Explorar los documents (709 total)
Lenga d'òc/Lengo d'o : Festenau de vidèo e cinèma Rescontre 2018 / Tè Vé Òc
Tè Vé Òc. Producteur
Emission dau 16 de febrièr de 2018
La 8cha edicion dau Festenau se debana aqueste còp dins la Mediatèca de Marguerittes, pròche Sant Gervasi ont la manifestacion nasquèt. Lo festenau presenta una seria de filmòts realizats per d'amators e de còps que i a de professionaus. I trobam una majoritat d'òbras en occitan e/ò sus la cultura d'aquí. Dubert en totei e a gràtis, l'eveniment s'espandís sus una tantossada cada an en febrièr.
Un reportatge d'Amada Cròs.
La 8cha edicion dau Festenau se debana aqueste còp dins la Mediatèca de Marguerittes, pròche Sant Gervasi ont la manifestacion nasquèt. Lo festenau presenta una seria de filmòts realizats per d'amators e de còps que i a de professionaus. I trobam una majoritat d'òbras en occitan e/ò sus la cultura d'aquí. Dubert en totei e a gràtis, l'eveniment s'espandís sus una tantossada cada an en febrièr.
Un reportatge d'Amada Cròs.
La Passejada literària de la Calandreta dagtenca / CIRDOC, Mathias Leclerc
Centre interrégional de développement de l'occitan (Béziers, Hérault)
Mathias Leclerc
Mathias Leclerc
Aquel filme realizat en 2017 pel CIRDÒC per Mathias Leclerc torna en imatges sus l'aventura de la Passejada literària d'Agde, un temps fòrt de la literatura de joinesa en occitan amb a son còr lo rencontre entre los autors e lor public.
Dempuèi 2016, la Calandreta d'Agde (34) organiza un prèmi literari que convida los joves lectors a votar per l'obratge qu'aiman mièlhs entre una seleccion d'òbras en occitan. Aital, es una jurada de mai de 1 000 joves lectors que balhan aquel "Prèmi literari Calandreta". La proclamacion de las resultas es l'escasença per una granda jornada de fèsta, de rencontre amb los autors e d'escambis a l'entorn del plaser de legir : la Passejada literària.
Erau dins las annadas 1950 : Tesan de Besièrs / Michel Cans
Cans, Michel
Aqueste film negre e blanc mut realizat per Michel Cans a Tesan de Besièrs (Erau) se dubrís sus d'imatges de l'escòla Louis Prunet flame nòva. Es doncas pas anterior a 1955, annada de l'inauguracion d'aquesta escòla.
Aprèp la visita de l'escòla, plaça a la sortida dels escolans puèi a una sortida de glèisa. Aprèp de scènas per carrièra (pasants, taulièrs de peisses, una femna que mena una carreta) se ve la venda dels Bleuets, apausats a las botonièras, puèi un desfilat d'ancians combatents acompanhats per la fanfara, e enfin una ceremonia del sovenir al monument als mòrts amb lo depaus d'una garba.
Erau dins las annadas 1950 : Besièrs jos la nèu / Michel Cans
Cans, Michel
Aqueste film negre e blanc mut seguís las activitats d'un drollet filmat pendent de periòdes diferents : aprèp de sequéncias que mòstran de jòcs de defòra (jòc de bala, veitureta a pedalas...), se retrobam plonjats, a sa seguida, dins las carrièras vengudas pistas d'esquí d'una Besièrs embelinada per una nevada. Enfin, los darrièrs imatges mòstran l'enfant que fa vespralhon dedins.
Lenga d'òc/Lengo d'o : La vida occitana en genièr / Tè Vé Òc
Tè Vé Òc. Producteur
Emission dau 2 de febrièr de 2018
Après lei fèstas de fin d'annada, a despart dei betlèms, pastoralas e autrei fèstas dei Reis, leis activitats occitanas existisson tanben en genièr, au còr de l'ivèrn. Es ambé pas mens de 4 reportatges que vos presentam una idèia de çò que se fai en debuta d'annada, a l'entorn de la lenga e la cultura d'òc : cafè provençau a z'Ais (13), projècte pedagogic en collègi a Lunèu (34), Trad'Hivernalas a Somèire (30), e Dictada occitana an' Aurenja (84).
Un reportatge d'Amada Cròs.
Après lei fèstas de fin d'annada, a despart dei betlèms, pastoralas e autrei fèstas dei Reis, leis activitats occitanas existisson tanben en genièr, au còr de l'ivèrn. Es ambé pas mens de 4 reportatges que vos presentam una idèia de çò que se fai en debuta d'annada, a l'entorn de la lenga e la cultura d'òc : cafè provençau a z'Ais (13), projècte pedagogic en collègi a Lunèu (34), Trad'Hivernalas a Somèire (30), e Dictada occitana an' Aurenja (84).
Un reportatge d'Amada Cròs.
Lenga d'òc/Lengo d'o : L'Arca de Théo / Tè Vé Òc
Tè Vé Òc. Producteur
Emission dau 26 de genièr de 2018
A Bèuvesin (30), Théo Tauleigne garda e dressa lei chivaus que suenha dins son mas. Tota mena de bèstias i vivon dins un grand respièch e lo socit de la libertat.
A Bèuvesin (30), Théo Tauleigne garda e dressa lei chivaus que suenha dins son mas. Tota mena de bèstias i vivon dins un grand respièch e lo socit de la libertat.
