Explorar los documents (1129 total)

Un ariçon plan curiós que cèrca lo casau de Menina, pr'amor que n'a entenut a parlar per totas aquestas petitas bèstias qui i demoran o qui coneishen a quauqu'un qui i demora.

Un àlbum tà discutir a l'entorn deu casau, deus diferents actors deu casau, deu legumatge e deus animaus qui ajudan. Lo parat de compréner las relacions ecologicas qui existan en aqueste casau.

Ua creacion CAP'ÒC Illustracion de Cécile Serres

Cicle 2 e 3

Adapt LG : Roland Pécout, Al casal de la Menina
Adapt. LM : Patrick Ratineaud, Au vargier de la Mainin

Fichièrs audio e dralhas pedagogicas

Dins lo libre de racontes que pareis uèi, l’autor nos convida a una passejada dins lo temps, en daissant córrer son imaginacion, en tot rencontrar, de còps que i a, d’eveniments vertadièrs del passat o del present. Dins un biais de dire ric, gaibeja l’umor, l’ironia mas tanben lo seriós quand evòca d’eveniments istorics. Las gravaduras d’Andriu Bonhomme nos porgisson un punt de vista en totala armonia amb los racontes. Aquelas istòrias de colombs, que se debanan per una màger part en Perigòrd, l’autor, tot naturalament, a volgut que fuguèsson reviradas en occitan. Joan-Claudi Dugros l’ajudèt dins aquel pretzfach. Nascut a Cusòrn (Òlt e Garona), Joan-Pau Blot, que demòra en Perigòrd, a escrit de recuèlhs de poesia, e revirat de l’anglés divèrs obratges.

Amb l’abonde de son vocabulari, la bèla culhida de locucions occitanas, de torns populars, d’expressions presas al viu, de provèrbis e de dires, aquel diccionari occitan-francés pòrta plan son nom de Tresaur dels mots. Frucha d’una quista menada al long de desenats d’annadas, Adrieu Lagarda l’a volgut miralh fidèl de la paraula d’Òc. Serà un espleit mannat per totes los que vòlon aprigondir lor coneissença de l’occitan, plan al delà del terrador audenc de Rivèl. Tota la varietat, la fòrça e lo chuc d’una lenga i se manifèstan, a posita de totes los legeires.

Andrieu Lagarda a vodada tota sa vida a l’estudi e a l’ensenhament de la lenga occitana, amb fe e perseverança. Es l’autor d’una òbra occitana abondosa e de granda qualitat : obratges de lexicografia, cronicas, contes pels mainatges, escrits autobiografics, recuèlhs de provèrbis, de devinalhas, de noms de luòcs e de personas, traduccions, collector e editor d’un dels pus polits recuèlhs de contes populars occitans.

Lo CIRDÒC - Institut occitan de Cultura es partenari del projècte PROMETHEUS qu'a per tèma la Fèsta dels Fuòcs dels Solsticis dins los Pirenèus. Aquel projècte es finançat pel programa INTERREG V-A Espanha-França-Andòrra, POCTEFA 2014-2020, programa del FEDER. Recampa pas mens de 8 partenaris : Universitat de Lhèida (cap del projècte), Universitat de Barcelona, Universitat de Perpinhan Via Domitia, Centre Interregional de Desvolopament de l'occitan (Lo CIRDÒC - Institut occitan de Cultura), Generalitat de Catalunya - Departament de Cultura, Govèrn d'Andòrra - Ministèri de Cultura, Conselh Generau d'Aran, Diputació de Lhèida – Patronat de Promoció Econòmica.

Lo 1èr de decembre de 2015, l'UNESCO inscriguèt sus la Lista representativa del patrimòni cultural immaterial de l'umanitat las « Fèstas dels Fuòcs dels Solsticis d'estiu dins los Pirenèus », que concernisson 63 localitats d'Andòrra (3), Espanha (17) e França (34).
D'aquí estant, l'iniciativa del projècte espeliguèt gràcias a la volontat dels portaires de la fèsta e s'es materializada per una candidatura presentada per l'Estat andorran associat als Estats espanhòl e francés. PROMETHEUS resulta donc d'aquela reconeissença e a per tòca de la far evoluïr per l'innovacion transfrontalièra menada dins las universitats e los centres de recèrca.
Son objectiu principal consistís a far conéisser al mai de monde aquela practica gràcias a de produccions de material de formacion e de mediacion, repartidas en dos grands aisses : la creacion d'espleits de formacion inedits al nivèl superior dins lo domeni de l'educacion formala, e la concepcion e lo desvolopament de materials innovants de mediacion dins l'encastre de las Tecnicas de l'Informacion e de la Comunicacion. PROMETHEUS desvoloparà una estrategia comuna e innovanta dins lo sector de las sciéncias socialas, que lo talh n'es a penas entamenat per çò que concernís las fèstas del fuòc dins los Pirenèus, per tal d'enriquir lo patrimòni comun dels tres Estats e facilitar l'activitat de las entrepresas e associacions culturalas del territòri.

