Lo 1èr de decembre a partir de 18:00, dins l'encastre de l'edicion de 2016 de la Setmana Calabraise, Tafanari e lo CIRDÒC vos convidan a una serada de conferéncias e de fèsta a l'entorn del patrimòni musical de l'arc nòrd mediterranèu, de Catalonha fins a Calàbria, en passant per Occitània.

Al programa

Vernissatge de la mòstra Passejada instrumentala en Mediterranèa 
Aquela mòstra es una invitacion a descobrir d'instruments – cabras, autbòis, percussions...) venguts dels diferents ribatges de la Mare Nostrum : Catalonha,Tunisia, Itàlia, Egipte (bodegas, mizmar, ghayta, tarota...), prestats per l'ocasion pel musèu dels instruments de Céret (CIMP – Centre Internacional de Música Popular).

18:00 : Conferéncia - La musica tradicionala mediterranèa, transmission, partatge e obertura als autres 
Conferéncia dins l'encastre d'escambis e de rencontres entre tres regions de l'entorn de Mediterranèa : Calàbria, Occitània e Catalonha. Musicas associant cabras, autbòis e percussions . Amb Paolo Napoli, musician e antropològ, Sofia Jacques, musiciana e ensenhaira de bodèga e Jòrdi Aixalà, factor d'instruments e membre del grope Sons de la Cossetania.

19:30 : Escambis musicals entre musicians de Calàbria e Occitània
Amb de musicians del grope Mar e Montanha seguit d'un aperitiu-bufet ofèrt pel CIRDOC.
Sus reservacion al prèp del 04.67.11.85.10.

20:00: Serada musicala. Balèti Occitano-Calabrés
Amb Totarella, de musicians de Tafanari, del Camèl de Fuòc e de Mar e Montanha.
Participacion al capèl.

Informacions practicas" class="fabrica">Informacions practicas

Informacions e reservacions : info@cirdoc.fr / 04.67.11.85.10.
Descobrir tot lo programa de la Setmana Calabraise : Aquí