Explorar los documents (8197 total)

Contributeur : CIRDOC - Institut occitan de cultura

Collectiu IEO Cantal
Rauch, Antoine. Illustrateur

Pels tot pichons de 0 a 4 ans, un polit album illustrat en colors, que mescla lo francés e l'occitan (lengadocian).

De QR còdis permeton d'accedir a la version sonòra de l'istòria : de qué far ausir l'occitan als pichons, e benlèu tanben a lors parents.

Es l'estiu. Bédélou, lo vedelon salèrn e sa maire son dins la montanha. Mas subte Bédélou pèrd sa mamà de vista... Alara la cerca e questiona totas las bèstias qu'encontra : "Marmòta, as-tu vu la miá mamà ? – O pecaire, as perdut ta maire ! Non je ne l'ai pas vue, je dormais."

MJC de Puylaurens

PROGRAMA

Concèrt e foodtrucks a partir de 19h00 a l'ostal de las associacions de Puèglaurenç :
- La Mal Coiffée
- Ely Beth
- Access Crew

NE SABER +

MJC Puylaurens : 05.63.75.40.98.
Participacion liura a partir de 5e

Combas, Gèli

Amb trenta racontes, Gèli Combas nos fa traversar lo periòde de las annadas setanta a uèi e viatjar d’Occitània a Espanha, jonhent dos pòbles tan vesins e amics.

Aqueste recuèlh, nos confirma las qualitats literàrias de Gèli Combas, un autor que fa viure remirablament la lenga. Sens jamai alassar lo legeire – al contrari – descriu dins los pus mendres detalhs los lòcs, los eveniments e los òmes dins lors activitats, lors compòrtaments, lors costumas, lors tissas, lors jòias e lors penas, de descripcions totjorn apassionantas, plan sovent esmoventas. Sentiments, emocions, omenatges… Agachar davant, far amb la societat de uèi sens oblidar d’ont venèm ni renegar las nòstras raices !

CIRDOC - Institut occitan de cultura

Per mancar pas res de sa programacion evenimenciala, lo CIRDOC – Institut occitan de cultura vos propausa un supòrt novèl, son programa trimestrial.

Lo primièr numèro vos propausa de descobrir los eveniments de venir pel site de Besièrs, pel periòde Març/Abril/Mai.

E per mancar pas un dels rdv propausat per l'establiment, pensatz a seguir la nòstra actualitat en linha mercés al nòstre open Agenda : https://openagenda.com/cirdoc

Design imatge de cobèrta : Clémence Estivals / https://clemencestivals.fr/

Recuèlh dels racontes finalistas del “IV Concors de racontes brèus en occitan Enric Garriga Trullols”.

Unes racontes que compausan una garba ont tot i passa : de la languina que vos pren al ventre a la mòrt dels qu’aimatz o la solesa dels que son a mand de tot pèrdre, a la jòia e l’innocéncia dels pichons, estonats davant l’amor que naseja, o los brams de plaser d’una party de pistachièrs. E que nos an menat d’un recanton perdut en Arièja o en Aran a la sèuva dels aztècas, l’Imalaia o lo Japon d’abans la guèrra, per i encontrar tot un cortègi de personatges susprenents, ambe de formigas que parlan, tuaires de massa, un comitat de mascas que benlèu ne son pas unas, un drac endormit… Una fèsta.

Contes publicats :

Acampada de familha. Jean-Marc Rabier
Zibola. Robèrt Pastor
Un café dab Edoné. Jordi Ràfols Brasó
Yobai. Sara Laurenç
La còla dau drac. Jean Claude Puech
Cambiaments de nom. Alan Roch
Empúries. Matieu Poitavin
L’Institucion de Defensa de las Mascas (IDEM). Esther Lucea Teruel
Le tren de la nuèit. Miquèl Ruquet

Département de Haute-Garonne
Région Nouvelle-Aquitaine
Région Occitanie
Ville d'Agen
Ofici Public de la Lenga Occitana

Rdv es balhat a Agen (47) los 13 e 14 de junh que venon pels Rencontres occitans de las lengas e culturas regionalas.

Dos jorns d’escambis e de debats a l’entorn de la plaça de la lenga occitana dins la societat actuala (educacion, economia, torisme, cultura...) a travèrs l’experiéncia e las idèas de los e las que la pòrtan e la defendon al quotidian.

