Explorar los documents (2172 total)

Retouch_D. Frossard Sauts Hestivòc 2018 DSC_2815 (F).jpg
Los Sauts qu'ei ua familha de danças emblematica qui Bearn partatja dab los sons vesins bascos. Iniciaument practicada peus òmis dispausats en cercle e evoluant dens lo sens invèrse de las agulhas d'ua mòstra, aquera dança aus encadenaments motors complèxes que's distingueish d'un aute costat peus sons contèxtes de proessa a hòrta dimension cérémonielle o de representacion de la comunautat.
Si la tradicion deus Sauts a pas coneishut d'interrupcion irreversibla en Bearn, la soa transmission despuish las annadas 1980 e la soa practica contemporanèa dens “la societat deus lésers” qu'interrògan necessàriament tà çò deus sons fondamentaus e au son aviéner.
Dens l'encastre deu son programa d'Etnopòle, lo CIRDÒC - Institut occitan de cultura e los Menestrèrs Gascons que'vs convidan a'n debàter pendent un Cafè Etno, a l'entorn de grans testimònis de la practica e de la transmission deus sauts.
Dab la participacion de Marie-Claude Hourdebaigt (musiciana, collectora e formatora ne dança), Jean-Loup Fricker (elejut, musician e collector), Jean-Claude Arrosères (musician e danseur, formator e collector), Matiu Dufau (ensenhant de musicas tradicionaus) e Joan-Frances Tisner (compositor e musician).
La discussion que serà seguida d'ua serada cantèra au cafè-libreria Aqueras Montanhas !
vignette_delpastre.jpg
Garae Ethnopôle
CIRDOC - Institut occitan de cultura
UT2J

PRESENTACION

Natanael jos lo figier de Marcela Delpastre, par le duo Canet- Fraysse

Natanael jos lo figier es un convit al cant prigond, del biais universal e tan particular de Marcela Delpastre. Los artistas conjugan lor votz per balhar vida al tèxte, e desrevèlan aital, sa musicalitat naturala. Es la pulsacion del còr, la de la borrèia, que pòrta las vses entre tèrra e cèl, coma per un cant primièr, indian o lemosin. 

Un eveniment en partenariat amb lo GARAE e l’UT2J, dins lo quadre de las jornadas d’estudis Marcelle Delpastre, une femme-monde - 23-25/10 a Tolosa e Carcassona. 

INFORMACIONS PRACTICAS

GARAE Ethnopôle : 04 68 71 29 69
Adreça : 53 Carrièra de Verdun, 11000 Carcassona
vignette_la_canso.jpg
La Nouvelle librairie sétoise
CIRDOC - Institut occitan de cultura
Ceucle occitan setòri

PRESENTACION

En 2018, los artistas Félix Jousserand, Gilles Coronado e Christophe Lavergne, s'atelavan a una reinterpretacion de la Canso de la Crozada dins la mira de faire ressonar de nòu aquela epopèia medievala, tèxte emblematic de la literatura occitana del sègle XIII. 

La creacion a dempuèi fait l'objècte d'una edicion al format libre-disc en cò de Au diable Vauvert que vos serà presentada en musica al cors de la serada. 

INFORMACIONS PRACTICAS

La Nouvelle librairie sétoise : 04 67 74 43 21
Rdv donat a la Baleine rouge per la serrada - 5 Quai Adolphe Merle, 34200 Seta
vignette-JEP.jpg
CIRDOC - Institut Occitan de Cultura
CERC - centre de creacion musicau

Dissabte 21 de seteme :

• de 14h a 18h : Mustra Mila ans de cultura.

La mustra « Occitània Millenària » que’vs prepausa ua descobèrta deus periòdes, deus territòris e de las manifestacions vivas constitutius - dab tant autas - de la rica diversitat deu patrimòni occitan.
Ua mustra qui declina tres tematicas complementàrias : l’istòria culturau, ua mosaïc d’òbras e los portrèits de personalitats, aqueths dus darrèrs ensembles estant representatius de l’istòria e de la cultura occitanas.
(Comprenem ! 22, rue du Hédas).

