Explorar los documents (14927 total)

Contributeur : CIRDOC - Institut occitan de cultura

Grégoire Albisetti
Jean-Marc Parayre

PRESENTACION

Un conte de Nadal per tornar trobar lo sens del present.

D'ont ven aquel mantèl roge ? E perqué aqueles presents ? Una istòria d'amistat ponhenta !

“Èra un còp, un òme vièlh que se soveniá... aqueles òmes venguts del freg... lors cants colorats, que van e tornan, coma las annadas... la garança e lors mantèls venguts roges pel trabalh e lo paratge... e sustot los presents extraordinaris que tornavan amb eles... per l'enfant, los enfants, nosautres.»

EQUIPA ARTISTICA

Grégoire Albisetti - contaire
Claude Sève - musician

FICHA TECNICA

Espectacle musical interactiu creat en grépia per l'Aspam-Aude

Public : Adaptable segon l'atge - Especial grépia e mairalas - CP a CM2

Audiéncia : 50 enfants per tèrra sus tapís

Representacions : granda sala, fegal

Tecnica : lum natural, pas de scèna, pas de sonorizacion

Durada : 40 minutas environ (en foncion de l'atge)

CONTACTE DIFUSION

Formulari de contacte sul site de l'artista : www.en-caminant.com

Daniel L'Homond

PRESENTACION

Un void-pusat dins un vilatge del sud, a la nòstra epòca. En i flandrinejant, lo contaire se soven de las amors de sos tretez ans dins lo pusaut del cafè, avec Mithra, son amigueta d'alara.

Los viatges a Montevideo desguisats en agraulas, las crudèlas bagatelas d'una giganta rebombida, los SOS Jòcs de ròtle de l'Enfant Sens Paraulas... Tot un tendre univèrs de subrerealisme a las esséncias d'umor, de poesia... De versants sociologics a las reminiscéncia intimas, VIDE-GRENIER evòca la paraula fondatritz, la sexualitat, la duplicitat de las causas e la persisténcia porpra d'un passat compausat.

Votz prigonda, accent d'Òc, acordeon e cançons vendràn bigarrar lo conte fantastic de L'Homond.

EQUIPA ARTISTICA

Daniel L'Homond : contaire

Regia artistica : Kamel Guennoun

Creacion lum : Georges Mosca

Conselh musical : Marcel Dreux

Agach fertil : Abbi Patrix, Pépito Matéo

Tèxte e scenario : Daniel L’Homond

CONTACTE DIFUSION

Site internet de Daniel L'Homond : https://www.daniel-lhomond.com/
Mél de Daniel L'Homond : albaricoque24@orange.fr

Matthieu Poitevin
Yanira Martinez

PRESENTACION

Per Matthieu Poitevin e Yanira Martinez.

Matthieu Poitevin es nascut a Nimes. Son escritura s'inspira del cinèma, de la cançon, del clip e de la literatura populara. Sustot de la BD. Espèra i mesclar tradicion e modernitat, breçat per la literatura camargaise e classica de d'Arbaud e Galtier mas tanben per las serias americanas de HBO. Ensenha l'occitan-provençal e las Arts Visualas a Orange.

Yanira Martinez : nascuda a Cuba, ela e ensenha en França, a Marselha mai particularament. Es musicològa /etnomusicològa.

INFORMACIONS PRACTICAS

Per mai de detalh o per contactar la conferencièra, s'adreiçar al CIRDÒC - Institut occitan de cultura : info@oc-cultura.eu

Grégoire Albisetti
Jean-Marc Parayre

PRESENTACION

Menar un tropèl es un afar de sensibilitat... lo pastre viatja e lo viatge es anar de se a se en passant pels autres... tot aquò, Celestin lo sap, e apren que tocam l'autre unicament quand se contam... se e sens ambages ! Los sovenirs d'enfança an aquela vertut magica que se partejan...

Quand los pastres de son enfança parlavan pas que la lenga, l'occitan, e li remonta aquela lenga, coma la mar... i a pas res a faire, se cal daissar portar, fins a parar l'aurelha... aquò jòga amb los mots... se beu, se canta... naviga entre las lengas e aquò demòstra que per se comprene cal sonque s'entendre.

EQUIPA ARTISTICA

Grégoire Albisetti - contaire
Jean-Marc Parayre - musician

FICHA TECNICA

Mai de detalhs alprèp de l'artista.

CONTACTE DIFUSION

Formulari de contacte sul site de l'artista : www.en-caminant.com

Olivier Payrat

PRESENTACION

- Les Quatre Troubadours d'Ussel , Los Quatre Trobadors d'Ussel, Gui, Èbles, Peire & Elias.

