Explorar los documents (5739 total)

Domenge Commet qu’es comedian, palhassa, empontaire e autor de quauquas pèças de teatre.
Vadut dens las Lanas, de familha landesa de pura soca, de tostemps qu’a banhat dens la soa lenga mairau, lo parlar negue.

Quan Ràdio Cap a Cap que li perpausa d’escríver cronicas entad aquesta, dab estrambòrd qu’aderís ad aqueth projècte.

Aquel recuèlh illustrat de dessenhs de la mina de plomb de Jué (d'aquí sont títol) reclaus doas part : doas gròssas dosenas de cançonetas e un bon desenat de retraches en pròsa. Las Chançonetas de ren (lo diminutiu e la negacion afortisson la volontat de se pas tròp préner al seriós) reprenon amb malícia la fòrma e lo ton de las sansonhas popularas, mas rompon d'un biais radical amb los tèmas e los poncius que se poirián esperar d'una « poesia femenina » (s'aquò existís). Son plenas de marridesa e d'esperit (de marrit esperit), un pauc coma aquelas pastorèlas medievalas ont la bergièra repotega sens sal ni òli lo nòble cavalièr que la corteja, en « patés » de segur. Afortisson clar e net lo drech de las femnas a exprimir lor desir sens bescontorn. Auriam tòrt pasmens de las reduire a lor aspècte provocator. Aquelas cançonetas pòdon èsser tanben cançons d'amor sincèr, e mai formulat dins lo lengatge dels simples.

Los Retrachs fotosensibles, son de pichòts contes borlesques, de retraches fantasioses de creaturas imaginàrias, coma lo cameleon poliglòt que pren l'accent de sos entreparlaires o l'epitafografa que redigís amb virtuositat los mots que s'engravaràn sul cròs dels defuntats. La definicion de son quasèrn de cargas fòrma un embrion d'art poetica que benlèu val tanben per la quita poetessa : « Sensibilitat, concision, poesia, veiquí çò que fau per far queu mestièr. »

Las aventuras d’un grope de musicaires tolosans, entre esper, dificultat materiala e tensions relacionalas, en camin per un concors d’interpretacion de las chançons dels Beatles. Lo prumier roman en occitan de Michel Fraysse, en mena de road movie.

A Tots n° 235

Le desir d’èsser maire, la dificultat de la maternitat, las inquietudas de l’educacion entre proteccion e libertat. Lo destin quotidian d’èsser parent. Lo novèl roman de l’autor de « Delai la mar », « Lo barracon », « Un estiu sus la talvèra », etc…

A Tots n° 234

La sala d’espèra d’una gara es tostemps un luòc estranh ont se crosan mantuns destins. Lo rescontre entre dos èssers a las istòrias personalas diferentas los va menar dins un periple azardós semenat de caòs, de revòltas, de mistèris. Lo prumier roman fantasiós, d’Alan Maury.

A Tots n° 236

Lo secret del licièr, Lo silenci de Samuèl, qu’a montat son talhièr de licièr au retorn d’Auchwitz ; Lo soldat de l’Avent, que tòrna de la guerra de 14-18 ; Lo dançaire de las tèrras nautas, que tòrna dins sa familha per la mòrt de son pair. Tres destins, tres novelas per l’autora de A l’ombra dels cerièisses bèles.

A Tots n° 233

EQUIPA ARTISTICA

Nadèta Carita
Virginie Ardaen

FICHA TECNICA

Sus demanda au près de la companhiá Alisade

CONTACTE DIFUSION

Site internet : http://www.alisade.fr/duo.php
Contacte mél : contact@alisade.fr 

Katy Bernard, Mèstre de conferéncia d’occitan, medievista a l’Universitat Bordèu Montaigne, evòca las traças d'Aliénor d'Aquitània e dels seus dins la produccion textuala (de la lenga d'òc e de la lenga d'oïl) de lor temps. Los trobadors Cercamon, Marcabru, Bernard de Ventadour, Bertran de Born e Gaucelm Faidit tant coma los autors anglo-normands Wace, Benoît de Sainte-Maure, Philippe de Thaon e d'autres encara, notadament d'unes membres de la familha d'Aliénor, pintran, cadun a sa manèira, los grands personatges que foguèron, testimoniant per la del raionament de lor poder sus e per los escrits de lor epòca. 

Conferéncia en musica amb Carole Matras. 

EQUIPA ARTISTICA

Carole Matras (cant e arpa)
Katy Bernard (lectura, conferencièra)

CONTACTE DIFUSION

Associacion Syrinx : http://associationsyrinx.free.fr/

A travèrs '' Lo cant de las vacas (Le chant des vaches)'', Séverine Sarrias e Mathieu Lespagnol tornan a las originas del monde. Un monde dins lo qual las vacas e l'Òme son apareguts e se son dispersats sus tèrra. Aquí, los dos artistas celèbran los ligams estreits qu'unisson las vacas e l'Òme dempuèi de millenaris. De mites africans, de contes, de cants tradicionals d'Euròpa e la musica se mesclan per un viatge al còr d'aquels ligams sacrats. Lo ritme lent e pesuc de las vacas acompanha aquela quèsta pivelanta; mentre que los paisatges sonòrs creats pel musician venon sublimar los racontes de la contaira. 

Descobrir per un extrait video : ICI

EQUIPA ARTISTICA 

FICHA TECNICA

Alprès de la companhiá Les Fées du Az’Art

DATAS PASSADAS E A VENIR

CONTACTE DIFUSION 

Una grana es tombada pel sòl… Puèi a butat, crescut e a enfantat un albre… Al cap de las brancas, de las pomas ! Per un camin bordejat de comptinas, de bolegadís del còs, de cançons, didonèlas e musicas, Severina Sarrias e Arnaud Cance propausan de demenar los pichonets dins lo verdièr de l’imaginari. Un conte per partatjar las emocions dels sens, per marmolhar, per descubrir, per se congostar de la vida en revolum d’una poma. Un espectacle per s’esvelhar e venir bèl !

Descobrir per un extrait video : ICI

EQUIPA ARTISTICA 

FICHA TECNICA

Alprès de la companhiá Les Fées du Az’Art

CONTACTE DIFUSION