Visita deu Lavader e de Lo Parlament.

Lo Parlament qu’ei ua installacion sonòra immersiva installada dens lo lavader deu Hedàs, a Pau. Que hè dialògar un continúum sonòra espacializat generat a partir de cantas polifonicas de la tradicion pirenenca e de tractaments sonòres tradusant en musica los comptes-renduts de las sesilhas de l’Amassada nacionau. Simbèu deu ligam entrer ua populacion e los qui la govèrnan, Lo Parlament que questiona lo noste rapòrt aus lòcs de debat e de poder e que’ns convida a prenér temps entà escotar e deishà’s inspirar peu lavader deu Hedàs e la soa istòria.

Talhér de creacion sonòra.

CERC que’vs perpausa de vader los artistas d’un dia en participant a un talhèr collectiu de creacion musicau. Sus la basa d’un collectatge (un archiu sonòr musicau o vocau), cadun que poirà experimentar la recèrca sonòra dab instruments hicats a disposicion que’s pòden modular per efèits. La difusion sus mantuns haut-parlaires que crearà l’espacializacion deu son : ua vertadèra immercion sonòra.

Ubèrt a tots, musicians o non, aqueth talhèr que permeterà en medish temps d’experimentar lo procèssus de creacion d’ua òbra e de compréner lo foncionament de Lo Parlament, l’installacion sonòra immersiva deu lavader deu Hedàs.
Tot public.

(Creem ! 5-7 rue La Fontaine, Pau).

• 14h30 : Randolejada urbana au briu deu Hedàs

Per l'associacion Têtes de Pioche, sus inscripcion.
Prevéder bonas cauçaduras e de l'aiga, durada 2h30.

• 17h : Talhér cantèra

Per Régis Latapie (Aqueras Montanhas, 5-7 rue La Fontaine, Pau).

• 18h30 : Inauguracion de Lo Parlament (Lavader).

• 19h30 : Cantèra

Tot public. (Aqueras Montanhas, 5-7 rue La Fontaine).

Dimenge 22 de seteme :

• de 14h a 18h : Mustra Mila ans de cultura.

La mustra « Occitània Millenària » que’vs prepausa ua descobèrta deus periòdes, deus territòris e de las manifestacions vivas constitutius - dab tant autas - de la rica diversitat deu patrimòni occitan.
Ua mustra qui declina tres tematicas complementàrias : l’istòria culturau, ua mosaïc d’òbras e los portrèits de personalitats, aqueths dus darrèrs ensembles estant representatius de l’istòria e de la cultura occitanas.
(Comprenem ! 22, rue du Hédas)

Visita deu Lavader e de Lo Parlament 

Lo Parlament qu’ei ua installacion sonòra immersiva installada dens lo lavader deu Hedàs, a Pau. Que hè dialògar un continúum sonòra espacializat generat a partir de cantas polifonicas de la tradicion pirenenca e de tractaments sonòres tradusant en musica los comptes-renduts de las sesilhas de l’Amassada nacionau. Simbèu deu ligam entrer ua populacion e los qui la govèrnan, Lo Parlament que questiona lo noste rapòrt aus lòcs de debat e de poder e que’ns convida a prenér temps entà escotar e deishà’s inspirar peu lavader deu Hedàs e la soa istòria.

Talhér de creacion sonòra.

CERC que’vs perpausa de vader los artistas d’un dia en participant a un talhèr collectiu de creacion musicau. Sus la basa d’un collectatge (un archiu sonòr musicau o vocau), cadun que poirà experimentar la recèrca sonòra dab instruments hicats a disposicion que’s pòden modular per efèits. La difusion sus mantuns haut-parlaires que crearà l’espacializacion deu son : ua vertadèra immercion sonòra.

