Explorar los documents (5724 total)

Contributeur : CIRDOC - Institut occitan de cultura

Guilhemjoan, Patric

N’existiva pas au sens estricte nat diccionari etimologic occitan ni tanpauc especificament gascon. Un tau obratge que presenta un interès filologic e lingüistic mes tanben, pr’amor d’estar redigit dens la grafia classica normalizada, la mei espandida au dia de uei, qu’estableish un ligam dirècte dab las arradics de la lenga a las soas originas pre-indo-europèas, latinas, a còps cèltas, eventuaument francicas, puish miejancèras. L’establiment dirècte d’aqueth ligam en un tau obratge que justifica d’autan mei l’usatge deu sistèma grafic normalizat, enqüèra a còps contestat, qui hica a la lutz la proximitat naturau dab lo catalan e las autas lengas romanicas. Aqueste obratge que s’empara sus un ensemble de honts, la valor scientifica de las quaus a calut determinar, puish compilar entà confrontar las informacions e enfin presentar ua sintèsi critica. Lo crotzament, la sintèsi comparada e la compilacion d’aqueras honts qu hè vàder un obratge de sostien entà l’estudi especific deu gascon e mei largament de la lenga occitana.

Ubaud, Josiana

119 000 intradas Segon los parlars lengadocians 2da edicion corregida e enriquesida

Fruch d’annadas e de meses de trabalh, aqueste diccionari recampa fòrmas centralas e variantas del lengadocian tant eiretat coma modèrne, en abordant totes los camps lexicals (scientific, literari, tecnologic, economic, etc.), per respondre a totes los publics en demanda d’una lenga mai normada, segon lo nivèl de sos escriches. Lo diccionari limitat a l’ortografia e la gramatica de 119 000 intradas, las alternanças vocalicas dels vèrbes, la formacion dels derivats, intègra totas las preconizacions del Conselh de la Lenga Occitana e s’apièja mai generalament sus las solucions panromanicas en matèria de neologismes e terminologia. Ten tanben los noms pròpris : noms de païses, regions, flumes, mars, montanhas, vilas principalas e noms de sos abitants, prenoms e diminutius, personatges e eròis de l’Antiquitat. L’obratge es completat per una importanta Introduccion a la lexicografia occitana, que detalha abondosament los problèmas rescontrats per sa redaccion e d’una lista de correccions al diccionari d’Alibèrt. Serà donc tanben util als autres dialèctes per la partida metodologia e terminologia, e segur per tot lo lexic pandialectal.

Dordeins, Joan-Miquèu

Joan-Miquèu Dordeins que'ns balha un policièr qui debuta dab lo murtrer de dus estrangèrs, costat d'ua manifestacion en çò de la Republica deu Banthana.

Jonathan CAPDEVIELLE
Association POPPYDOG

PRESENTACION

Al sen de ma familha i a, i aviá, personas, personatges cal dire, qu'an noirit mon imaginari, mas obsessions e tanben influit sus la manèra de crear mos espectacles.

Pendent una periòde carnièra entre l'enfància e l'adolescéncia, l'environa familial es estat lo teatre ont jorns aprèp jorns se joguèt una pèça que las scènas son tan risolièras que dramaticas, me trèvan encara a l'ora d'ara.

Saga met en scèna aquel « Roman familial » ne tornant visitar los sovenirs dels luòcs e en convocant los personatges e las situacions que compausan los episòdis d'aquela trepidanta vida passada. Aquelas scènas sortidas tot dreit d'un documentari o d'un filme, revelan la teatralitat d'aquela enfància viscuda al còr d'una banda d'adultes que se daissava anar a lo lor instint sens tròp se preocupar de l'endeman o de las consequéncias de lors actes.

Lo raconte es construit a partir de lo de mos familiars e mai particularament de lo de ma sòrre, que foguèt amb mon bèlfraire, la principala actritz d'aquela istòria. Al platèu, quatre interprètas pòrtan aquel raconte autobiografic ont inventat e ensemble, re-interpretam los eveniments d'aquel passat contat al present e que s'entermescla al passat revisitat. Lo vai-e-veni entre la narracion e las scènas tornadas jogadas, rend compte del caractèr tot a l'encòp euforic, ludic, malenconiós e sorne d'aqueles episòdis de vida teatralizada.

