Explorar los documents (707 total)
Les villages de l'Hérault dans les années 1950 : Bédarieux / Michel Cans, réalisateur
Cans, Michel
Film negre e blanc mut realizat per Michel Cans en Bedariús pendent lo decenni 1950. Fa part de la colleccion « Los vilatges d'Erau dins annadas 1950 ».
Conservacion dels filmes de Michel Cans al CIRDÒC :
Lo CIRDÒC consèrva a Besièrs l'ensem de los filmes tournats per Michel Cans dins un seissantenat de vilatges d'Erau dins las annadas 1950. Las bobinas 16 mm d'origina foguèron d'en primièr transferidas sus VHS e foguèron a la seguida numerizadas entre 2010 e 2011. L'ensem del fons e los dreches que i son estacats foguèron concedits pel realizator al CIDO entre 1989 e 1991. Lo CIDO ne faguèt don a la seguida al CIRDÒC en 2000.
Contengut dels filmes de Michel Cans conservats al CIRDÒC :
Occitanica vos va permetre progressivament d'accedir a l'ensem d'aquel fons audiovisual en linha. Aqueles documents qu'illustran la vida dels vilatges de l'oèst eraurés an aquesit amb las annadas un interès patrimonial mas tanben sentimental pels estatjants d'Erau. Aqueles archius bruts son de filmes pas montats e muts, virats per la màger part en negre e blanc. I podèm veire per exemple la Fèsta-Dieu a Cesseràs, lo Carnaval de Laurenç o Bojan, la Dança de las trelhas de Montblanc, la Fèsta de Nissan, d'Agatencas que pòrtan la cofa, etc.
Arc Nòrd Mediterrenèa - Escambis entre las musicas e los artistas de Mediterranèa
Centre interrégional de développement de l'occitan (Béziers, Hérault)
Mathias Leclerc
Mathias Leclerc
Originalis de Calàbria, de Catalonha, de Malhòrca e d'Occitània, los musicians del projècte Arc Nòrd Mediterranèa, fan dialogar los instruments e repertòris tradicionals de lor territòri respectiu.
4 associacions, 4 grops, 4 païses se rescontran:
- Malhòrca, illes Balears, amb los Xeremiers de Sóller, que jògan de xeremia e de flabiol e tamborí
- Catalunya amb lo grop Sons de la Cossetània, que jògan de sac de gemecs e de tarota e de timbal
- Calàbria amb lo grop Totarella, que jògan de zampogna, de totarella e de tamburello
- Occitània amb lo grop Mar e Montanha, que jògan d'autbòi, de bodega, de tamborn de barca e de bomba de Lauragués.
Aqueste projècte cultural e artistic, que promòu los escambis entre pòbles e patrimònis de nòrd de Mediterranèa, es estat presentat al CIRDÒC lo 6 de decembre del 2017, dins l'encastre del festenal « Setmana Calabraise » organizat per l'associacion Tafanari.
Lenga d'òc : Au Palais dau Rore / Tè Vé Òc
Emission dau 13 de decembre de 2018
En Avinhon, pròche la Plaça dau relòtge, lo Palais dau Rore es un ostau de familha. Abitat pendent de sègles per la familha de Baroncelli-Javon, originària d'Itàlia, lo bastiment es un vertadier espaci de cultura e de sabers. Empregnat per l'Istòria de grands defensors de la cultura d'Òc entre autrei, l'ostau escapèt de pauc a la roïna au sègle XX. Es subretot Joana de Flandreysy, amiga dau Marqués Folco de Baroncelli, que va ié donar un vam novèu fins qu'a sa mòrt. Luòc de rescòntres entre lei felibres, nòbles e artistas, lo Palais dau Rore es ara un musèu dubert en totei. La vila entreprenguèt recentament una restauracion monumentala pendent de mes, per rendre au Rore son esclat d'a passat temps. Descubrètz l'èime d'aqueu luòc tant particular.
Un reportatge d'Amada Cròs.
En Avinhon, pròche la Plaça dau relòtge, lo Palais dau Rore es un ostau de familha. Abitat pendent de sègles per la familha de Baroncelli-Javon, originària d'Itàlia, lo bastiment es un vertadier espaci de cultura e de sabers. Empregnat per l'Istòria de grands defensors de la cultura d'Òc entre autrei, l'ostau escapèt de pauc a la roïna au sègle XX. Es subretot Joana de Flandreysy, amiga dau Marqués Folco de Baroncelli, que va ié donar un vam novèu fins qu'a sa mòrt. Luòc de rescòntres entre lei felibres, nòbles e artistas, lo Palais dau Rore es ara un musèu dubert en totei. La vila entreprenguèt recentament una restauracion monumentala pendent de mes, per rendre au Rore son esclat d'a passat temps. Descubrètz l'èime d'aqueu luòc tant particular.
