fabrica
Basa
: Tota la creacion occitana
fabrica
LA HORDE afavoriza l'integracion de l'autbòi de Lengadòc en defòra de sas confinhas e de sas praticas tradicionalas. Aquò's un Orfeon compausat d'un cinquantenat de musicaires, e que se i mesclan autbòis de Lengadòc, estruments d'armonia, e percussions brasilianas. Dins sa color musicala e artistica caupon de musicas tradicionalas o de compausicions originalas adaptadas e adobadas a bel esprèssi.
LA HORDE prepausa un espetacle original, interactiu, mes en espaci, e comol de gaug de viure.
LA HORDE es un ròdol de tria per los escambis e los rescontres entre autbòis popularis de Miègterrana. De mercè a las dulzainas espanhòlas de Los Talaos e Plaza de Castilla, de mercè als píferos italians del trio Favarelli, e a la ghaïta marrocana de Karim Chatar, LA HORDE avalora son repertòri e la pratica dels autbòis popularis.
Uèi, a travers de LA HORDE, RIVATGES perseguís lo sòmi de recampar dins l'avenidor, totes los autbòis dels pòbles de las ribas de Miègterrana.
LA HORDE es bailejada per Vincent Vidalou (professor d' autbòis tradicionals catalans e capolièr del despartiment de "Musicas tradicionalas" del CNR de Perpinhan) e per Clément Baudry (format al CNR de Marsilha, medalha d'aur d'armonia e de contrapunt, medalha de vermelh de fuga, diplòma de fin d'estudis de Mestresa de Còr, es el qu'escriu totes los adobaments), e Samuel Silvant (percussionista).
Los musicaires de LA HORDE (d'un quarantenat a un seissantenat) alargan una musica festiva e creairitz, que mescla joiosament los repertòris e los ritmes dins un espetacle que mòstra sas mantunas caras per carrièra ; aquò's un Orfeon qu'es mes en scèna per espantar l'espectator.