Dins la pèça, la cronologia dels eveniments n'es pas respectada. L'espaci de representacion es una zòna d'ombra, la de la memòria, que met en lum d'unes eveniments e concretiza de situacions o de scenaris viscuts, tot en daissant la libertat de los transformar e de los alunhar de lor realitat. La memòria opèra per trias, sauts dins lo temps, descalatges entre lo còrs present e lo lengatge, sensacions brolhadas o ellipses.

Cada material, archius, vidèos, scenografia, lum, còrs, jòc d'actor deu trobar sa plaça per dintrar dins la sinfonia del sovenir. I a doas formas de particions que noirisson lo raconte, la de la paraula qu'es gaireben contunha, dins l'estil d'una pèça radiofonica, e la del moviment dels còrs que s'estira, se descala e per moments, se calha.

Dins aquela massa memoriala, la frontièra entre la realitat e la ficcion es tenguda. Una dissociacion s'exercís entre lo còrs e la votz, entre l'accion e la paraula per fin d'èsser al mai près de l'agach portat per l'enfant sus aqueles eveniments atemporals de còps deformats, exagerats, absurdes e que son lo miralh de la nòstra identitat. Cada interprèta apòrta una parta de son istòria al raconte e renfòrça lo contengut autobiografic de la pèça.

Al platèu, aquela memòria pren tanben la forma d'una scenografia concebuda e realizada per Nadia Lauro que la qualifica « d'animal-montanha » en pelissa, preséncia gardiana de la memòria e avaladora de sovenirs.

Jonathan Capdevielle

Dorsièr complèt : AQUI

EQUIPA ARTISTICA

CONCEPCION E MESA EN SCÈNA

Jonathan Capdevielle

TÈXTE

Jonathan Capdevielle avec la participation de Sylvie Capdevielle et Jonathan Drillet

TRADUCCION EN OCCITAN

Joseph Fourcade

INTERPRETACION

Jonathan Capdevielle, Marika Dreistadt, Jonathan Drillet en alternance avec Robin Causse & Franck Saurel

CONSELHIÈR ARTISTIC – ASSISTANT A LA MESA EN SCÈNA

Jonathan Drillet

CONCEPCION E REALISACION SCENOGRAFICA

Nadia Lauro

ASSISTANT A LA SCENOGRAFIA

Romain Guillet

LUMS Patrick Riou

CREACION SONÒRA

Christophe Le Bris

REGIA GENERALA E PLATÈU, BRUTATGES LIVE

Jérôme Masson

REGIA SON

Vanessa Court

REALIZACION COSTUME ANIMAL

Daniel Cendron

REALIZATION COSTUME TRADICIONAL

Cécilia Delestre

IMATGES Sophie Laly, Jonathan Capdevielle

DRÒLLE Kyliann Capdevielle

AGACHE EXTERIEOR Gisèle Vienne e Virginie Hammel

PRODUCCION

Bureau Cassiopée – Léonor Baudouin e Manon Crochemore

DIFUSION, ADMINISTRACION

Fabrik Cassiopée –Isabelle Morel e Manon Crochemore

MERCEJAMENTS

a Anne-Cécile Sibué-Birkeland, Alexandra Murillo, Laetitia Laplace, Maxime Laplace, Cynthia Laplace, Mercedes Tormo, Stéphanie Michaud, Didier Capdevielle, Alexandre Reyes, Florian Hémadou, Guillaume Hémadou, Eliane Roudaut e la còla del Quartz, scèna nacionala de Brest.

FICHA TECNICA

Sus demanda alprès de POPPYDOG : AQUI

CONTACTE DIFUSION

Poppy Dog
c/o Fabrik Cassiopée, 25 rue Michel le Comte, 75 003 Paris

Produccion – difusion – Administracion :

Fabrik Cassiopée

Manon Crochemore | manon@fabrikcassiopee.fr

Isabelle Morel | isabelle@fabrikcassiopee.fr

Jordi Labouysse
Jean-Luc Madier

PRESENTACION

Las libertats politicas, culturals e religiosas en Agenés e dins la societat occitana de l'Edad Mejana.

Animada per Jordi Labouysse e Jean-Luc Madier (cants).

CONTACT DIFFUSION

Tél. : +33 6 76 47 32 12

Jonathan CAPDEVIELLE
Association POPPYDOG

PRESENTACION

Convocant lo registre de l'auto ficcion, sòrta de documentari jos forma de confession, Adishatz/Adieu, met en evidéncia l'itinerari d'un personatge entre vida reala e vida fantasmada o somiada. La pèça es escrita a partir de cançons, de conversacions, qu'evòcan coma de quasernets intimes, las raices o la familha.