Un reportatge d'Amada Cròs.
Lenga d'òc : Momus au CIRDÒC / Tè Vé Òc
Emission dau 6de decembre de 2018
Vos menam a la tantossada festiva organizada au CIRDÒC lo 12 d'octòbre, dins l'encastre dau festenau «Promenade entre Languedoc et Provence au XVe siècle ». Descubrètz la mòstra"Lo Rei Renat, prince deis arts en Provença" presentada per Benjamin Assié, lo director dau CIRDÒC. Aquesta es seguida per una conferéncia musicala d'Enric Maquet e Benjamin Mélia, sota la fòrma dau projècte « Momus ». Vos convida d'escotar de musicas eissudas dau repertòri tradicionau provençau, coma la Tarasca, la Fèsta Dieu de z'Ais, e lei cançons dau Carrateiron. Una cabussada culturala vertadièra dins lei sègles 15 e 16 au còr de Provença, ambé leis instruments que ié son restacats : lo galobet-tamborin, lo fifre, la vièla d'arquet...
Un reportatge de Lisa Gròs.
Un reportatge de Lisa Gròs.
Emission Lenga d'Òc : Lo moviment dels estudiants « dau Clapàs » festeja sos 20 ans
Gros, Lise (1943-....). Metteur en scène ou réalisateur
Emission dau 29 de novembre de 2018.
Fai 20 ans que lo Med'òc, associacion d'estudiants occitans, veguèt lo jorn, dins l'Universitat Pau Valèri de Montpellier. De son nom complet « Med'òc dau Clapàs », l'associacion es a l'origina d'un molonàs d'eveniments per los estudiants e non estudiants, per promòure la cultura e la lenga nòstras. « Intelligent e bolegadís » son lei mòts mèstres dau Med'òc.
Vos presentam leis accions e lei caras d'aqueste moviment que festejava sos 20 ans en 2018. Un reportatge de Lisa Gròs.
Lenga d'òc : Medelha (espectacle) / Tè Vé Òc
Emission dau 22 de novembre de 2018
La Compagnie « Rêves du 22 Mars » adaptèt « Medelha » en version bilinga, l'òbra teatrala maja de Max Roqueta. Anèrem a Montpelhièr a l'escasença d'una representacion dins lo pargue de la Maison pour tous Mélina Mercouri. Es dins la version sensa musica que vos prepausam de (re)descubrir aquela creacion presentada en mitan urban. Concebuda per èstre jogada a l'exterior, dins lo bruch ambient, aquela adaptacion de la pèça nos es detalhada dins una entrevista ambé Bruno Paternot, comedian e meteire en scena. Una immersion dins una òbra universala e intemporala.
Un reportatge d'Amada Cròs.
Un reportatge d'Amada Cròs.
Omenatge a Joan-Pèire Belmon/ Tè Vé Òc
Emission dau 15 de novembre de 2018
A l'escasença de la presentacion dau libre postum de Joan-Pèire Belmon, avèm rescontrat lei responsables d'aqueste projècte emai l'anciana colaboratriz de television dau jornalista, Liza Pannetier. Titolat À la première personne, aquel obratge escrich per Joan-Pèire Belmon raconta son percors d'animator de Radio France Bleue Vaucluse, mai tanben seis diveseis òbras a Vaquí e seis luchas militantas. Un momenton clafit d'emocions que permetèt ai pròches de Joan-Pèire de faire coneissença amb un libre intime e universau. Tanben, nòstra emission omenatge vos fai descubrir la concepcion dau libre paregut en junh de 2018.
Un reportatge de Miquèu Gravier.
A l'escasença de la presentacion dau libre postum de Joan-Pèire Belmon, avèm rescontrat lei responsables d'aqueste projècte emai l'anciana colaboratriz de television dau jornalista, Liza Pannetier. Titolat À la première personne, aquel obratge escrich per Joan-Pèire Belmon raconta son percors d'animator de Radio France Bleue Vaucluse, mai tanben seis diveseis òbras a Vaquí e seis luchas militantas. Un momenton clafit d'emocions que permetèt ai pròches de Joan-Pèire de faire coneissença amb un libre intime e universau. Tanben, nòstra emission omenatge vos fai descubrir la concepcion dau libre paregut en junh de 2018.
