Explorar los documents (71 total)

L'occitan en Auvernha - Tè Vé Òc

Gros, Lise. Metteur en scène ou réalisateur

Emission dau 8 de mai de 2019

Se, en 1950, l'occitan èra la lenga parlada per totei a La Peirilha, dins lei monts dau Liuradès, uèi es acabat. Pasmens demòra totjorn una beluga. Avèm rescontrat la Josí Guilhòt, qu'es pron activa dins l'òbra de la renaissença occitana de uèi. Es autora, contaira e militanta a l'IEO 63. Dins aquela emission, nos dona son vejaire sus la situacion actuala de nòstra cultura, sensa doblidar lo trabalh fach pendent d'annadas per lo Tiène Coudert. Una còla contunha d'obrar a la revista "Parlem", que bastiguèt. A Clarmont d'Auvernha, au Cafè Òc sota leis Augustins, ai concèrts e ai conferéncias, la lenga clantís tornamai. Vos menam au còr deis accions fachas per mantene la lenga.
Un reportatge de Lisa Gròs e Artús Brown.

Omenatge a la manadièra Fanfonne Guillierme - Tè Vé Òc

Gros, Lise. Metteur en scène ou réalisateur

Emission dau 4 de abril de 2019

Coma cada an, lo vilatge d'Aimargue organiza lo primièr dissabte de març una jornada en omenatge a Fanfonne Guillierme. Aquela manadièra defuntada i a trenta ans es au centre d'una fèsta dedicada ai « gents de bovina », ela que s'es tant implicada dins la tradicion gardiana. La manifestacion de 2019 marquèt lei 30 ans de la desparicion d'aquela femna coratjosa, un exemple per totei, lei femnas entre autrei. E per vautrei, n'avèm profichat per entrevistar Robert Faure, Crestian Espelly e Andrieu Mégias. En mai d'aquò, veirètz un apercebut deis animacions d'aqueu jorn : benediccion dei chivaus, abrivada, rossataia e corsa camarguenca dins l'arena d'Aimarga.
Un reportatge de Lisa Gròs.

Leis Ampelofoliás dau Cabardès - Tè Vé Òc

Gros, Lise. Metteur en scène ou réalisateur

Emission del 20 de febrier del 2019

Vos menam a Mossolens e Vetenac-Cabardès, en País Carcassenc. S'i debanèt en genier lo festenau "Leis Ampelofolià", qu'es un eveniment a l'entorn de la rabassa e dau vin dau terraire. Aquest an, presentèt sa 20ena edicion, ambé de manifestacions divèrsas. Per vautrei, Lisa Gròs a subretot cubert lo talhièr de cosina de Mirelha Braç. Descubrirètz lo menut cosinat en aquela escasença : la brolhada d'uòus a la rabassa, lei tartinas de fetge gras a la rabassa, leis agulhètas de polet a la rabassa raspada, lo fromatge trufat e l'ensalada a l'òli trufada. De qué vos donar ja l'apetís avans de veire nòstra emission, ambé de recetas que podrètz realizar en cò vòstre, tot en lenga nòstra !

Un reportatge de Lisa Gròs.

[resumit de Tè Vé Òc]

Lenga d'òc/Lengo d'o : Trad'Hivernales : Mèdias e cultura d'òc / Tè Vé Òc

Gros, Lise. Metteur en scène ou réalisateur
TèVéÒc. Producteur
Cros, Amys. Metteur en scène ou réalisateur

Emission dau 27 de genièr de 2017

Lei Trad'Hivernales festejèron sa 18enca edicion dau 20 au 22 de genier de 2017.
Concèrts, atalhiers, Cafè Òc, conferéncia, platèu ràdio e taula redonda atrivèron un public qu'iverna pas. Lo tot, mai ò mens estacat a l'occitan que lei Trad meton cada an a l'onor. Dins aqueste reportatge, vos presentam un rendut-còmpte de l'edicion 2017, emb un accent sus la vida mediatica occitana.

Lenga d'òc/Lengo d'o : Espòrts regionaus / Tè Vé Òc

Gros, Lise. Metteur en scène ou réalisateur
TèVéÒc. Producteur

Emission dau 20 de genièr de 2017

Leis espòrts regionaus èran presents au Forum Eurò regionau de Castelnaudary aquest'estiu. Aurètz aquí una idèa d'aqueleis espòrts-passions que recampan tant de monde occitans.

Lenga d'òc/Lengo d'o : Lo crit de la fogassa / TèVéÒc

Gros, Lise. Metteur en scène ou réalisateur
TèVéÒc. Producteur

Aquel numèro novèl de Lenga d'òc/Lengo d'oc propausat per TèVéÒc foguèt estat difusit lo 8 d'abril de 2016.

La vila d’Aigas Mòrtas ten un ric patrimòni arquitecturau. Renomada per sei barris, sei salins e son canau, es tanben coneguda per una especialitat gastronomica : la fogaça d’Aigas Mòrtas. Un rescontre amb lo fornièr-pastissièr Laurenç Poitavin vos farà descubrir leis especialitats localas.

Lenga d'òc/Lengo d'o : Salon CAMAGRI de 2016 / TèVéÒc

Gros, Lise. Metteur en scène ou réalisateur
TèVéÒc. Producteur

Aquel numèro novèl de Lenga d'òc/Lengo d'oc propausat per TèVéÒc foguèt difusit lo 18 de març de 2016.

Lo Mas de la Cure, proprietat del Conservatòri del litoral, aculhiguèt del 19 al 20 de febrièr de 2016 lo 15en Salon del Caval de la raça de Camarga. Presentacions, espròvas e concorses recampèron un public bèl a l'entorn de las carrièras. De nombroses taulièrs d'artistas e d'artesans demonstrèron la fòrça de l'economia organizada a l'entorn del caval de Camarga. Una capitada !

Lenga d'òc/Lengo d'o : Garrigas / TèVéÒc

Gros, Lise. Metteur en scène ou réalisateur
TèVèÒc. Producteur.

La garriga cobrís 400 000 ectaras en Provença e Lengadòc ; la garriga nimesenca ne fa 10 000. Dins aquela emission del 4 de març de 2016, Lisa Gròs vos mena passejar dins aquel ecostistèma ric de tresaurs naturals tal coma bastits.

Lenga d'òc/Lengo d'o : Lo Vin dei sablas / TèVéÒc

Gros, Lise. Metteur en scène ou réalisateur
TèVéÒc. Producteur

Dins aquel numèro del 12 de febrièr de 2016, Enric Chavernac, afogat de viticultura, ancian mèstre de chai, nos fai descubrir lo vin dei sablas sus lo domèni de Jarras-Listel pròche d’Aigas Mòrtas. La cultura de la vinha, la poda, la vinificacion an pas de secrets per el.

Lenga d'òc/Lengo d'o : Mèdias de ièr, mèdias de uèi / TéVéÒc

Gros, Lise. Metteur en scène ou réalisateur
TéVéÒc. Producteur

La mediatèca Carré d’Art de Nimes presentèt en novembre e decembre de 2015 una mòstra sus lei mèdias e l’interèst de numerizar sei riquèsas. Sus la « Paret Foster » fuguèt installada la mòstra sus François Fournier (1886-1941), òme politic de Manduèlh (30) e en particular la caricatura dins la premsa de l’epòca. Es la visita d’aquela mòstra presentada per Miquèu Fournier, erudit de Manduèlh, que vos es aicí prepausada.
Difusion : 22 de genièr de 2016