Explorar los documents (593 total)

vignette_LGO-20200923.jpg
Arquitectura del Pònt de Gard - Tè Vé Òc
Cros, Amy. Metteur en scène ou réalisateur

Emission del 23 de setembre de 2020

Lo Pònt de Gard : arquitectura

Nautrei vos prepausam una seria de tres emissions consacradas au famós pòrta-aiga roman, e mai particularament a l'entorn dau pònt qu'encamba la ribièra Gardon, a Vèrs-Pont-de-Gard. Tres reportatges, tres punts d'analisi, en companhiá d'Evalisa Faïssa, secretària de l'associacion « L'Académie du Pont du Gard », qu'a respondut a nòstrei questions. Dins aquesta promièra partida, vos presentarèm l'arquitectura dau pònt e seis especificitats. Lo tot ambé d'imatges polits dau monument.

Un reportatge d'Amada Cròs.

[resumit de Tè Vé Òc]

vignette_mobles.jpg
Los mòbles modèstes d'Alan Fornells
Cros, Amy Metteur en scène ou réalisateur
Alan Fornells es un artista que fabrica d'objèctes que racontan d'istòrias. Dins son talhièr a Bassan, un villatge pròche de Besièrs, rabota, clavèla, ponça, talha, sublima de tròces de caissetas, de clavèls vièlhs, de plancas recicladas. Pas jamai crompar, recuperar tot, per donar al monde un autre buf, aqueste buf que nos mormolha a l'aurelha d'istòrias en francés, en occitan, en espanhòl... Dins totas las lengas que parlan al còr.
Amada Cròs e Lisa Gròs, de l'associacion Tè Vé Òc, anèron filmar dins son talhièr aqueste representant de l'Art Modèste. En efièch cada mòble creat per Alan Fornells es una òbra d'art, malhon d'un conte entre fantasma e realitat, viatge de la memòria, cèrca del quotidian meravilhos. Entre art, bricolatge e poesia, sublima çò que servís pas pus, per ne faire lo supòrt de sos sòmis.
vignette_55630.jpg
Canti Canta, una associacion de cants polifonics - Tè Vé Òc
Gros, Lise. Metteur en scène ou réalisateur

Emission del 16 de setembre de 2020

Canti Canta

A Carcassona l'associacion Canti Canta bailejada per Pascale Moreno recampa de cantaires afogats. Cantan en occitan e dins lei lengas dau torn de la Miègterranea. Descubrirètz aquí de cants polifonics bèus.

Un reportatge de Lisa Gròs.

[resumit de Tè Vé Òc]

vignette_LGO-20200909.jpg
Una esposicion a l'entorn de las grandas batalhas navalas, de l'antiquitat a uèi - Tè Vé Òc
Gravier, Michel. Metteur en scène ou réalisateur

Emission del 09 de setembre de 2020

Leis grandas batalhas navalas : de l'antiquitat a uèi : esposicion

Tè Vé Òc es venguda a la comuna d'Uchau, dins Gard, per una emission consacrada a l'expausicion « Batalhas navalas : De l'Antiquitat a nòstrei jorns ». Es estada concebuda per Elie Boissin, pintre e escrivan, especializat dins lei grandas batalhas navalas, leis exploracions e lei descubèrtas, mai subretot l'istòria navala de Marselha.
Una virada dins lo monde de la mar, au rescontre dau patrmòni maritime, a travèrs leis ans.

Un reportatge de Miquèu Gravier.

[resumit de Tè Vé Òc]

vignette_LGO-20200902.jpg
Masada d'Auvernha - Tè Vé Òc
Gros, Lise. Metteur en scène ou réalisateur

Emission del 02 de setembre de 2020

Masada d'Auvernha

Dins lei monts dau Liuradés dormís una masada que senhoreja sus la cadena dei Puèchs. Dins leis annadas 50, 17 estajants i trabalhavan e i vivián.Au fiu deis annadas, lei vièlhs son mòrts, lei joves an partit a la vila. D'ostaus s'abausonan, d'autrei son comprats e reparats coma residéncias segondarias. Lei camps son logats a fèrma, mas pas pus de bèstias dins leis estables. Es un creba còr per Lisa Gròs que faguèt aquel reportatge sus la masada de sa mamet mairenala.

