Explorar los documents (5 total)

patrimoni-escauna.jpg
Lenga d'òc/Lengo d'o : Patrimòni de Sernhac / Tè Vé Òc
Tè Vé Òc. Producteur
Emission dau 26 de mai de 2017

A Sernhac, lo siti d'Escauna a Cantarèla fuguèt una peirièira e una lausièira gallesa, que l'aqueducte roman traversava davau lo Pont de Gard. Se tracta d'un endrech fabulós que l'associacion dau Valon li torna donar sa bèutat de passat temps. Retroba sa foncion agricòla anciana, amb sei dos aqueductes sosterranhs e seis olivetas en terrassa. Ne'n veirèm leis imatges desempuèi un dròna puèi rescontrarèm lei benevòls que i trabalhan per la fèsta de la prima. Un reportatge de Claudi Queyrel.
arles-peira-romana.jpg
Lenga d'òc/Lengo d'o : Pèira romana en país rodanenc 4/4 : Arle / Tè Vé Òc
Tè Vé Òc. Producteur
Emission dau 12 de mai de 2017

Amb aqueste 4en numerò de la seria "Pèira romana", acabam sus l'amfiteatre d'Arle, qu'es la seguida logica de nòstre percors. Rivala de sa vesina nimesenca, l'arena d'Arle vos serà revelada per Viviana Roux, anciana ensenhaira, e Crestian Espelly, manadier arlatenc. Tot aquò sostengut per d'imatges de la granda corsa camarguenca "La Cocarda d'Aur" e dei representacions de combats de gladiators per la companhiá ACTA. Nòstre biais d'utilizar un patrimòni eiretat, contribuís a legitimar la construccion d'un edifici magistrau.
Un documentari d'Amada Cròs.

peira-romana-nimes.jpg
Lenga d'òc/Lengo d'o : Pèira romana en país rodanenc 3/4 : Nimes / Tè Vé Òc
Tè Vé Òc. Producteur
Emission dau 12 de mai de 2017

Es la 3ena partida de nòstra seria documentària a l'entorn deis edificis romans. Per aquest' edicion, anam a Nimes per nos interessar de mai pròche a son amfiteatre. I veirètz d'entrevistas d'Eric Dars, istorian, e Lisa Gròs, afogada, sus fons d'imatges dei Grands Jòcs Romans e dau Trofèu deis As. Dins un monument coma aqueste, lei genres d'espectacles son mens tancats dins l'art, e son mai pròches de l'espòrt, au contrari dei teatres antics qu'avèm filmats dins leis emissions passadas. Aquí, l'artista es vengut un combatent, un esportiu.
Un documentari d'Amada Cròs.

peira-romana-aurenja.jpg
Lenga d'òc/Lengo d'o : Pèira romana en país rodanenc 2/4 : Aurenja / Tè Vé Òc
Tè Vé Òc. Producteur
Emission dau 21 d'abriu de 2017

Se tracta de la segonda partida de la seria documentària, sus lo meme tèma e la mema estructura. Aqueste còp, anarem au rescontre d'Alan Costantini, istorian locau, e Paulin Reynard, director de produccion ai Coregias d'Aurenja, per evocar leis festejadas dramaticas dins l'Antiquitat, e que lei Coregias modèrnas ne son que lo rebat.
I podrètz mirar la bèutat d'un site ben conservat, que lo mur de scèna es demorat, amb tanben d'imatges dei Coregias d'Aurenja de 2016.
Un documentari d'Amada Cròs.
peira-romana-vaison.jpg
Lenga d'òc/Lengo d'o : Pèira romana en país rodanenc 1/4 : Vaison / Tè Vé Òc
Tè Vé Òc. Producteur
Emission dau 14 d'abriu de 2017

Es la primièra partida d'una seria de quatre documentaris que presentan de comparasons istorica, arquitecturala e culturala de quatre monuments en Provença rodanenca. Aquela emission es consacrada au teatre antic de Vaison. Entre lei presas de vista dau site roman e dau festenau "Vaison Danses", Melania Bienfait, guida, e Joan-Loís Ramel, ancian ensenhaire, nos partejan sei coneisséncias e impressions a prepaus d'aquel edifici que la foncion a jamai cambiat, dei Romans a uèi.