Las cançons son un dels mòdes d'expression d'aquel jove, intervenon d'en primièr coma una estructura musicala e ritmica puèi al fial del temps, revelan sas obsessions, sas emocions e d'una nostalgia que ganha pauc a chapauc lo public. Cantadas a capella, fan nàisser d'emblada una forma de vulnerabilitat del personatge, son autenticitat. L'abséncia de musica fa ausir mai clarament las paraulas, que resonan coma un lengatge a parta entièra. D'unas cançons son tradusidas de l'anglés al francés, e fan l'objèt de tractaments variats : destornaments, repeticions o decalatges, acompanhament musical cantat o registres que s'entermesclan (de Madonna a Cabrel).

Adishatz/Adieu es construit a partir de la tecnica de l'imitacion sovent utilizada per divertir. Aquí, es destornada amb una fòrça autrament mai trobla. Es important de multiplicar los contrastes, de compausar amb diferents mòdes d'expression de la votz, per significar d'identitats divèrsas, mesclar las pistas, en jogant amb l'umor e la gravitat, entre autres, coma fòrça de distanciacion.

Es interessant de rendre visible lo camin percorregut dins aquela temptativa de s'apropriar « un autre » tan coma los otisses mes en òbra per aténher una forma de justessa o benlèu, de s'encalar. E aquò vòl tan per las personas « conegudas » que per las del cercle pròche, familha e amics. S'agís tanben d'empruntar fisicament las posturas dels clips vidèos e de s'apropriar los còdis de la pop, tot aquò dins un lagui de veracitat. Lo còs en moviment se dissòcia de còps de la paraula e daissa ausir las voses d'autres personatges eissits del sovenir.

A un moment donat, un còr d'òmes aparaís. En causissant d'interpretar amb eles de cants tradicionals, lo personatge met l'accent sus d'estereotipes populars del Sud-Oèst, tot en evocant las raices e la tradicion. La cultura pop, tarbesa, tan coma la de la discotèca fan partida de sas obsessions, de son istòria tanben. Es un mescladís estranh, entre cultura locala e cultura internacionala qu'explòra al long de la pèça. Lo personatge es traversat per d'actitudas multiplas, qu'evòcan notadament la fragilitat, l'adolescéncia o la virilitat. Figura ambivalenta, vacilla entre gràcia e grossieretat. Lo recors al travestiments permet d'accentuar l'idèa d'una forma de solituda, tot en evocant quicòm de delicat e sensible. Lo travestiment es comun a l'òme e a la femna, e pòt èsser utilizat pels dos sèxes. Una estranhesa, un troble que permeton totes los retornaments o destornaments. La solituda es perceptibla : es trista e malenconiosa mas jamai tragica.

Amb aquela pèça, ai trabalhat sus la nostalgia de las causas, per convocar aquela memòria fondatritz de l'identitat : l'enfància o l'adolescéncia, la nostalgia d'aqueles tubes d'ièr qu'an marcat mon viscut e que resona encara a l'ora d'ara...

EQUIPA ARTISTICA

CONCEPCION E INTERPRETACION Jonathan Capdevielle
LUM Patrick Riou
REGIA GENERALA Christophe Le Bris
REGIA SON Johann Loiseau
COLLABORACION ARTISTICA Gisèle Vienne
AGACH EXTERIOR Mark Tompkins
ASSISTÉNCIA AUDIÒ Peter Rehberg
ASSISTANT ARTISTIC PER LAS VIRADAS Jonathan Drillet
DIFUSION, ADMINISTRACION Fabrik Cassiopée – Manon Crochemore, Manon Joly et Isabelle Morel
AMB LA PARTICIPACION d’ECUME, ensemble coral universitari de Montpelhièr – direccion musicala Sylvie Golgevit – amb (en alternància) Pierre-Yves Bruzzone, Renaud Lebrun, Paco Lefort, Jean-Luc Martineau, Olivier Strauss, Benoit Vuillon.
MERCEJAMENTS Aurélien Richard, Mathieu Grenier, Tibo Javoy e Ya Basta, pel enregistrament e lo mesclatge dels còrs “pitaladyfacegalaxymix”, Jean-Louis Badet, e a Barbara Watson e Henry Pillsbury.

