Explorar los documents (5726 total)

Contributeur : CIRDOC - Institut occitan de cultura

Grégoire Albisetti

PRESENTACION

Daissatz-me vos prene per la man per vos entrainar dins una divagacion poetica en tèrras viticòlas. L'amor, lo desir e lo vin son intimament ligats. Los poètas an l'art de revelar lors ligams prigonds. Dels soufis del sègle XII als nòstres contemporanèus, en passant per Rabelais e Baudelaire, tastarem ensembles al nectar de la lor(s) fulgurança.

Lecturas de poesias e presics plan sentits, pimparrats de cançons de beure fins a l'embriaguesa... de consumir sens moderacion !

EQUIPA ARTISTICA

Grégoire Albisetti

FICHA TECNICA

Tot public a partir de 15 ans

Durada : 1h00

Condicions tecnicas :

Se pòt considerar una arrièra-sala d'estanquet (ideal), dins un contèxte calme, preveire una sonorizacion segon l'audiéncia.

CONTACTE DIFUSION

Formulari de contacte sul site de l'artista : http://www.en-caminant.com/

Grégoire Albisetti

PRESENTACION

Vos propausi un viatge al pas del cabal que tira la barca sul camin de tira … Aqueste camin que serpeja lo long del canal de Miègjorn jos l'uèlh benvolent de la platana.

Contes e cants collectats alprèp de marinièrs del canal de las doas mars.

EQUIPA ARTISTICA

Grégoire Albisetti

FICHA TECNICA

Tot public a partir de 10 ans

Durada : 1h00

Condicions tecnicas :

Embarcat (es l'ideal !) o a cai (mai o mens alunhat del canal).

CONTACTE DIFUSION

Formulari de contacte sul site de l'artista : http://www.en-caminant.com/

Grégoire Albisetti

PRESENTACION

Vos propausi de me seguir dins un viatge en tèrras amorosas... tenès plan lo fial que nos unís, nos religa... lo de l'amistat, lo de l'amor !!

Las istòrias, los contes e las cançons nos menaràn vèrs çò que la vida conten de mai bèl : l'imprevisible. Contes e cants a la volada per totes terrens, per totes tempses…

EQUIPA ARTISTICA

Grégoire Albisetti - contaire

FICHA TECNICA

Tot public a partir de 10 ans.
Durada : variable (segon lo luòc e lo format : passejada contada, sala...)

Condicions tecnicas : una bòria, un canton de bibliotèca de campanha o d'una mediatèca de còr de vila, placèta, teatre...

CONTACTE DIFUSION

Formulari de contacte sul site de l'artista : www.en-caminant.com

Estelle Cantala

PRESENTACION

Quina recèpta, quina formula, quin gran de mascariá s'escond darrièr aquela flor ?

Al fial dels rencontres amb de plantas misteriosas, d'istòrias amusantas surgisson, ont parlem d'emmascaments e de fenomèns estranhs… Ont s'invitan fadas, garisseires, ermitas e èsser magics de las fustas. Pasmens, pas de pensaments, cadun tornarà amb qualques recèptas tan coma de secrèts precioses de proteccion.

La musica acompanha los contes, cants, acordeon e plan segur, la flaüta e lo tamborin, instruments privilegiats de las exploracions tenebrosas jos la luna.

Herbes folles et Sorcières se prèsta aitant a una representacion en sala qu'a una passejada en montanha o una balada al sèn d'un vilatge per exemple.

L'espectacle

Herbes folles et Sorcières altèrna entre conferéncia sus la mascariá, conte, jòc entre las comedianas, lo tot, ponctuat de musica e de cançons.

L'espectacle met lo focus suls motius de l'imaginari local (Catalonha Sud, Rosselhon, Pirenèus) : abòrda, sus una tonalitat leugièra e decalada, la periòde tragica de la Caça a las Mascas.

Cant, acordeon, flaüta, tamborin, acompanhan lo jòc de las doas contairas, tot en desinvoltura e coquinariá.

EQUIPA ARTISTICA

Estelle Cantala
Agnès Bonnisol

FICHA TECNICA

Durada: 1h // entre 3 e 5h en passejada (segon lo percors)

Audiéncia: 80-100 personas en sala // 15-40 personas en passejada (segon lo percors)

Surfaça de jòc: 4m d’obertura x 2,5m de prigondor

CONTACTE DIFUSION

Estelle Cantala
Site internet : estelle-cantala.com

Christophe Calmettes

PRESENTACION

Adaptacion teatrala, en lenga occitana, de las doas primièras partidas del roman de Joan Bodon « La Grava sul camin » (1956).