FICHA TECNICA 

Una produccion IEO Lemosin, per Pascal BOUDY e Jean-Pierre LACOMBE

Dissabtei 14 d'octobre a partir de 9h30 fins a 17h30 a la Maison Méditerranée des Sciences de l'Homme d'Aís de Provença 

9h30 : Acuelh

10h : Dubertura de la jornada per Joèu Bouc, president de l'IEO dei Bocas dau Ròse- Seccion Frederic Mistral

10h15 : Robèrt Lafont, lo mestièr d'escriure. Claire Torreilles, Universitat Pau-Valéry Montpelhier III. Cercaira

10h45 : Lo ressentit d'una escrivana provençala. Daniela Julien, autritz. 

11h : Robert Lafont : pionier de la sociolingüistica e normalizaire dau provençau. Domergue Sumien, sociolingïista, president dau Conselh de la Lenga Occitana. 

11h30 : Robèrt Lafont, un escrivan dins lo sègle. Extrachs dau filme de Crestian Passuello. 

11h45 : Moment d’escambis amb l’assisténcia

12h. Aperitiu ofèrt per l'IEO

12h30 : Dinnar

14h : Una òbra sens barriera. Miquèu Arnaud, president de l'IEO Provença-País Aupenc-País Niçard

14h15 : Lo teatre de Robèrt Lafont. Andrieu Neyton comedian, metaire en scèna, director dau Teatre de la Mediterranèa de Tolon. 

14h45 : Robèrt Lafont e l'istòria. Felip Martèl, professor emerit de l'Universitat de Montpelhièr. 

15h15 : L'òbra dau lingüista. Patric Sauzet, professor emerit de l'Universitat de Tolosa

15h30 : Moment d’escambis amb l’assisténcia

15h45 : Pausa e refrescaments

16h : L'ambicion intellectuala de Robèrt Lafont tant apasturada de desir. Thierry Offre, autor. 

16h30 : Robèrt Lafont e l'accion politica. Gerard Tautil, expèrt dau movement politic occitanista

17h : Moment d’escambis amb l’assisténcia

17h15 : Conclusions de la jornada per Mederic Gasquet-Cyrus. 

Infos e inscripcions : IEO Provença-Aups-Còsta d'Azur (CREO Provença) : ieopaca@orange.fr / 0681338794 

PRESENTACION

Paul et Virginie pareguèt en 1787. Es lo raconte de la vida de dos joves, abalits per sas maires, dins un canton d'Iscla de França, dicha uèi Iscla Maurici. Al moment que lo mond modèrne s'orienta cap al Racionalisme, ligat a una fisança dins la Rason, e al detriment de las valors estacadas als benfaches de la Natura, Pau e Virginia van mostrar cossi viure en armonia amb ela e portar a son entorn de signes per la defensa de l'egalitat. Fins al moment que las pressions de la societat e de la Glèisa los van desseparar... Aprèp d'estudis d'engenhaire Jacques-Henri Bernardin de Saint-Pierre (1737-1814) foguèt recrutat per lo departament de la Guèrra e mandat dins mantuna mission. La darrièra èra a l'Iscla de França coma engenhaire militar, e d'ont ne traguèt totas sas coneissenças geograficas. De retorn en França en 1770, la vida lo menèt a se ronsar dins l'escritura. Publiquèt sas primièras Études de la Nature en 1784 ont presicava puslèu per una vision globala de l'organizacion de la natura, per sa proteccion e una justa reparticion dels bens, mas tanben per l'egalitat de totes. 
Marc-Andrieu Jullian, nasquèt en 1955 dins un pais de resisténcia que se ditz Cevenas, ont faguèt regent, puèi venguèt conselhièr pedagogic en Lenga e Cultura regionalas. Per son primièr obratge, a volgut revirar un classic de la literatura francesa en occitan lengadocian.