fabrica
Agenda
: Tota la creacion occitana
fabrica
La Hestejada de las Arts d'Uzeste musical, sovent nomenada festenal d'Usèste, es un eveniment dedicat al jazz e a las musicas improvizadas creat en 1978 pel musician Bernard Lubat dins son vilatge de naissença en Gironda.
Se debana al mes d'agost e met principalament en lum las culturas popularas e occitanas (Hestejada de las Arts vòl dire festenal mas atanben fèsta e regausiment en gascon), la Hestejada de las Arts propausa tanben d'autras formas artisticas coma la poesia, lo teatre, los espectacles de carrièra, la dança, lo cinèma, las arts visualas...
Demest los artistas nombroses qu'an participat a aquel eveniment dempuèi sa creacion, comptan – de segur- son creator Bernard Lubat, mas atanben André Minvieille, André Benedetto,François Corneloup, Marc Perrone o encara Michel Portal.
Mas lo festenal es mai qu'un simple espaci de rencontre festiu : es tanben un luòc de debats e d'escambis, de descobertas e d'obertura a l'autre.
Site internet del festenal : http://www.uzeste.org/
Podètz contactar l'associacion Uzeste Musical :
- per telefòn al : 05 56 25 38 46
- per corrièr al : Théâtre Amusicien l’Estaminet, 18 rue Faza 33730 Uzeste
- per mèl mercés al formulari en linha : AQUÍ