Explorar los documents (485 total)

Programa de la jornada

9h45 : acuèlh
10h : Un estudió mòbil pels projèctes de ràdio e de collectatge - Jeanne-Marie Vazelle e Oihana Olazcuaga-Garibal, CIRDOC - Institut occitan de cultura
10h25 : projèctes a mira cooperativa menats pels professors de las escòlas estagiaris amb APRENE
– Las taulas de multiplicacion en cançon - Marion Guillet
– La PASSEM en mairau - Anaís Lahitette Larroque
– Maleta d’acuèlh dels parents de pichona seccion - Clòe Garcia
11h30 : Las palancas : un espleit didactic per la comparason de l'occitan e del francés - Xavi Ferré, co-director d'APRENE e Fabiana Alèrt, conselhèra pedagogica d'occitan d'Aude
12h : Projècte Flòra del Pargue Nacional de las Cevenas - Joëlle Rossignol, conselhèra pedagogica d'occitan de Losèra e  Eleonore Solier, Regenta destacada al Pargue nacional de las Cevenas

12h30-14h : (site de Besièrs) repais ofèrt preparat pel talhièr Cuisine d'ailleurs de la CIMADE (Sus inscripcion abans lo 19/05)

14h : Projècte Erbari - Marie-Anne Chateaureynaud, Professora de las Universitats en didactica de las lengas e culturas
14h25 : Projècte Simin Palay
14h50 : Lo comunic'accional al servici de l'ensenhament l'occitan - Cristòl Causse, IA/IPR occitan, Acadèmia de Montpelhièr
15h-16h : sintèsi de la jornada per Marie-Anne Chateaureynaud e escambis

Per perlongar la jornada (site de Besièrs) :
18h30 : CinéOc País de flors / Sèm la beluga seguit d'un escambi amb KOvisuel e d'un veire de l'amistat

Cossí se marcar ?

Informacions e inscripcions : prod-edu [a] oc-cultura.eu

Sergi Javaloyès et Maurice Roumieu présentent la réédition du Dictionnaire de Simin Palay, à la médiathèque de Billère. 

Gilabèrt Narioo (1928-2024), figura màger de l’estudi e de la transmission de l’occitan de Bearn e Gasconha, que’ns quitè lo 6 d’abriu passat a l’atge de 95 ans.

Nascut a Valansun (Bearn, Pirenèus Atlantics) en ua familha paisana, lo soa activitat professionau dens l’industria de l’aluminium que’u mia capvath divèrs país d’Euròpa e d’Africa, la soa sensibilitat lingüistica que’s desvolòpa d’autant mei.

Membre de l’associacion Per Noste, seccion Bearn-Gasconha de l’Institut d’Estudis Occitans fondada per Rogèr Lapassada en 1960, que’n devien au son torn capdau 25 ans de seguida. Dab los sons amics Miquèu Grosclaude, Robèrt Darrigrand, Danièl e Gerard Lavignotte, qu’ei donc un deus màgers participants de la revista País Gascons, mei que mei l’autor de centenats de punts de lenga en la cronica “Parlar plan” compilada en 2017 en un obratge eponime publicat per las edicions Per Noste. Transmetor infatigable, per torn autor, corrector e conselh lingüistic mobilizat entà totas las aventuras emblematicas, editoriaus e radiofonicas de Bearn e de Gasconha: Cronica Vent de castanha de La République des Pyrénées, Ràdio País, La Setmana, Papagai, Gilabèrt Narioo qu’ensenha tanben vint ans ad arron lo gascon e le lengadocian taus cors per correspondéncia deu Collègi d’Occitania de Tolosa. Aquera activitat pedagogica que tròba ua transcripcion en la màger part deus obratges didactics de las annadas 1980 dinc a las annadas 2000. Atau, que publica dab lo son amic Miquèu Grosclaude lo Répertoire des conjugaisons occitanes de Gascogne, que collabòra aus metòdes d’aprentissatge de Miquèu Grosclaude puish de Patric Guilhemjoan, aus diferents lexics e diccionaris com Lo Civadòt. Puish, setanta ans après lo Diccionari de Simin Palay, qu’ei ua empara de la publicacion deu Diccionari Francés-Occitan de Per Noste comptant uei lo dia mei 50.000 entradas.

