Explorar los documents (701 total)

v-lenga-d-oc-lens-17-mai.jpg
Lenga d'òc : Lei Lens / Tè Vé Òc
Emission dau 17 de mai de 2018

Lo bòsc dei Lens es un site naturau pròche del vilatge de Montmirat, dins Gard. Aquí, Marc Carteyrade vos presenta lo relarg dau bòsc, sei peirièiras, sa flòra. Descubrissètz lei particularitats d'un site ambé sei baumas e leis òmes dau País qu'i joguèron un ròtle grand. La pèira de Lens fuguèt utilizada per la bastison de mantuns monuments regionaus, e mai l'estatua de la libertat ! Un reportatge de Marc Carteyrade.
v-lenga-d-oc-10-mai-teveoc.jpg
[Lenga d'òc: Passejada literària en Agde 2018] / Tè Vé Òc
Cros, Amy

Emission dau 10 de mai de 2018

La Passejada literària es un eveniment organizat per la Calandreta d'Agde, lo Cirdòc e Lectura & Òc. Met a l'onor lei libres joinessa en occitan. Quinze escriveires i fuguèron convidats per la remesa dau Prèmi Literari Calandreta, que lo laureat es seleccionat per lei Calandrons. En mai d'aquò, d'animacions divèrsas ligadas a la literatura ponctuèron la jornada. Una fèsta literària que permet lei rescontres entre autors e jovents, e subretot una sensibilizacion a la lectura en lenga nòstra.

Un reportatge d'Amada Cròs. 

 

v-lenga-d-oc-teveoc-3-mai.jpg
Lenga d'òc : Gerard Lattier pintra per Ania / Tè Vé Òc
Gros, Lise

Emission dau 3 de mai de 2018 :

Gerard Lattier es un artista nascut a Nimes. Aqueu Gardès que pintra despuèi jovenet, faguèt sa 1èra mòstra en 1958 que marquèt la debuta d'una longa carrièra d'artista pintre. Sei tablèus dei colors vivas, que semblan a d'illustracions de libres per enfants, definisson un estile particular que trabalha dempuèi totjorn e que fai l'identitat de sa pintura. Dins aqueste reportatge, Gerard Lattier nos presenta sei tèlas en omenatge a Ania, sa femna. 

Un reportatge de Lisa Gròs.

v-lenga-d-oc-teveoc-27-avril.jpg
Lenga d'òc : Fantastics Contes d'Òc / Tè Vé Òc
Cros, Amy
Emission dau 27 de abril de 2018 :

Fabian Bages, contaire, e Arvèi Robert, musicaire, concebèron l'espectacle « Fantastics Contes d'Òc ». Jogadas dins sa version occitana au Cafè Òc de Somèire, leis istòrias presentadas se debanan mai particularament dins Gard. Dins nòstre imaginari, lo fantastic es a nòstre lindau, e aquela serada nos dubrís lei pòrtas d'un monde estranh. Laissatz-vos menar per aqueu duò dins lei peripecias desmesuradas de sei personatges.
Un reportatge d'Amada Cròs.
Creacion d'instruments de musica en cò de Maria Picard - Tè Vé Òc
Cros, Amy. Metteur en scène ou réalisateur
Emission dau 20 de abril de 2018

Maria Picard es musicaira e terralhièra nimesenca. Nos aculhiguèt dins son talhièr ont ensenhèt la fabricacion d'ocarinas en preséncia de doas estagiàrias tanben musicairas. L'enveja de rescontrar de gents et de partejar son saber-faire la menèt d'organizar d'estagis tematics. Una activitat pauc desvolopada aquí e que pasmens pòu aver un interès pedagogic tant coma musicau.
Un reportatge d'Amada Cròs.
vignette_19457.jpg
Tè Vé Òc - Lenga d'òc : Naissença dei Baragonhets
Gros, Lise

Emission dau 12 de abril de 2018

A Sant-Cristòu dins Eraut, Carnaval se festejèt a travèrs lei pichòts totems, qu'èron a l'onor lo 18 de Març. Veirètz la naissença de dos baragonhets, enfantons dau totem la Baragònha a Sant Cristòu. Descubrissètz leis imatges de l'espectacle « enfantament totemic » prepausat per lo Théâtre des origines. A l'entorn d'aquel eveniment urós, leis pichons d'autreis animaus totemics venguèron potonejar la maire Baragònha e sa progenitura. Una mena de Nativitat revisitada.