[resumit de Tè Vé Òc]

vignette_LGO-20200722.jpg
Passejada archemica a Montpelhièr - Tè Vé Òc
Gravier, Michel. Metteur en scène ou réalisateur

Emission del 22 de julhet de 2020

Passejada archemica a Montpelhièr

Dins aquesta emission, anam faire una passejada dins Montpelhièr e aquò, de biais archemic. Seguirem lo percors de l’aiga potabla que arribava per un pòrta-aiga ambé d'uneis arcèus fins qu'au castèu d'aiga, per après èstre distribuïda dins la ciutat.  A cada etapa d'aqueu percors, un molon de simbèus archemics a l'entorn de l'aiga e de la sau escampilha aquela visita comentada per Monsur Leon Gineste, especialista de l'arquemia e autor de mai d'un obratge sus lo subjècte. Mai luenh, la visita se perseguís sus la plaça dau Peiron, puèi en passant sota la pòrta “Arc de Triomfe”, ela tanben decorada de simbèus arquemics, totjorn en davalant vèrs lo còr de vila, la plaça de la lantèrna, ambé l'estatua dei dos contraris. Enfin lo percors s'acaba sus la plaça de la Comèdia, a passa temps apelada plaça de l'uòu, onte totei leis immòbles contenon elei tanben de signes arquemics.

Un reportatge de Miquèu Gravier.

[resumit de Tè Vé Òc]

vignette_LGO-20200715.jpg
Josiana Ubaud : lei noms dei baraquetas de Sèta - Tè Vé Òc
Gros, Lise. Metteur en scène ou réalisateur

Emission del 15 de julhet de 2020

Josiana Ubaud : lei noms dei baraquetas de Sèta

Avem cercat dins lei carrièiretas e andronas de Sèta, de baraquetas au nom occitan. Josiana Ubaud e tres sòcis dau Cercle occitan setòri nos acompanhèron. Josiana s'interessa en aquelei noms que son lei testimoniatges preciós de la vida d'ièr. Aquò es fòrça important per de qué aquelei noms desaparèisson sovent, en emportant leis indicacions sus lo biais de viure a la baraqueta, leis indicacions multiplas sus lei fonccions e leis usatges. Biais de bastir, d'amenatjar, de plantar d'arbres e tanben lo gost per la tranquillitat dei luòcs.

Josiana Ubaud comenta tot dau long aquel reportatge realizat per Lisa Gròs.

[resumit de Tè Vé Òc]

vignette_LGO-20200708.jpg
Un documentari animalier sus las bestionetas - Tè Vé Òc
Cros, Amy. Metteur en scène ou réalisateur

Emission del 08 de julhet de 2020

Bestionetas : un documentari animalier

Ambé d'imatges personaus e d'arquius d'emissions Lenga d'Òc, Amada Cròs prepausa un documentari animalier especiau « bestionetas ». Veiretz un moment inedit d'una libellula, tot just mudada, qu'es a sortir de son envolòpa (exuvie, en francés) per se secar au solèu. Faretz tanben coneissença ambé divèrsei menas de parpalhons, e cabussaretz dins la fragilitat de l'abelha. Identificacion, comportaments, particularitats, foncions dins nòstra biodiversitat pivelarèla, çò que nos fau faire per leis ajudar... Descubrirètz dins aquela emission fòrça visuala un pichòt monde sota l'uelh esmeravelhat de la camèra.

Un documentari d'Amada Cròs.

[resumit de Tè Vé Òc]

vignette_LGO-20200701.jpg
Manada Albert Chapelle - Tè Vé Òc
Carteyrade, Marc. Metteur en scène ou réalisateur

Emission del Primièr de julhet de 2020

Manada Albert Chapelle

De ièr a uèi : un apercebut  de la manada Chapelle a travèrs dos testimoniatges, aquel de son fondator Albert Chapelle e aquel de Florent Lupi son felen que li succeda.

Un reportatge de Marc Carteyrade

[resumit de Tè Vé Òc]

vignette_LGO-20200624.jpg
Leis aucèus e lei Provençaus (Seguida) - Tè Vé Òc
Cròs, Amy. Metteur en scène ou réalisateur

Emission del 24 de junh de 2020

Leis aucèus e lei Provençaus. II

Ambé d'imatges personaus e d'arquius d'emissions « Lenga d'Òc/Lengo d'O », vos prepausam dins aqueste documentari de nos interessar mielhs a la relacion entre lo ferum e leis umans. Per aquò, nos nos fondam sus l'obratge de Carles Galtier « Les Oiseaux de Provence dans le savoir populaire », editat en cò de Librairie Contemporaine. Aqueu libre recampa leis usatges, lei dichas, lei jòcs, la literatura orala a l'entorn deis aucèus, que lei Provençaus lei presan, o que lei crenhon. Adonc nautrei avèm seleccionat d'informacions que vos restituissèm ambé de vidèos dóu ferum volant, dei rapinaires ai passerons, una espécia qu'anatz veire amb un uelh provençau.

Un documentari d'Amada Cròs.

[resumit de Tè Vé Òc]

sus 60