Explorar los documents (615 total)

Los dotze trabalhs d’Ercules que son esplèits cargats d’ensenhaments, qu’ei çò qu’a volut retrobar l’autora. Contar las benalèjas e tanben legir los simbèus que permeteràn a l’eròi de vénguer un òme, de véncer l’animalitat, los vicis, d’alargar la sua consciéncia. Dab aqueste libe, los legidors que poderàn anar mes luenh en la coneishença de l’eròi mes popular de la mitologia grèca.

Vènus a l'Escorpion qu'ei un raconte poetic originau suus tèmas deu desir e de la Lenga, on la votz de la lenga occitana amenaçada s'encarna dens la d'un personatge femenin oniric e intemporau, tot en pintrar un tablèu viu e realista de la vila de Montreal, au Quebèc.

Ulisse au flume qu'ei la darrèra pèça de teatre qui Bernat Manciet entà la Companhia Tiberghein. Après Los Emigrants o Ifegenia davant la gara e Orfèu, aquesta pèça, jogada en francés e en occitan, que nse da l'escadença de descobrir o de tornar descobrir la lenga tant atipica deu poèta gascon. L'epopèa que torna visitar lo poèma d'Omèr e que'u plaça sus l'estuari de Gironda: l'eròi, tornat a casa, que'n va a contrabriu, de cap a las soas originas, en cèrcas deu son hilh.

Presentacion de tres tèxtes recuelhuts au cors deu sègle XIXau a Areta en Varetons, a Arbiost e Varètja en Lavedan. Per estar profanes, qu'èran cantats com planhs lo Dijaus sent au parat de las ceremonias organizadas en las glèisas. Cada episòdi qu'ei completat dab fòtos de la produccion artistica inspirada per la Passion: frescas, pintruras muraus, baishs relhèus, estatuas de glèisas de las vilas e deus vilatges pirenencs.

Dens L'Elucidari, l'encyclopédie de Gaston Febus, Maurici Romieu que presenta lo manuscrit L'Elucidari de les proprietats de totas res naturals. Aqueste qu'estó realizat en occitan de cap a 1350 entà assegurar la formacion intellectuau e morau deu joen Gaston III de Foish Bearn, qui serà dit Febus. Compausat de vint libes (de cap a 560 paginas), lo manuscrit qu'amassa totas las coneishenças de l'Atge Miejancèr.

Un aute espiar sus l'occitan, lenga tecnica e scientifica. Libe escriut en francés, dab grans extrèits deu manuscrit. Illustrat d'enluminaduras nombrosas deu manuscrit. Un verdadèr libe d'art.

L'òra de partir, un roman hòrt qui conda la vita d'un mainatge gahat dens los tribulòcis de la guèrra d'Argeria, acarat a la violéncia, a la mort e obligat de deishar lo son país nadau. L'autor, Sèrgi Javaloyès, que s'inspira de la soa pròpria experiéncia.

Prèmi Joan Bodon, 1998.
Edicion 4au.

Andreu Serrat qu'ei hòrabandit deu son trabalh shens nat explic. Alavetz que torna pensar a la soa vita, au sons exilis. Qui poderà har rampèu a l'abaishada? Retrobarà hidança en la vita? De questions en pensadas, lo protagonista que trobarà pòc a pòc las responsas. Atau l'autor, Sèrgi Javaloyès, que'ns perpausa ua reflexion sus la fòrça de vita.

Darrèr roman de Danièla Estèbe-Hoursiangou qui presenta un coble amorós separat per la malautia d'Alzheimer. Enter ficcion e realitat, un relate hòrt d'amor e de pudor.

Lo monstre ven d’intrar. Es aquí. Se pren lo temps. E nosautres, sèm venguts bèls, fòrça, fòrça bèls per l’impressionar e li ficar barralhas. Sèm tornats a l’estat primièr del Nosautres, l’arma absoluda per l’anientar, la cortina d’arbres per lo pèrdre pel camin, la còrda de subrevida per t’estraire de sos arpions. La lutz, la doçor, la memòria essenciala contra tas terrors, e pasmens…

Recuelh de poèmas d'Adelina Yzac.

I a aquel lanç de la lenga e aquí lo poèma que pareis: mocandier, migrós, sansier, lengut, cavilhós… òc, la lenga e la paraula racan bric e rebecan. Assajar de lor far far chos? Tant val voler far cantar un calhau!