La Grava sul camin : Dins aquela auto-ficcion de 1956, Joan Bodon conta sas annadas de trabalh forçat en Silesia pel S.T.O.. Aquela experiéncia, ne fa la d'Henri Savinhac. De retorn en cò sieu, dins Roèrgue despietadós de l'aprèp-guèrra, lo nòstre eròi, suspècte als uèlhs dels autres, se tròba immergit dins una situacion de misèria tan materiala qu'afectiva.

Christophe Calmettes, acompanhat de Muriel Vernières pel trabalh de la lenga occitana e la dramaturgia de l'òbra de Bodon, signa l'adaptacion e la mesa en scèna.

FICHA TECNICA

Tot public tre 14 ans.
Platèu tecnic e regia :

Platèu de 3m x 3m / Lums = 7 PC / Son = sono simpla / Negre dins la sala desirat

Possibilitat d'èsser totalament autònom en lum, son e regia.

EQUIPA ARTISTICA

Adaptacion, mesa en scèna e jòc : Christophe Calmettes

Acompanhament per la lenga occitana e la dramaturgia :

Muriel Vernières

Amb l’amabla autorizacion de Jeanine Bodon

CONTACTE DIFUSION

christophecalmettes@gmail.com – 06 30 55 79 40.

A l'asard Bautezar
Clément Serguier
Jean Rouy
Dominique Pichou

PRESENTACION

Creacion junh de 2023.

Le Siège de Caderousse de Jean-Henri Fabre / Lou Siégé dé Cadarossa, poëma héroîqua én trés chants.
Una adaptacion per un "teatre de pòcha" - mariòtas e formas animadas-. Raconte epic e burlesc, en lenga d'òc.

Detalhs

En 1709, la vila de Cadarossa es assetjada per las tropas del vici-legat del Sant Paire. Sola, aviá refusat - en aqueles temps de carestiá - de faire pervenir lo demai de sas provisions de blat a las poblacions d'Avinhon.

Un episòdi istoric que foguèt matièra en 1774 an aquesta pèça satirica en occitan de l'abat Fabre. Una pèça que coneguèt una granda capitada alprèp del public en son temps.

FICHA TECNICA

Durada : 1h
Tot public.
Lenga : tèxte en occitan, intermèdis en francés
Script : Jean Rouy
Scenografia : Dominique Pichou
Enregistrament e montatge : Studio Unisson
Produccion : A l'asard Bautezar !

Espectacle adaptat per salas de talha modèsta.
Ficha tecnica de telecargar : aquí

CONTACTE DIFUSION

A l'asard Bautezar ! 37 chemin de la Tuilerie - 30150 Montfaucon
Mèl : alasardbautezar@gmail.com / port. 06 70 79 25

Vaylet, Joseph

Joseph Vaylet (1894-1982) èra nascut poèta, menèt una vida de poèta, poèta trobador e poèta de circomstància, e per el tot èra circomstància.

Fabre, Paul

Las Passejadas toponimicas de Pau Fabre : un polit libre de toponimia occitana. Escrich en lenga occitana de cap a cima, çò qu’es novèl e signe de la dignitat de l’occitan que pòt èsser, de vertat, lenga d’estudi e de descobèrta.

L’autor a volgut e sabut escriure un libre seriós e de bon legir dins un lengatge simple, mas sas Passejadas toponimicas demòran pasmens un libre vertadièrament sabent. E mai saberut, Pau Fabre se sap rire e se trufa de las explicacions tròp imaginativas e fantasiosas qu’òm tròba tot còp e corregís amb vigor las errors dels mièges sabents o dels que se vòlon creire sabents.

Al long d’un seissantenat de cronicas, las Passejadas toponimicas de Pau Fabre son, fin finala, un viatge amorós per las sèrras, las combas e las vals, al briu de las aigas, en caminant per vilatges e vilas del País d’Òc.

Association Subran

PRESENTACION

Concèrt en memòria de René Duran, ardent defensor de la cultura occitana, membre del projècte Levar Lenga, disparegut subitament lo 16 d'agost de 2020 en cors de creacion.

L'espectacle « Levar lenga » recampa los tèxtes de René Duran e de Jaumes privat, meses en musica per 13 artistas a l'entorn d'una mesa en scèna susprenenta que met l'espectator al còr de la scèna.