Lenga d'òc/Lengo d'o : La Bocla dels Tindaires / Tè Vé Òc
Tè Vé Òc. Producteur
Emission dau 19 de genièr de 2018
Coma cada an, lo festenau Contes et Rencontres presenta una seleccion d'espectacles en occitan. N'avèm profiechat per cubrir La Bocla. Claudi e Chantal Pisanescchi (Cabr'e can), amb Clamenç e Rachel Baudry (Les Assortis), s'associèron per un espectacle originau que convida lo public a un viatge d'un an dins lei Cevenas, entre Losera, Gard e Ardecha. Una serada rica en sòns e colors, que lo public participatiu deguèt afrontar la nèu defòra...
Un reportatge d'Amada Cròs.
Coma cada an, lo festenau Contes et Rencontres presenta una seleccion d'espectacles en occitan. N'avèm profiechat per cubrir La Bocla. Claudi e Chantal Pisanescchi (Cabr'e can), amb Clamenç e Rachel Baudry (Les Assortis), s'associèron per un espectacle originau que convida lo public a un viatge d'un an dins lei Cevenas, entre Losera, Gard e Ardecha. Una serada rica en sòns e colors, que lo public participatiu deguèt afrontar la nèu defòra...
Un reportatge d'Amada Cròs.
Lenga d'òc/Lengo d'o : Estagi Parlar dau CFPO / Tè Vé Òc
Tè Vé Òc. Producteur
Emission dau 12 de genièr de 2018
Lo Centre de Formacion Professionala Occitan prepausa un molon de formacions, diplòmas e estagis. Au CFPO Lengadòc, a Besièrs, filmèrem una partida de l'Estagi Parlar, consacrat a la crisi dau vin en 1907. Son un gròs vintenat d'estagiaris de nivèus divèrs que venguèron aprene e escambiar pendent 3 jorns d'activitats. Aquí, dos formators e dos estagiaris nos partejan son punt de vista sus la lenga e l'aprendissatge en generau.
Un reportatge d'Amada Cròs.
Lo Centre de Formacion Professionala Occitan prepausa un molon de formacions, diplòmas e estagis. Au CFPO Lengadòc, a Besièrs, filmèrem una partida de l'Estagi Parlar, consacrat a la crisi dau vin en 1907. Son un gròs vintenat d'estagiaris de nivèus divèrs que venguèron aprene e escambiar pendent 3 jorns d'activitats. Aquí, dos formators e dos estagiaris nos partejan son punt de vista sus la lenga e l'aprendissatge en generau.
Un reportatge d'Amada Cròs.
1ra Nuèch de la lectura al CIRDÒC : Lo Viatge immobil / CIRDOC, Mathias Leclerc
Centre interrégional de développement de l'occitan (Béziers, Hérault)
Mathias Leclerc
Mathias Leclerc
Lo 14 de genièr de 2017, lo temps d'una nuèch – la primièra Nuèch de la lectura -, la Mediatèca del CIRDÒC se cambièt en rotlòta per menar sos legeires per un « Viatge immobil » entre los imaginaris e las culturas.
En farsi, en LSF, en francés, en latin, en italian, en castelhan o en occitan, legeires, autors, traductors e artistas gostèron amassa los mots que los avian fach barrutlar.
En farsi, en LSF, en francés, en latin, en italian, en castelhan o en occitan, legeires, autors, traductors e artistas gostèron amassa los mots que los avian fach barrutlar.
Aquí lo realizator Mathias Leclerc liura en imatges los quasernets d'aquel viatge.
Amb la participacion de la companhiá Calame Alen, l'Amistat franco-marroquina de Besièrs, Alem Surre-Garcia, Manijeh Nouri, Rotland Pecot, France Rougié, Maeva Ou-Rabah, Mirelha Braç, Marie-Jeanne Verny, Marie-France Fourcadier, Alan Roch, Matieu Poitavin, Sèrgi Carles, Corinne Lhéritier...
La Nuèch de la lectura es sostenguda pel ministèri de la Cultura e de la Comunicacion.
Lenga d'òc/Lengo d'o : La Fièira de la Sant Martin en Aramon / Tè Vé Òc
Tè Vé Òc. Producteur
Emission dau 8 de decembre de 2017
Cada 11 novembre despuèi 1995, l'associacion deis "Amis de la Saint-Martin" organiza una fièira grandassa, amb tres temps fòrts : lo passa-carrièira tematic, la fièra artesanala e leis animacions dei mestièrs d'a passat temps. Totei lei generacions, totei lei populacions se mesclan dins una mema manifestacion d'importància dins lo vilatge d'Aramon. I veirètz tanben una entrevista de Joël Martin, ancian president de l'associacion organizairitz.
Un reportatge d'Amada Cròs.
Cada 11 novembre despuèi 1995, l'associacion deis "Amis de la Saint-Martin" organiza una fièira grandassa, amb tres temps fòrts : lo passa-carrièira tematic, la fièra artesanala e leis animacions dei mestièrs d'a passat temps. Totei lei generacions, totei lei populacions se mesclan dins una mema manifestacion d'importància dins lo vilatge d'Aramon. I veirètz tanben una entrevista de Joël Martin, ancian president de l'associacion organizairitz.
Un reportatge d'Amada Cròs.