AMB L'AJUDA DE DACM e la còla tecnica del Quartz, Scèna Nacionala de Brest.

FICHA TECNICA

Sus demanda alprès de POPPYDOG : AQUI

CONTACTE DIFUSION

Poppy Dog
c/o Fabrik Cassiopée, 25 rue Michel le Comte, 75 003 Paris

Production – difusion – Administracion :

Fabrik Cassiopée

Manon Crochemore | manon@fabrikcassiopee.fr

Isabelle Morel | isabelle@fabrikcassiopee.fr

Lo Nau

PRESENTACION

Seguissètz la Lutz en camin, portada pels artistas del collectiu Lo Nau – Jordan e Joan-Francés Tisnèr e Jakes Aymonino – al cors d’una serada « mosaïca » ont la lirica dels trobadors dels sègles XI a XIII, mestissada de musica electronica, crosarà los vèrs d’autors e autoras contemporanèus (Silvan Chabaud, Aurèlia Lassaca…). Aquela fantasiá musicala nos embarca amb ela, entre alternància d’estils e de repertòri, a l’agrat de dètz sègles de creacion literària, pel bonaür d’una serada partejada.

EQUIPA ARTISTICA

Amb :

Domenja Lekuona : recitaira

Jordan Tisnèr Lekuona : cant, flabuta, tamborin a còrdas electroacostica

Joan-Francés Tisnèr : composicions, cant, tamborin a còrdas electroacostica, tractaments sonor traitements sonòrs e difusions

Jakes Aymonino : cant, guitarra, tractaments sonòrs

FICHA TECNICA

Tot public

Durada : 1h00

Condicions tecnicas :

Ficha tecnica al prèp de la companhiá.

CONTACTE DIFUSION

Cie Lo Nau :

Tél. : 06 88 73 83 93

admin@lonau.eu

http://www.joanfrancestisner.com-https://joanfrancestisner.bandcamp.com/-http://www.verdeblu.org/

https://www.facebook.com/lonau.joanfrancestisner

CIRDOC - Institut occitan de cultura
Jean-Jacques Casteret

PRESENTACION

Aqueras montanhas (Se Canti), Bèth Cèu de Pau, L’Immortèla, La Sobirana. D’on vienen aqueras cançons qui, per uas, an traucat los sègles vadudas d’imnes cantats autanplan per las cantèras com pendent las manifestacions oficiaus ? Documents patrimoniaus (que los mei ancians datan de la Granda Guèrra) e enregistraments sonòres e audiovisuaus que’vs convidan a descobrir la longa istòria de la canta bearnesa.

CONTACTE DIFUSION

Site Etnopòle (CIRDOC, Pau) :

Ciutat-Cerquem !

5-7 rue de la Fontaine

64 000 PAU

Tél. 05 59 13 06 40

Grégoire Albisetti

PRESENTACION

Daissatz-me vos prene per la man per vos entrainar dins una divagacion poetica en tèrras viticòlas. L'amor, lo desir e lo vin son intimament ligats. Los poètas an l'art de revelar lors ligams prigonds. Dels soufis del sègle XII als nòstres contemporanèus, en passant per Rabelais e Baudelaire, tastarem ensembles al nectar de la lor(s) fulgurança.

Lecturas de poesias e presics plan sentits, pimparrats de cançons de beure fins a l'embriaguesa... de consumir sens moderacion !

EQUIPA ARTISTICA

Grégoire Albisetti

FICHA TECNICA

Tot public a partir de 15 ans

Durada : 1h00

Condicions tecnicas :

Se pòt considerar una arrièra-sala d'estanquet (ideal), dins un contèxte calme, preveire una sonorizacion segon l'audiéncia.

CONTACTE DIFUSION

Formulari de contacte sul site de l'artista : http://www.en-caminant.com/

Grégoire Albisetti

PRESENTACION

Vos propausi un viatge al pas del cabal que tira la barca sul camin de tira … Aqueste camin que serpeja lo long del canal de Miègjorn jos l'uèlh benvolent de la platana.

Contes e cants collectats alprèp de marinièrs del canal de las doas mars.

EQUIPA ARTISTICA

Grégoire Albisetti

FICHA TECNICA

Tot public a partir de 10 ans

Durada : 1h00

Condicions tecnicas :

Embarcat (es l'ideal !) o a cai (mai o mens alunhat del canal).

CONTACTE DIFUSION

Formulari de contacte sul site de l'artista : http://www.en-caminant.com/