Seràn present.a.s per aquela primièra edicion (entre autres) : Jean-Luc Lagrave, Romain Baudoin, Martine Ralu...

Per descobrir lo programa dins son integralitat e vos inscriure : ligam : http://abrac.at/rencontres2024

Roch, Alan

Aprèp aver parlat de las patas dels mila-patas, dels pics dels eirices, de las escaumas de las serenas, del monde d’alas e de plumas, dels provèrbis del beure e del manjar, aprèp s’èsser interessat al bestiari e a la mit-òc-logia,lo poèta se vira cap al monde vegetal per nos contar, en vèrses ortalans, la vida reala (?!!!) e tanplan supausada de l’òrt, dels legums, de la frucha, del bòsc, dels arbres, de las èrbas, de las flors, …

CIRDOC - Institut occitan de cultura
Conservatoire d'agglomération Béziers-Méditerranée

PRESENTACION

Amb son Carnaval des animaux, Camille Saint Saëns convidava lo public a una parentèsi encantada, entre fantasiá e umor. Tornant visitar los còdis d'aquèla pèça classica, los artistas del Carnaval Trad de las Bèstias ne propausaràn en 2024 una adaptacion qu'emprunta d'unes marcaires de la cultura occitana : musica tradicionala, bestiari fantastic mas tanben conte e teatre d'ombras. Dins l'escrinh del Pargue de la Gayonne, Séverine Sarrias (contaira), Arnaud Cance (musician, cantaire) e François Breugnot (musician) presentaràn al public las colissas de la creacion al sortir d'una setmana d'escritura al CIRDOC : genèsi de l'òbra, causidas artisticas e qualques extraits.

Un eveniment en partenariat amb lo Conservatòri d'agglomeracion Besièrs Mediterranèa

INFORMACIONS PRACTICAS

Pargue de la Gayonne, 34500 Besièrs

Ne saber mai :
Contact secretariat@oc-cultura.eu / 04.67.11.85.13.

Cors d'occitan per debutants a Carcassona - Tè Vé Òc

Gros, Lise. Metteur en scène ou réalisateur

Emission del 9 de mai de 2024

Cors d'occitan per debutants a Carcassona

L'IEO d'Aude organiza un cors d'occitan per debutants. Veirètz aquí per de qué e coma fuguèt creat e çò que s'i passa. Trobarètz tanben coma vos i inscriure per la dintrada de setembre de 2024 e las condicions.

Un reportatge de Lise Gròs

[résumé : Tè Vé Òc]

CIRDOC - Institut occitan de cultura

Amb l’estiu qu’apròcha, lo CIRDOC-Institut occitan enfila son vestit de sason per entamenar una granda virada d’eveniments e festenals occitans. Plan segur Total Festum que, dempuèi 2006, reviscola la cultura dels païses d’òc e catalans mas tanben un fum d’autras iniciativas ont s’exprima la creativitat d’associacions e d’artistas d’en pertot sul territòri. Es l’escasença per l’establiment de prepausar son sosten dins lo quadre d’une politica de cooperacion que se desvelopa de longa, amb l’ajuda de las collectivitats e partenaris institucionals. Mas dins los faches de que s’agís e cossí se passa ? lo CIRDOC - Institut occitan de cultura coopera segon tres modalitats complementàrias. D’en primièr per la mesa a disposicion de ressorças documentàrias (libres, mòstras, supòrts de mediacions variats …) e d’una formacion elementària per s’arrengar amb aqueles otisses. Puèi amb una formula afortida d’una preséncia sul terren e d’una proposicion especifica (animacions, creacions, consultacion …) assegurada en relacion amb los organizators. Enfin, en foncion del contèxte, del besonh exprimit e de l’interés per l’espandiment de la cultura, lo CIRDOC - Institut occitan de cultura interven coma co-productor en contribuïssent a la programacion. Es aital que nos crosarem dins las setmanas que venon, del Total literari a l’Universitat Occitana d’Estiu, de Prom’Aude als Rencontres de Salinèla, de la Passejada Calandreta a la Maïada (47).

Descobrir la Letra en Òbra 20 - Mai de 2024 / Julh de 2024 : AQUI