Explorar los documents (709 total)
Lenga d'òc/Lengo d'o : Lei olivadas en país nimesenc / Tè Vé Òc
Tè Vé Òc. Producteur
Emission dau 1èr de decembre de 2017
Tot just acabat lo periòde de culhida d'olivas, vos prepausam una emission sus aqueu fruch emblematic de Miègterranha. D'onte nos ven l'olivièr ? A ne creire lo geograf grèc Estrabòn son lei Foceans que lo menèron a Marselha e a Nimes. Son espandits sus nòstra costièira dins lei tèrras sud de Miegjorn, onte tròban la doçor de nòstre cèu. Au programa, tòca, sentida e gost...
Un reportatge de Claudi Queyrel.
Tot just acabat lo periòde de culhida d'olivas, vos prepausam una emission sus aqueu fruch emblematic de Miègterranha. D'onte nos ven l'olivièr ? A ne creire lo geograf grèc Estrabòn son lei Foceans que lo menèron a Marselha e a Nimes. Son espandits sus nòstra costièira dins lei tèrras sud de Miegjorn, onte tròban la doçor de nòstre cèu. Au programa, tòca, sentida e gost...
Un reportatge de Claudi Queyrel.
Lenga d'òc/Lengo d'o : Voltige'Oc / Tè Vé Òc
Tè Vé Òc. Producteur
Emission dau 24 de novembre de 2017
En país montpelhierenc Anouk e Zoé, doas sòrres, òbran per iniciar d'enfants a la vòuteja equestra. Faguèron son escolaritat en Calandreta e ara se consacran ais espectacles acrobatics e a la formacion. Voltige'Oc es una associacion presidada per Maria-Jo Dory, la maire deis joinas acrobatas. Aquestei nos racontan una passion d'aut nivèu sus fons d'imatges espectaclosas.
Un reportatge d'Amada Cròs.
En país montpelhierenc Anouk e Zoé, doas sòrres, òbran per iniciar d'enfants a la vòuteja equestra. Faguèron son escolaritat en Calandreta e ara se consacran ais espectacles acrobatics e a la formacion. Voltige'Oc es una associacion presidada per Maria-Jo Dory, la maire deis joinas acrobatas. Aquestei nos racontan una passion d'aut nivèu sus fons d'imatges espectaclosas.
Un reportatge d'Amada Cròs.
Lenga d'òc/Lengo d'o : Lo Cese de Bertrand/ Tè Vé Òc
Tè Vé Òc. Producteur
Emission dau 17 de novembre de 2017
Isabèla François e Joan Hébrard, de la companhiá Gargamèla, jògan una pèça d'Anne Clément. A destinacion dei mai joines, Lo Cese de Bertrand mescla comedians e mariòtas, occitan e francés. D'entrevistas e sequéncias de l'espectacle vos menaràn dins l'intimitat dau teatre jovença, onte leis actors fan plaça granda a l'occitan, lenga d'art e lenga d'escambis.
Un reportatge d'Amada Cròs.
Isabèla François e Joan Hébrard, de la companhiá Gargamèla, jògan una pèça d'Anne Clément. A destinacion dei mai joines, Lo Cese de Bertrand mescla comedians e mariòtas, occitan e francés. D'entrevistas e sequéncias de l'espectacle vos menaràn dins l'intimitat dau teatre jovença, onte leis actors fan plaça granda a l'occitan, lenga d'art e lenga d'escambis.
Un reportatge d'Amada Cròs.
Lenga d'òc/Lengo d'o : A la Vòta d'Aigas Mòrtas / Tè Vé Òc
Tè Vé Òc. Producteur
Emission dau 10 de novembre de 2017
Lisa Gròs cubriguèt un eveniment unenc, dei prats au plan mitic, pròche la palun e lei salins. Leis afecionats dei buòus camarguencs e dei corsas se son retrobats lo temps de la fèsta, a l'entorn d'una arena pas coma lei autreis : es la sola d'aquela mena. La vòta de la ciutat de sau es venguda una institucion dins la region. Aquela manifestacion automnala met a l'onor la bovina que leis estatjants son tant estacats.
Un reportatge de Lisa Gròs.
Lisa Gròs cubriguèt un eveniment unenc, dei prats au plan mitic, pròche la palun e lei salins. Leis afecionats dei buòus camarguencs e dei corsas se son retrobats lo temps de la fèsta, a l'entorn d'una arena pas coma lei autreis : es la sola d'aquela mena. La vòta de la ciutat de sau es venguda una institucion dins la region. Aquela manifestacion automnala met a l'onor la bovina que leis estatjants son tant estacats.
Un reportatge de Lisa Gròs.
Lenga d'òc/Lengo d'o : Leis occitanistas a la Diada del Si / Tè Vé Òc
Tè Vé Òc. Producteur
Emission dau 27 d'octòbre de 2017
Miquèu Gravier es anat cubrir a Barcelona la Diada, aquesta jornada de manifestacion grandarassa. Fèsta nacionala dei Catalans, la Diada es la celebracion de la libertat d'aqueu pòple. Una fola immensa festejèt amb jòia e determinacion lo reviscolament de la lenga e la cultura catalanas, après la desfacha de Barcelona en 1714.
Un reportatge de Miquèu Gravier.
Miquèu Gravier es anat cubrir a Barcelona la Diada, aquesta jornada de manifestacion grandarassa. Fèsta nacionala dei Catalans, la Diada es la celebracion de la libertat d'aqueu pòple. Una fola immensa festejèt amb jòia e determinacion lo reviscolament de la lenga e la cultura catalanas, après la desfacha de Barcelona en 1714.
Un reportatge de Miquèu Gravier.