Ubèrt a tots, musicians o non, aqueth talhèr que permeterà en medish temps d’experimentar lo procèssus de creacion d’ua òbra e de compréner lo foncionament de Lo Parlament, l’installacion sonòra immersiva deu lavader deu Hedàs.
Tot public.

(Creem ! 5-7 rue La Fontaine, Pau).

• 14h30 : randolejada urbana au briu deu Hedàs per l’associacion Têtes de Pioche.

Per l'associacion Têtes de Pioche, sus inscripcion.
Prevéder bonas cauçaduras e de l'aiga, durada 2h30.

• 16h : Cluc tindaire Dialògue de honts.

(En associacion dab lo Durango Café ; 16, rue du Hédas).

Rensenhaments : etnopole@oc-cultura.eu
05.59.13.06.40

P1200057.JPG
APRENE
Dins l'encastre del Prèmi literari Calandreta, l'establiment superior de formacion APRENE prepausa per tota l'annada escolara 2024-2025, en associacion amb lo CIRDÒC - Institut occitan de cultura, un cicle de formacion pels ensenhaires consacrat a la literatura de joinesa, e en particular a la creacion d'espleches per perlongar en classa los obratges legits dins l'encastre de la participacion al Prèmi.



Per aquel cicle de 2025, son las tecnicas de l'adaptacion audiovisuala que seràn mesas a l'onor amb la realizacion d'un filme d'animacion en stop motion, talhièr que se pòt tornar faire en classa e que foguèt desvolopat per Eric Lhéritier.

Formacion immersiva en occitan, dobèrta a totes los professionals de l'ensenhament, als bibliotecaris e actors del libre e de la lectura.

Al CIRDÒC - Institut occitan de cultura, sit de Besièrs
De 9h a 16h30
Primièr talhièr lo dimècres 16/10/2024 : adaptacion tècte/lenga amb Florian Vernet ; mesa en votz amb Ives Durand
Segond talhièr lo dimècres 20/11/2024 : ambiant sonòr e musical amb Laurent Cavalié
Tresen talhièr los 29 e 30/01/2025 : rodatge en stop motion amb Eric Lhéritier

Informacions e inscripcions : formacions [a] aprene.org
vignette_liame.jpg
CIRDOC - Institut occitan de cultura

PRESENTACION

En còrs o en provençal, evocant la libertat, la descobèrta de se e de l'Autre, Liza l'Occitana (votz, piano) & Lionel Giacomini (votz, guitarra) acòrdan lors al mormolh delicat d'una guitarra e d'un piano a las sonoritats folk-pop. Un concèrt propausat pel CIRDOC a l'escasença de son tradicional Nadalet, per una serada virada cap a Mediterranèa.


INFORMACIONS PRACTICAS

Lo dijòus 12/12 a 18h30 - CIRDOC (Besièrs)
Adreça : 1 bis bd Du Guesclin, 34500 Béziers cedex 
Infos e reservacions : secretariat@oc-cultura.eu / 04.67.11.85.13.
vignette_larapine.jpg
CIRDOC - Institut occitan de cultura

PRESENTACION 

Musica, cant e art del conte son al programa d'aquela creacion novèla (en cors) de la companhiá Moité-Mitat, a destinacion d'un public joinesa (tre 3 ans). Tùn tùn e acordeon, e tanben rèssas, ferrats, carretas e podadoiras, portaràn aquel elògi de l'art de la culhida e de sas tradicions ancestralas. Lo tot en bilingüa, occitan-francés, coma un jòc de lengatge, portat per la musica de la lenga, de las lengas. Un polit rencontre per descobrir lo païsatge sonòr de nòstras contradas e lor istòria.

L'espectacle, en cors de creacion, serà presentat al public al sortir d'una setmana de trabalh al CIRDÒC (Besièrs).