Un reportatge de Lisa Gròs.

 

v-Lenga-d-oc-5-avril.jpg
Lenga d'òc: Setmana Occitana de Gard : Clamenç, umorista / Tè Vé Òc
Cròs, Amy
Dins l'encastre de la Setmana Occitana 2018 dins Gard, organizada per l'IEO e la Marpoc, lo Cafè Òc de Somèire convidèt Clamenç. André Clément, de son nom vertadièr, es un ancian conselhièr pedagogic de Losèra. Una reconversion, venguda d'una enveja prigonda, lo metèt sus lo comin de la comèdia. E mai particularament dins la creacion d'esquèchs umoristics. Vos presentam una entrevista de l'umorista, acompanhada de tròç tirats de mai d'un espectacle. Quora nòstra lenga d'amor ven lenga... d'umor !
Un reportatge d'Amada Cròs.
Vignette Lenga d'Oc 29 mars.jpg
Lenga d'òc/Lengo d'o : Lo Carnaval Occitan de Montpelhièr / Tè Vé Òc
Cros, Amy
Tè Vé Òc
Emission dau 30 de març de 2018

Entre lo fum d'eveniments carnavalencs, nòstra còla causís de vos presentar lo "Carnavau occitan de Montpelhièr o la fèsta dau monde a l'envèrs". La manifestacion es organizada per lo collectiu INTER'CAL, que recampa tres calandretas e la ciutat escolària Leon Cordas. Implica entre autrei un molonàs de calandrons e d'artistas, amb una preparacion de sièis mes en amont. Au còr de Montpelhièr sòna lo còr d'un passa-carrièira qu'interagís amb lei passejaires. Una tantossada colorada e brusenta que nos met sus lo camin de la prima.
Un reportatge d'Amada Cròs. 
jorgi-gros-omenatge-enfancia.jpg
Lenga d'òc/Lengo d'o : Omenatge a Jòrgi Gròs / Tè Vé Òc
Gros, Lise
TéVéÒc
Emission especiala dau 23 de març de 2018

Jòrgi Gròs, lo Nimesenc que menèt fòrça a l'occitanisme, nos a quitats en febrièr passat. Aquela emission es un omenatge au pedagòg, escrivan, contaire e militant occitan. Un òme que laissa de traças multiplas a un molon d'amics esmoguts e reconeissents. Veirètz d'arquius que mòstran son implicacion e son impact dins lo militantisme occitan. Es per aquò que de son vivent una Calandreta dubriguèt e prenguèt son nom a Nimes. Jòrgi Gròs toquèt mai d'una generacion, dins l'ensenhament tant coma a la retirada.
Un retrach per Lisa Gròs.

marcel-piazza.jpg
Lenga d'òc/Lengo d'o : Marcèu Piazza, retrach d'òme d'òc / Tè Vé Òc
Tè Vé Òc. Producteur
Emission dau 16 de març de 2018

Discret, fòrça umil e generós, Marcèu Piazza resta a Sant Genièis de Malgoirès, dins Gard. Aquel òme autodidacte ausiguèt la lenga dins lo lengadocian de sa familha e apren despuèi d'annada lo provençau de son canton. Marcèu es un manuau, e de sei mans crea un molon d'òbras : dessenhs, pinturas, esculturas sus pèira, pirogravadura... Un artista dins l'ombra que metèm en lume aquí dins un retrach colorat, a l'imatge deis ilustracions que fai per acompanhar sei pichòtas istòrias. Cabussatz dins l'univèrs de Marcèu, amb sa femna Monica coma primièr sosten.
Un retrach per Lisa Gròs.
sus 71