Lenga d'òc/Lengo d'o : Reinié Raybaud, poèta, vinhairon e Majorau dau Felibritge / Tè Vé Òc
Tè Vé Òc. Producteur
Emission dau 20 d'octòbre de 2017
Nòstre quadraire Felip Reig vos prepausa un retrach de Reinié Raybaud. Compausada de tres capitols, l'emission pòrta sus l'òbra literària de Reinié, son mestièr de vinhairon amb seis otís tradicionaus, e son retrach coma actor estimat dins lo Felibritge. Rescontre intim amb un òme que contribuís a l'espandiment de la lenga e la cultura d'òc.
Un reportatge de Felipe Reig.
Lenga d'òc/Lengo d'o : Sus lei piadas de l'Absenta / Tè Vé Òc
Tè Vé Òc. Producteur
Emission dau 13 d'octòbre de 2017
Sus lei piadas de l'Absenta retraça lo percors intim e poetic d'un autor provençau, Matieu Poitavin. Amb de fotografias d'Estefan Barbier, presentan un univèrs unenc, una poesia dei sens qu'avèm explorada sota la fòrma d'una mòstra. Un bèu-libre fuguèt editat per "Atelier Baie", amb una narracion complèta dau percors. Lo contengut fuguèt estudiat per una escòla avinhonenca e restituit lo jorn dau vernissatge.
Un reportatge d'Amada Cròs.
Sus lei piadas de l'Absenta retraça lo percors intim e poetic d'un autor provençau, Matieu Poitavin. Amb de fotografias d'Estefan Barbier, presentan un univèrs unenc, una poesia dei sens qu'avèm explorada sota la fòrma d'una mòstra. Un bèu-libre fuguèt editat per "Atelier Baie", amb una narracion complèta dau percors. Lo contengut fuguèt estudiat per una escòla avinhonenca e restituit lo jorn dau vernissatge.
Un reportatge d'Amada Cròs.
Lenga d'òc/Lengo d'o : Flor Enversa a Bèucaire / Tè Vé Òc
Tè Vé Òc. Producteur
Emission dau 6 d'octòbre de 2017
A l'escasença dei Jornadas dau patrimòni a Bèucaire, avèm rescontrat lo duo de Flor Enversa, vengut deis Aups-Maritimes. Flor Enversa interprèta despuèi 2006 lei tèxtes e musicas de trobadors originaris d'Occitània tota. A Bèucaire, dins la capèla dau castèu medievau, Tièri e Domitilla, cantaires e musicians, presentèron de poètas provençaus e leis instruments tradicionaus qu'an fabricats.
Un reportatge d'Amada Cròs.
A l'escasença dei Jornadas dau patrimòni a Bèucaire, avèm rescontrat lo duo de Flor Enversa, vengut deis Aups-Maritimes. Flor Enversa interprèta despuèi 2006 lei tèxtes e musicas de trobadors originaris d'Occitània tota. A Bèucaire, dins la capèla dau castèu medievau, Tièri e Domitilla, cantaires e musicians, presentèron de poètas provençaus e leis instruments tradicionaus qu'an fabricats.
Un reportatge d'Amada Cròs.
Lenga d'òc/Lengo d'o : Lo barri antic de Nimes / Tè Vé Òc
Tè Vé Òc. Producteur
Emission dau 29 de setembre de 2017
A Nimes, lei vestitges dau barri antic se pòdon veire dau costat de la rota de Sauva. Fai 6 quilomètres de long, e 2 de barri vòlque.
Lo vestitge lo mai remarcable dau barri vòlque, es la Torre Manha. Dins aqueste reportatge, veirètz una passejada organizada per l'associacion Pont du Gard-Patrimoine, e presentada per Joan-Francés Dufaud. Permet de retrobar de tròç dau barri antic escampilhats un pauc de pertot dins l'espaci public e privat.
A Nimes, lei vestitges dau barri antic se pòdon veire dau costat de la rota de Sauva. Fai 6 quilomètres de long, e 2 de barri vòlque.
Lo vestitge lo mai remarcable dau barri vòlque, es la Torre Manha. Dins aqueste reportatge, veirètz una passejada organizada per l'associacion Pont du Gard-Patrimoine, e presentada per Joan-Francés Dufaud. Permet de retrobar de tròç dau barri antic escampilhats un pauc de pertot dins l'espaci public e privat.
Un reportatge de Miquèu Gravier.
Lenga d'òc/Lengo d'o : Estransis Cevenòlas 2017 / Tè Vé Òc
Tè Vé Òc. Producteur
Emission dau 22 de setembre de 2017
Una fèsta granda d'estiu a Sumena que coneiguèt sa 20ena edicion aquest' an. Prepausa de musicas e arts de carrièra qu'englòba divèrs estils. Un public nombrós de tot atge, fidelizat desempuèi la creacion, venguèt veire lo molon de concèrts, deambulacions e animacions per carrièra. Creadas per l'associacion Les Elvis Platinés, leis Estansis Cevenòlas an la particularitat d'èstre un festenau participatiu mercé a de talhièrs e luòcs de rescontre onte l'òm se pòu pausar entre dos espectacles.
Un reportatge de Claudi Queyrel.
Una fèsta granda d'estiu a Sumena que coneiguèt sa 20ena edicion aquest' an. Prepausa de musicas e arts de carrièra qu'englòba divèrs estils. Un public nombrós de tot atge, fidelizat desempuèi la creacion, venguèt veire lo molon de concèrts, deambulacions e animacions per carrièra. Creadas per l'associacion Les Elvis Platinés, leis Estansis Cevenòlas an la particularitat d'èstre un festenau participatiu mercé a de talhièrs e luòcs de rescontre onte l'òm se pòu pausar entre dos espectacles.
Un reportatge de Claudi Queyrel.