La figura de Gilabèrt Narioo qu’ei indissociabla deus prumèrs pas de la Navèra cançon occitana de Gasconha, lo mentòr lingüistic deu joen trio Los de Nadau creat en 1973 e l’autor de las lors prumèras cançons, un companhatge qui’s continuarà tot de long de la lor carrièra. Autor poligrafe, la soa òbra qu’ei tanben literària : pèças de teatre (S’aví savut, Lo crit do còr, L’Alemanda…), poèmas (La Mar de Corintia…).

 Descobrir l'intervencion de Gilbert Nariòo a l'emission Escrivans ací.

PRESENTACION

La vita e l'òbra de Simin Palay contadas en musica. Aqueth espectacle qu'ei gessit de l'encontre enter ua cercaira e lo darrèr petita hilha deu felibre bearnés Simin Palay. Patricia Heiniger-Casteret, etnològa, e Anne-Marie Palay-Fauthoux, professora de basson, acompanhada de musicians, que presentan los tèmas màgers qui an estructurats la vita d'aqueth artisan de la lenga d'òc, vadut en Bigòrra avent realizat la soa òbra en Bearn. Quate tablèus entercopats de cants e pèças de musica compausadas peu felibre qu'abòrdan los punts salhint de la soa biografia, deus sons escriuts dens Reclams e de la soa concepcion de la lenga.

Patricia Heiniger-Casteret, mèsta de conferéncia en etnologia, au laboratòri ITEM (UR-3002) de l'Universitat de Pau e deus País d'Ador. Especializada sus la literatura orau, lo teatre popular e lo patrimòni culturau immateriau, las soas recèrcas que pòrtan mei precisament sus las practicas popularas e las lors patrimonialisations.

Especialista deu conte gascon, qu'obsèrva los espacis navèths deu conte contemporanèu amator e professionau, las soas recèrcas que'u mia qu'a costejar las experiéncia deu centre d'Euròpa e d'America deu nòrd. Qu'ei référente dens lo maine de l'inventari deu patrimòni culturau immateriau tribalhant regularament dab lo ministèri de la cultura e de las institucions entà la sauvaguarda deu PCI.
Que s'esfòrça de practicar ua antropologia deu pròche virada cap tà la societat civila, sensibla a las expressions locaus.

Sèrgi Javaloyès, escrivan d’expression occitana e francesa, tanben cronicaire, que perpausa ua introduccion a l’òbra de Bernat Manciet : non pas lo punt de vista d’un cercaire, mes lo d’un escrivan qui’u deu hèra e mei qu’aquò !


Aquera prosejada sensible, sus l’òmi e l’escrivan Manciet, que desvolòpa l’idea de la geologia de l’òbra de l’autor : l’enradigament deu mainatge a l’escòla de Sabres, la lenga de segur de la soa bona mair e deu pair, tanben lo sons estudis e lo son parcors en Alemanha au senh de la 2au DB e com diplomata. Tanben, lo son investiment prumèr en lo felibritge bearnés e gascon – las soas relacions a Simin Palay e Miquèu de Camelat – puish la soa adesion a l’occitanisme dens l’I.E.O.
Que disera tanben l’òmi qu’a conegut de noveme de 1998 dinc a la soa despartida lo 27 de mai de 2005, quin Manciet vivè a Trensac e quin escrivè, quin geriva la revista Òc dab l’equipa animada peu Joan Pèire Tardiu.


Enfin, la specificitat de la soa òbra « continent » dab los archipèls e islas com per exemple las soas prestacions sus l’empont d'Usèsta dab Bernat Lubat o dab un grop de ròc.
Tot aquò en presentar mei d’un exemple : Accidents reclams rimbaldians e alucinats de l’Alemanha avalida e copabla de la Shoah; L’Enterrament a Sabres dont lo reclam francés ei Le Triangle des Landes o l’auta epopèa Lo Brec, Le Golfe de Gascogne.


La conferéncia que’s hara en francés.