INFORMACIONS PRACTICAS 

CIRDOC - Institut occitan de cultura, site de Besièrs
1 bis Bd Du Guesclin, 34500 Besièrs

Dintrada gratuita, inscripcion conselhada

Ne saber mai :
Contact  secretariat@oc-cultura.eu / 04.67.11.85.13.

vignette_escrivans2024.jpg
CIRDOC - Institut occitan de cultura
Les Éditions Reclams

PRESENTACION 


Dissabte 12 d'octobre, lo CIRDÒC - Institut occitan de cultura e las edicions Reclams qu'organizan au Musèu de Shalòssa (Monthòrt), l'eveniment ESCRIVANS - ua crotzada d'autors, jornada literària.

Objectius de la jornada :
Aquera jornada professionau destinada aus autors qu'a per mira de sostiéner la creacion literària occitana e har espelir de navèras plumas.
Los autors - confirmats com debutants - qu'accediràn a temps d'escambis e de practicas e que seràn metuts en preséncia d'especialistas e actors deu maine de las letras e de l'edicion.

Aquera navera edicion estarà dedicada a la sciéncia-ficcion. 

Programa : 

Dissabte 12 d'octòbre : 

9h30 : Arcuèlh

9h30 - 09h45 : Obertura de l'edicion 2024 en preséncia dels partenaris de l’operacion ( CIRDOC - Institut occitan de cultura / Reclams / Musèu de la Shalòssa)

09h45 - 11h00 : Intervencion de Pascal J. Thomas : « La sciéncia-ficcion, dinamica de grop e còdis d’un genre literari en evolucion »
11h15 -12h30 : ALCA : l'estatut deus autors e autoras. Quadres, drets e reglamentacion. 
12h30-14h00 : Repais partatjat ofèrt peu CIRDOC - Institut occitan de cultura 
14h15 -15h30 :  Talhèr d’escritura peu Reclams - Liure cors al roman
 
15h30  : Entercambis e bilanç de la jornada 

16h00 : Visita deu Musèu de la Shalòssa (Exposicion Lise Deharme, la femme surréaliste) - Sus inscripcion obligatòria

INFORMACIONS PRACTICAS 

Inscripcion gratuita a la jornada deu 12 d'octòbre (inscripcions obèrtas fins al 20/09 inclús) via lo formulari : abrac.at/escrivans2024 o per mél per cas : s.juan@oc-cultura.eu 

Entà ua presa en carga de las vòstas despensas de desplaçament per Reclams : reclamsedicions@gmail.com  
E per tota question : s.juan@oc-cultura.eu   

Un eveniment organizat peu CIRDÒC - Institut occitan de cultura e las edicions Reclams, e en associacion dab lo Musèu de Shalòssa.
vignette_affiche_hcl34.jpg
CIRDOC - Institut occitan de cultura
Histoire et Culture en Languedoc - 34
L'istòria dels sègles XII e XIII en Lengadòc se presenta coma un miralh a mantuna facieta que s'i passejam dins un intervalle espaciotemporal, e que la vida de Maria de Montpelhièr ne serà nòstre fial conductor.
En efèit, Maria s'inscriu dins lo linhatge de las nautas figuras femeninas occitanas que va d’Almodis de la Marche (1023-1071), comtessa de Barcelona, puèi a Ermengarda, vescomtessa de Narbona (1127-1196).
Als sègles XII e XIII, vesèm se desvolopar un movement occitano-iberic basat sus una dobèrtura culturala e filosofica apelada Convivéncia, pròcha de çò que nomenam a l'ora d'ara : Alteritat.
D'aquela movença naisserà la « Civilization dels Trobadors ».
Convèrsa crozada de Pèire Joan Bernard e d'Alem Surre-Garcia puèi rencontre-dedicàcia de son darrièr obratge "Convivéncia" (Tròba vox, 2024), permetràn d'explorar l'Edat Mejana occitan a travèrs d'una de sas figuras femeninas emblematicas.
Un eveniment en partenariat amb l'associacion HCL34.

