Als Archius departamentals - Hall : Exposicion -
Fabuloses trobadors – Los trobadors occitans referencias de la creacion e de la pensada mondiala contemporanèa.
Los trobadors inicièron a l'Edat Mejana, una revolucion estetica e ideologica que n'acaba pas de noirir dins lo monde entièr, la pensada e la creacion contemporanèas. De la pintura de Soulages a la poesia d'Ezara Pound, Dylan o Bashung... en passant per las ajustas musicalas dels Fabulous Troubadours tolosencs. Aquela exposicion vos propausa un caminament dins las geografias e los flux de l'art del trobar, del sègle XII a nòstres jorns.
15 h - Conte e Mariòtas en musica - 15 :00 / MJC : Crocodéon en saule mineur
Al vilatge, a la velhada, los banastièrscontan d’istòrias… Marcèl e Leon lo jove aprendís vos espèran a l’atelièr per descobrir un briat de banastariá, emai que mai per ausir unaaventura curiosa. Tataï, un dròlle del país,es a pescar plan planet a la broa del riu e te vei un animal estranh. Totes dos an subte e pr’aquò capitan a s’endevenirde mercés la musica… Mas los autres, lo mond del vilatge, acceptaràn aquela bèstianovèladel meteis biais ? Dos comedians al còp marionetistas, musicians e contaires nos convidan asoscard’un biais ludic e poetic sus l’idèa que nos fasèm de l’estranh, de l’estrangièr, de la diferéncia.
16 h - Conferéncia teatralizada- Archius departamentals : Katy Bernard e Monique Burg « Retrachess d’Aliènor d’Aquitània »
Katy Bernard, mèstra de conferéncias d’occitan Universitat Bordèu-Montaigne), autorade Los Mots d’Alienòr, Alienòr d’Aquitània e son sègle (Ed. Confluences, 2015), e Monica Burg, comediana e contaira, evocaràn la vida e lo ròtle d’Alienòr. Descobriretz la duquessa d’Aquitània, que foguèt reina de França puèi reina d’Anglatèrra a travèrs los escriches que compausèt ela, e mercés als tèxtes dels grands autors que la coneguèron.
17 h - Lançament del festival / Espaci destenda
17 h 30 - Concèrt - Scèna Jardin Dervish TanDances
Dervish TanDances fabrica una musicaen rondque liga lo còs el’èime. Es una declinason de combinasons musicalas entre orient e occident, tradicion e modernitat. Los artistas se plaçan dins un cèrcle de creacion e deslargan lor imaginari.Se servisson de lors coneissenças de las musicas
d’inspiracions orientalas, tradicionalas e actualas. Un còp es la votz que fonda l’existéncia d’una melodia que, a son torn, fa nàisser una linha ritmica puèi un còr amai d’una votz. Un autre còp es la dança quepren lo jòc a son compte e quemena lo camin musical. Enfi n es l’energia d’un cant sofí que pòrta sa transa a la melodia.
18 h - Dança - Balèti - Arnaud Cance/Paulin Courtial
Arnaud Cance e Paulin Courtial son sus scèna per scabestrar lor energia. Lo parelh fa petar las musicas a dançar. Lor repertòri, lo prenon dins de danças de collectatges de la cultura populara de lenga occitana el’agrementan de compausicions. Borrèias descabestradas, escotichas e polkàs cadençadas, valsas e mazurkàs enfachinairas son al programa. Paulin e Arnaud deslargan lor generositat e lorvam.
19:30 - Concèrt - Scèna Restauracion : Lo Còr de Vinha
Lo grop coral CÒR DE VINHA originari del Valon de Marcilhac, aima los vinhairons e lo vin e… los canta.
Samuel Bras mena las voses coma se fa lo vin. Convivéncia, gaudiment, cançons per beure e per aimar
al programa. Una formacion que pòrta naut e fòrt la lenga occitana per farsentir la doçor del valon.
Concèrt - 20:15 / Granda Scèna : Francís Cabrel, Claudi Sicre e lors convidats encantan los
Trobadors
La Vila de Rodés prepausa una creacion originala : Francís Cabrel, Claudi Sicre e lors convidats encantan los Trobadors. Aquela serada de dubertura, menada per ClaudiSicre e Francís Cabrel se bastís a l’entorn de la
Trobadors « Rock star de l’Edat Mejana » a cadacesilha de creacion. Los dos òmes se veson dempuèi de mesesa Astaffort. Jean Bonnefon, co-fondator del grop Peiraguda e president de l’Associacion Voses del Sud a Astaffort a reviradas d’unas cançonsprincipalas del repertòri de Francís Cabrèl. Maitas seràn partatjadas sus scèna amb lo grop vocal del País Niçard e dels Alps Meridionals Corou de Berra, Marcel Amont, Dick Annegarn, Jean Bonnefon, Xavier Vidal, Manu Théron, ... Aurem sustot l’escasença
de descobrir de cançons inedichas. Unamosaïca musicala de primièira que deuriá foncionar pel plaser de totes, abans que Francís Cabrel nos prepausèsse son repertòri.
Contactez nous a propos de cette page