fabrica
Agenda
: Tota la creacion occitana
fabrica
A l'escasença de l'edicion 2016 de la Jornada internacionala dels dreits de l'Enfant, la seccion de Besièrs de la Liga dels Dreits de l'Òme e lo CIRDÒC, que perseguisson d'objectius comuns en matèria de promocion de dialòg intercultural e de la ciutadanetat, decidiguèron de trabalhar amassa per propausar als escolars un projècte a l'entorn de la Convencion Internacionala dels Dreits de l'Enfant : "Dessenha-me los dreits de l'Enfant / Dessine-moi les droits de l'Enfant". L'escasença de far conéisser als principals interessats de dreits per l'ora sovent desconeguts e favorizar per un projècte pedagogic que mescla arts plasticas e trabalh linguistic, una reflexion en classa a l'entorn d'aquelas questions.
Rendètz-vos es donat al public grand, petits coma adultes, lo 22 de novembre que ven tre 16o al CIRDÒC per descobrir l'aficha "Convencion Internacionala dels Dreits de l'Enfant / Convention Internationale des Droits de l'Enfant" realizada mercés a la participacion de mai de cinquanta enfants escolarizats en Calandretas (ensenhament laíc immersiu occitan) e en cursus bilingüe de l'ensenhament public, e participar a un moment d'escambis amb la seccion locala de la Liga dels Dreits de l'Òme, la Confederacion Calandreta e lo CIRDÒC a l'entorn dels dreits de l'Enfant.
Aquel moment d'escambis e de descobèrta es dobèrt al public. Per mai d'entresenhas, esistatz pas a contactar : s.juan@cirdoc.fr / 04.67.11.85.10