PROGRAMA

14h15 : Acuèlh dels participants
14h30 : Presentacion del 17en Rencontre del Patrimòni istoric
Jean-Louis LACROIX President de HCL34, Maguy CHAPOT-BLANQUET
Descobèrta de l'exposicion del CIRDOC " La granda revirada. L'occitan, lenga de traduccions "
15h00 : Convèrsa a l'entorn de " Maria de Montpelhièr (c. 1182-1213), al miralh de la societat dels sègles XII et XIII" amb Pèire Joan Bernard (archivista) e Alem Surre-Garcia (istorian, escrivan)
16h15 : Presentacion-dedicàcia de l'obratge La Convivéncia (Ed.Tròba Vox, 2024) per son autor Alem Surre-Garcia
16h45 : Clausadura de la jornada - refrescaments


INFORMACIONS PRACTICAS

Lo dimècres 9/10 a 14h30 - CIRDOC (Besièrs)
Adreça : 1 bis bd Du Guesclin, 34500 Béziers cedex 
Infos e reservacions : secretariat@oc-cultura.eu / 04.67.11.85.13.
vignette_JOURNEEDESENFANTS_carre.jpg
CIRDOC - Institut Occitan de Cultura
Accents du Sud
La Ciutat

Lo CIRDÒC - Institut Occitan de Cultura que's junta a Accents du Sud e a la Ciutat entà organizar lo Dia deus Mainatges, ua jornada dedicada a las familhas, qui's debanarà lo dimèrcs 10 de julhet, au Hédas, a la Ciutat de Pau.
Totas las animacions que son a gratis.

PROGRAMA DEU DIA

11h a 12h : talhèr descobèrta cant, dança e musica tradicionaus.

Talhèr animat per Thomas Baudoin, entaus 7-11 ans.
Plaças limitadas, sus inscripcion.
La Ciutat, Cerquem !, sala de recepcion.

11h a 17h : jòc de pista.

En autonomia, dab un liberet, partitz a la recèrca d'indicis au bèth hons deu Hédas !
Partença sus la plaça Récaborde.

14h-14h30 : conte musicau.

Conte musicau per Caroline Dufau, a partir de 4 ans.
Ua seria d'istòrias tau public joen, neuridas de l'imaginari occitan pirenenc, entà saunejar, arríder e esmave’s.
La Ciutat, Cerquem !, sala de recepcion.

15h-15h30 : iniciacion dança.

Talhèr animat per Anne-Lise Herbel, a partir de 4 ans.
Plaça Récaborde.

16h-16h30 : conte musicau.

Conte musicau per Caroline Dufau, a partir de 4 ans.
Ua seria d'istòrias tau public joen, neuridas de l'imaginari occitan pirenenc, entà saunejar, arríder e esmave’s.
La Ciutat, Cerquem !, sala de recepcion.

16h30 : vrespèr

Auhèrt per Accents du Sud.

17h-17h30 : iniciacion dança.

Talhèr animat per Anne-Lise Herbel, a partir de 4 ans.
Plaça Récaborde.

17h30-18h30 : scèna obèrta.

Bal trad (sauts, escotisha, masurcà, cercles, valsa...) dab scèna obèrta a tots los musicians !
Sus inscripcion.

18h30-20h : concèrt : Clapàs Band.

La polifonia occitana e lo brass band US que hèn equipa : un coctèl de cultura explosiu !
Au d'aise dens aqueras orquestracions contemporanèas, los aires populars de Lengadòc que retroneishen, Clapàs Band que contan au briu deu concèrt l'istòria a las cent caras d'ua cultura viva, luenh deus clichats regionalistas. Aqui e ara, Occitània pulse au present, viva e esmaventa. Que's passa fremit a l'estransi en duas cròchas e un sospir.
Dab Clapàs Band, la cançon lengadociana b'a lo son orquèstra !

sus 218