Explorar los documents (998 total)
La còla del CIRDÒC - Institut occitan de cultura vos propausa una edicion inedita de son catalòg novèl de la creaccion occitana amb una seleccion dels nòstres còps de còr demest las darrièras parucions DVD, CD, libres… e tanben qualques doçors, per festejar en familha un Nadal en òc.
Bona lectura e bonas fèstas !
Emission del 24 de novembre de 2020
Peisses e pescaires a l'estanh de l'Airòla
A Grussan anam au rescontre d'òmes afogats de pesca, lei pescaires de l'estanh de l'Airòla.
Dins lo vilatjon dei cabanas de pescaires, a riba de l'estanh partisson cada jorn amb sei "betons" sus leis aigas gaire prigondas. Sòlas, doradas, lops e anguilhas son vendudas sus plaça cada matin, d'ora.
Amb l'entrevista de tres pescaires vesem coma s'organiza aquela pesca particulara, amb lo partage deis aigas tirat au sòrt a la Prodomiá. Nos esplican lo fonccionament dei fielats que fabrican pendent l'ivèrn quand fai tròp frèsc per pescar. Una vida pròcha de la natura, un rescontre bèu.
Un reportatge de Lisa Gròs.
[resumit de Tè Vé Òc]
Emission del 18 de novembre de 2020
Lo Pònt de Gard : environament
Nautrei vos prepausam una seria de tres emissions consacradas au famós pòrta-aiga roman, e mai particularament a l'entorn dau pònt qu'encamba la ribièra Gardon, a Vèrs-Pont-de-Gard. Tres reportatges, tres punts d'analisi, en companhiá d'Evalisa Faïssa, secretària de l'associacion « L'Académie Pont du Gard », qu'a respondut a nòstrei questions. Dins aquesta tresenca e darrièra partida, nos alanguissarèm sus l'environament dau Pònt de Gard. Sabiatz-vos que la gardonada de 2002 faguèt descubrir çò que podiá èstre un pòrt roman pròche lo monument ?
Un reportatge d'Amada Cròs.
[resumit de Tè Vé Òc]
Brees, Aimé
Dix-septième épisode des Cronicas etnobotanicas.
Mâle / femelle dans le concept populaire.
Après la description botanique des systèmes de reproductions des plantes, Josiane Ubaud propose une approche sociale de la différenciation des genres, qui en a influencé leur désignation...
Leclair, Yves. Traducteur
Après lo succès encontrat per la soa revirada de las Chansons pour un amour lointain de Jaufre Rudel, Yves Leclair qu’amassa ací un florilègi susprenent cuelhut dens l’òbra poetica de Pèire Cardenal. Ne s’i trobarà pas ací las convencionaus cançons d’amor, mes satiras de la nosta Nau deus hòus : pr’amor, tad aqueth trobador, ce precisa enqüèra lo traductor au son prefaci, ne s’ageish pas mei de « plan díser, plan cantar », « colorar », « fénher », « laudar », « daurar la [so]a canta », mes de « l’ordir » e de la « téisher » de « mau díser ». Dens la « transposicion » ritmada d’aqueras cançons satiricas e lo constant respècte deu sens medievau, Yves Leclair que prèsta la soa votz de poèta contemporanèu au trobador mei anticonformista e que’u hè hèra pròche de nosautes.
Emission del 10 de novembre de 2020
Lo musèu Albert André (1era partida)
Anam au còr d'una ciutat gardesa, a Banhòus de Cese. Es aquí que podèm trobar lo musèu Albert André, lo promier musèu d'art modèrne nascut en defòra de París. Dins lo bastiment de la comuna, au segond estanci, pas mens de 8 salas son consacradas a l'art : pinturas, esculturas, dessenhs e porcelanas son expausats per epòca e contèxte artistic. Nautrei vos convidam an' una visita guidada en doas partidas, menada per Elian Cellier, professor d'istòria e president de l'associacion "Les Amis d'Albert André". De notar que nòstrei entrevistats èran pas mascats unencament lo temps de respòndre a nòstrei questions, e que Tè Vé Òc faguèt son rodatge en seguissent la reglementacion impausada per la comuna de Banhòus.
Un reportatge d'Amada Cròs.
[resumit de Tè Vé Òc]
« En Bearn, la questalitat qu’ei ua condicion serviu legau qui a succedit, au sègle XIIIau, a un long periòde de dependéncias mauprecisas.
Per aquò, en aqueste libe, que s’i demònstra que lo questau n’estó pas lo qui’s cred. Qu’estó, au còp, sosmetut aus nòbles e pròche d’eths. Qu’abans de vader un èste mesprisat, qu’estó longtemps un « senhor » domestic cranhut e respectat. Qu’en definitiva, qu’estó un notable, atrapat per l’istòria, esfaçat com tau de las memòrias, mes qui a deishat ua emprenta duradissa dens los nostes paisatges.
En desvelant lo hat estonable deus questaus, aqueth libe qu’invita a descobrir dab ua lutz navèra l’istòria sociau deu Bearn medievau e a córrer dab un espiar navèth ua tropa de vilatges deu Bearn actuau. » - Marrimpouey
Tà’n saber mei
Tà'n saber mei
PRESENTACION
Al cap del camin, lo combat ultime espèra a las doas aventurièras. Ensemble, amb los espectators, ensajaràn de far ganhar la Reina de Carnaval contra lo Quaresma... e çò que deurà arribar, arribarà ?
La prima !
Un dorsièr pedagogic es disponible pels ensenhaires que desiran programar l'espectacle : AQUÍ
CONFERÉNCIA BURLESCA D'INTERÈS OCCITAN, QU'ES AQUÒ ?
Objectius :
EQUIPA ARTISTICA
FICHA TECNICA
CONTACTE DE DIFUSION
Emission del 30 de setembre de 2020
La passejada del Cocut
A Calvisson, situada dins la plana de "La Vaunaja" pròche Nimes, Bernart Carrière nos acompanha dins una bèla caminada apelada "La passejada dau cocut". La preséncia de parets de pèira, de capitèlas, d'una sòrga, e de sites arqueologics li vai permetre de nos esclairar un pau mai sus l'istòria, e l'economia rurala d'un passat mai ò mens luenchenc d'aqueu polit caire de garriga.
Un reportatge de Marc Carteyrade.
[resumit de Tè Vé Òc]