Un reportatge de Miquèu Gravier.
Lenga d'òc : La Setmana Provençala ambé Guilhem Vaton / Tè Vé Òc
Emission dau 8 de novembre de 2018
En Avinhon, la Setmana provençala es organizada per d'associacions divèrsas qu'an per tòca comuna la promocion de la lenga e de la cultura d'òc. Avèm filmat la sortida sus l'iscla de la Bartelaça prepausada per Provença Tèrra d'Òc. Au cap d'aquela animacion, Guilhem Vaton, ancian calandron e ornitològ. Es environat d'un trentenat de personas que lo jovent menèt lo percors, a la recèrca d'aucèus migrators e autrei acostumats de l'iscla. Una polida tantossada que lei locutors e lei non-occitanofònes se mesclèron e seguiguèron ambé plaser lei piadas d'un ornitològ aüros de partejar en lenga nòstra lei noms deis aucèus.
Un reportatge d'Amada Cròs.
En Avinhon, la Setmana provençala es organizada per d'associacions divèrsas qu'an per tòca comuna la promocion de la lenga e de la cultura d'òc. Avèm filmat la sortida sus l'iscla de la Bartelaça prepausada per Provença Tèrra d'Òc. Au cap d'aquela animacion, Guilhem Vaton, ancian calandron e ornitològ. Es environat d'un trentenat de personas que lo jovent menèt lo percors, a la recèrca d'aucèus migrators e autrei acostumats de l'iscla. Una polida tantossada que lei locutors e lei non-occitanofònes se mesclèron e seguiguèron ambé plaser lei piadas d'un ornitològ aüros de partejar en lenga nòstra lei noms deis aucèus.
Un reportatge d'Amada Cròs.
Lo lengatge fiulat d'Aas
Biu, Felip (1973-....)
Lo pichòt vilatge d'Aas, en val d'Aussau a accedit a una cèrta notorietat quand la comunautat scientifica e lo grand public descubriguèron que sos estatjants comunicavan a fòrt granda distància pel mejan de modulacions fiuladas.
Lo dissabte 9 de junh de 2018, dins l'encastre del festenal Tarba en Canta, Felip Biu, doctor en culturas e lengas regionalas de l'Universitat de Pau e dels Países de l'Ador, presentava una conferéncia titolada : « Lengatge fiulat d'Aas » : definicion, originas e renaissença d'aqueste mòde de comunicacion particularament rare que cresiam escantit...
Aquesta foguèt menimosament filmada per ÒCTele qu'a realizat aquesta vidèo.
Lo dissabte 9 de junh de 2018, dins l'encastre del festenal Tarba en Canta, Felip Biu, doctor en culturas e lengas regionalas de l'Universitat de Pau e dels Países de l'Ador, presentava una conferéncia titolada : « Lengatge fiulat d'Aas » : definicion, originas e renaissença d'aqueste mòde de comunicacion particularament rare que cresiam escantit...
Aquesta foguèt menimosament filmada per ÒCTele qu'a realizat aquesta vidèo.
Lenga d'òc : Una istòria de trins / Tè Vé Òc
Emission dau de 25 octobre de 2018
S'avètz pancara vist un caminòt parlar de son mestièr en lenga nòstra, siatz tombats sus la bòna emission ! Anèrem a Miramàs rescontrar Gerard Roussel, acompanhat de Reinat Nozéarn. Dins aqueste reportatge, vos presentam l'economia e leis usatges divèrs dau patrimòni ferroviari, amb leis exemples de la gara de Miramàs e dau musèu dau camin de fèrre a Nimes. Seguissètz-nos entre autrei dins lo percors dau depaus de Miramàs, que Gerard nos explica lei mestiers de caminòts e lei foncionaments dei trins a travèrs leis epòcas.
Un reportatge d'Amada Cròs
S'avètz pancara vist un caminòt parlar de son mestièr en lenga nòstra, siatz tombats sus la bòna emission ! Anèrem a Miramàs rescontrar Gerard Roussel, acompanhat de Reinat Nozéarn. Dins aqueste reportatge, vos presentam l'economia e leis usatges divèrs dau patrimòni ferroviari, amb leis exemples de la gara de Miramàs e dau musèu dau camin de fèrre a Nimes. Seguissètz-nos entre autrei dins lo percors dau depaus de Miramàs, que Gerard nos explica lei mestiers de caminòts e lei foncionaments dei trins a travèrs leis epòcas.
Un reportatge d'Amada Cròs