Pèça de 1h15 entièrament compausada a l'entorn d'artistas singulars que crean e òrban dempuèi d'annadas nombrosas e escultan lo paisatge cultural rutenis e avaironés. Faire sonar las riquezas linguisticas e artisticas localas.

Creacion multi-generacionala que recampa divèrsas expressions artisticas : poesia, musica, dança e visual. Faire descobrir a un public larg tèxtes d'autors occitans magèrs : Jean-Marie Pieyre e Jaumes Privat.

La lenga occitana dins aquela proposicion aquerís una dimension artistica contemporanèa. Pel biais dels tèxtes, de la musica e de la dança, aquela creacion fa apèl a nòstra memòria e al nòstre imaginari tot en se projectant vèrs lo monde d'uèi notadament dins sa dimension sonora.

EQUIPA ARTISTICA

Amb :

Jaumes Privat – tèxte e visuals

François Bessac – electronic e objèctes sonòrs

Igor Boyer - performança e objèctes sonòrs

Antoine Charpentier – cabretas

Isabelle Cirla – clarineta bassa

Lore Douziech – dança

Julia Hanadi Al Abed – votz augmentada e projeccion sonòra

Laurence Leyrolles – dança

Nicolas Marmin – electronica e objèctes sonòrs

Pascal Niggenkemper - composicon, direccion artistica e contrabassa

Papillion – batariá, percussion e objèctes sonòrs

Guy Raynaud - electroacoustic, difusion de son e espacialisacion

Fabien Salabert – regia

Jean-Jacques Triby – vièla a ròda

FICHA TECNICA

Un espaci cairat de 20m de costat, dins aquel dispositiu evoluan liurament lo recitaire – Jaume Privat – e las dos dançairas, dins cada canton del cairat, un musician (electronic, objèctes sonòrs e percussions).

Al centre d'aquel cairat, un cèrcle de 5m de diamètre. A l'interior qu'aquel cèrcle, un quatuor de musicians d'instruments acostics, sus aquel cèrcle, quatre gropes d'escolans jogan de la « luteria rurala ». Espacializacion sonòra : 4 encenchas plaçadas suls 4 costats del cairat, activadas per dos electroacosticians plaçats a l'interior del cairat. A proximitat del cèrcle se tròba una batariá.

CONTACTE DIFUSION

ASSOCIATION SUBRAN : 1, rue Eugène Viala, 12000 Rodez / president Jean-Jacques TRIBY

07 68 52 63 99 / subran.asso@gmail.com / licence de spectacle 2-1123440 et 3-1123441

Teulat, Roger

Cette région du nord de l’Auvergne qui, depuis la Révolution, a pris le nom de « Puy-de-Dôme » a connu sa grande époque littéraire de 1145 à 1235. Pourtant, faute d’ouvrages facilement accessibles, la population du Puy-de-Dôme ignore pratiquement tout de cette période. C’est pourquoi Roger Teulat s’est attaché à rendre à ses compatriotes, en leur restituant un des éléments essentiels de leur patrimoine, la fierté qui leur manque parfois.

Destiné à tout public intéressé par la littérature, cet ouvrage bilingue fait découvrir l’Auvergne des troubadours, le contexte historique et littéraire, les grands personnages des XIIe et XIIIe siècles, ainsi que les relations qu’ils entretenaient. C’est toute une atmosphère sociale et culturelle qui se révèle.

Vingt-deux textes originaux sont donnés en occitan, accompagnés de leur traduction, de présentations et de commentaires en français. Ils permettent de faire connaissance avec Peire d’Auvergne, Peire Rogier, Peirol, Dauphin d’Auvergne, Uc de Maensac, Perdigon, Bertran de La Tour et l’évêque de Clermont, tous nés dans le pays, ainsi qu’avec Gui d’Ussel, chanoine de Brioude et de Monferrand. On notera que ce livre fournit pour la première fois l’édition complète des textes de Dauphin d’Auvergne. D’autres troubadours dont les textes ne nous sont pas parvenus sont évoqués par les Vidas et Razons.

L'auteur
Roger Teulat a enseigné l’occitan à la Faculté des Lettres de Clermont-Ferrand pendant plus de vingt-cinq ans. Il est l’auteur de nombreuses études sur la langue d’oc, ancienne et moderne, parmi lesquelles l’Anthologie des Troubadours du Cantal (2005) et l’Anthologie des Troubadours de la Haute-Loire (2009), publiées par les éditions du Convise. L’Anthologie des Troubadours du Puy-de-Dôme vient clore cette série et parachever son projet.