Explorar los documents (4496 total)

L'òbra de Max Roqueta, centrada sus las garrigas lengadocianas del país natal, descriu la beutat solara o nuechenca de la natura, crudèlament indiferenta, una beutat d'ont raja una dolor a proporcion, que los umans se'n senton exiliats. La quita creacion, per tan bèla que siá, demòra marcada del sagèl del temps e del nonrés. L'escritura poetica consistís a se metre a l'escota del còr bategant de la vida qu'anima totas las creaturas, de la formiga a l'estela. Aqueles tèmas se retròban dins aqueste darrièr recuèlh que recampa totes los poèmas inedits en volum, demorats a l'estat manuscrit o solament publicats en revista. Un tèrç d'aquestes 130 poèmas datan de las annadas 40 e 50, los autres foguèron escriches dins las annadas 80 e seguentas. Max Roqueta i perlonga l'inspiracion dels tres grands recuèlhs precedents. Lo poèma es un sòmi despertat, una quista ontologica que nos adutz, gràcias al lengatge, al còr de l'èstre e de la vida. Lo poèta nos porgís, aicí coma endacòm mai, una òbra a l'encòp tragica, cosmica e prigondament enrasigada.

Ueit ans après era publicacion deths Condes deth Coserans, que mos i tornam en ame un aute album de condes, consacrat aqueste còp ath Comenge e ara Val d’Aran. En aqueras istuèras, que hèn arríder o hericar, qu’arretrobaratz eths personatges abituaus : bèstias que parlan gascon, innocents que’s hèn inevitablament colhonar, hadas beneficas, òme sauvatge... mès tanben diable, podoèras, sèrps. En mon deths condes, eras credenças que s’abarrejan. Un conde n’é cap era realitat, ja’c sabem, mès que i deu aver en quauqu’un lòc ua part de vertat, n’ac credetz cap ? En tot caish, brembatz-vos de ua causa : ua mentida plan dita que vau ua vertat !

Colleccion Oralitat de Gasconha

« Me dison Martin. E mos amics son de lops. Òc ben, de lops que los grands sabon pas veire ! Ne'n fau de causas ambe mos lops ! Mas quand serai grand... »

Lo libre evòca amb tendresa e delicadesa, a nautor de mainatge, la question de l'amic imaginari. Illustrat amb finesa e una sensibilitat de las bèlas, abòrda tanben a son biais la question de la plaça dins la frairièra, quand òm i arriba après l'ainat. Mai que mai, pausa LA question essenciala : cossí far amb lo « abans ieu » ? Cossí acceptar que los autres ajan agut una vida abans nòstra venguda al mond ?

Nascuda de l’imaginacion de son autor, Ester Lapoja es una goiata d’au jorn d’aüei, plan esbarbida, eleva au liceu Bertran de Bòrn de Perigüers. Benaisa dins sa vita, energica, telefonet en mans, Ester nos fai viure coma sos amics e sas amijas tres enquestas de reng : « Un tant doç vonvon », « Los Sendareus de l’auba » e « Ventar dau vent que bufa ». Dins son monde, plan realista e pròche de quò nòstre, la goiata es plan afarada emb la màfia georgiana, daus nazilhons, los autonomistas perigòrds, las sectas, daus fascistas regatiers de dròga... La jòuna enquestritz, que se’n laissa pas contar, fai virar chabra lo famós comissari Alexandre Darnaudguilhem, plan conegut dins la capitala de Nauta Dordonha en Occitània.

PRESENTACION

PRESENTACION

PRESENTACION

Aquitània qu'ei miaçada per l'envadida romana. Alden, la reina deus bigerris, que va federar los diferents pòbles e gavidà'us tà's bàter contra Roma. Mès que s'arretròba nafrada e captiva. La leona escaparà a l'agla tà arrecrubar la libertat e la deus pòbles aquitans ? En.hicatz-ve dens l'istòria fantastica d'un monde a cambiar...

Un còp èra, que i avè tres lèds raubaires... mes que’us cambiè la vita d’encontrar a Teofània, l’orfaninòta. De tres bandolèrs que’n hasó... tres ànjols bravolàs !

Après lo Tòme 1 sortit en 2023, ací qu'avetz la seguida de las aventuras de la broisha Pepper e deu son gat Carrot qui contunhan de har har a l'estiracosseja a las broishas Cayenne, Thym e Cumin. Dens lo monde meravilhós de Hereva, las mairias que tròban l'educacion de la lor unica hilhòla e eretèra deus lors poders mei complèxe que previst. Segur, que hè pocions magicas, qu'encontra autes personatges fantastics… A còps, las aventuras ne's passan pas com esperat mes que son tostemps l'escadença d'aprendissatges navèths.