Concèrt inedit sus aqueles quatre poètas/musicians de Lemosin. Lors vidas, lors debats, lors cants...

- Lemosin, terra dels trobadors ! Limousin, terre des troubadours !

Un concèrt de cançons e d'istòrias, prepausant un larg ventalh de poètas/musicians "lemosins" dels sègles XIIe e XIIIe, qui se presentan torn a torn dins un òrdre cronologic d'aparicion.

- Lo Monge de Montaudon e los Trobadors dau Carlades

Concèrt ; las cançons del monge de Montaudon, monge e trobador ! Lo monge de Montaudon èra originari d'Auvèrnhe, d'un castèl que s'apelava Vic e qu'èra près d'Aurilhac...

Completadas per las poesias dels trobadors e trobaritz del Carladés.

FICHA TECNICA

Ficha tecnica al près de l'artista.

CONTACTE DIFUSION

Site internet de l'artista : https://www.olivier-payrat.com/contact/

Daniel Chavaroche

PRESENTACION

Per capitar una bona racontada, se cal una punhada de bonas istòrias, plan marinadas dins lo fons del païs. Prenètz pas la del dessús, son las del tot-venent que demòran totjorn un pauc insipidas, mas anètz puslèu quèrre las d'en-dejós qu'an conservat lo tast del salvatge (evitatz pasmens de rasclar lo fons del païs, retirariatz la jaça protectritz e aquò vos tirariá lo gost de revienzy!)

I mesclatz un zèst de contes e de legendas. Apondètz, tant qu'i sètz, un gròs pecic de meravilhós, d'extraordinari o d'estranh per qué la sabor persistisca dins l'esperit e que l'emocion s'exala a vòt.

Oblidatz sustot pas, una bona esquinada d'umor e quitament una gròssa gisclada de franca arridèra cada còp qu'es possible. Remenatz plan fins al bolh lent dels sovenirs et dels sentiments aclapats dins las memòrias.

Servissètz tranquillament a de convidats pas tròp nombroses e, se possible, venguts per aquò. Atencion ! La Racontada supòrta pas l'industrial, l'elevatge en batariá o la produccion intensiva : son autenticitat residís forçadament dins lo còp de pata de l'artisan.

La Racontada, es un mescladís d'istòrias de país, del mieu, lo Peiregòrd Negre, lo del Sarladés, de Las Caums, de Dordonha e de Vesera. Mas se poirriá plan, al fons, que sembla un pauc al vòstre...

D'istòrias pels grands e pels mai joves. I contarai los trobadors, los paisans, los gabarièrs, los crocants... Vos poiriái faire encontrar las bèstias qu'an causat nòstras paurs d'enfants : lo lop, l'ors o la dama blanca...

Oblidarai pas de vos faire visitar qualques unas de nòstras legendas las mai estranhas : lo leberon, la sauça-vièlha, lo coulobre e la caça-volanta... Vos propausarai quitament, siam pas avars, de vos iniciar al monde del rugby en qualques bonas istòrias viscudas, lo rugby dels camps, plan segur, pas lo dels milionaris d'uèi, pas lo de los que ne fan mestièr... de temps en temps.

En brèu, m'adaptarai a çò que sètz, a çò qu'esperatz, fosigarai dins ma biaça a istòrias e seriá plan lo drac s'arribi pas a vos atrapar ! »

FICHA TECNICA

Ficha tecnica (a precisar aprèp contacte)

Durada : 1h30

Public esperat : public d’adultes (amb enfants tanben)

Espaci scenic :

Distància al public : 3m al minimum.

Scena bassa o estrada.

Ridèl de fons negre.

Eclairatge e sonorizacion : (de precisar)

Albergament : a mai de 200 km, repaís e dormida

CONTACTE DIFUSION

Site internet de l'artista : https://danielchavaroche.jimdo.com/

Daniel Chavaroche

PRESENTACION

«… L'OSTALARIÁ de las PLATANAS, o podètz encara veire uèi, al cap del vilatge, perdut al mièg d'un lotejament d'ostalets d'estil neoprovençal entornejats cadun de lor sèga de thuyas…

De las platanas centenàrias, ne demòra pas mai que dos qu'an subreviscut a las particulas finas, al cranc colorat o a las trencadas d'enterrament de la fibra optica… »

Aquò, es la debuta del conte...

… e a partir d'aquí, pendent cinc istòrias, anatz èsser co-carrejats dins lo raconte d'un sègle de vida d'aquel vilatge de Peirigòrd. Coma de vièlhs amics frescament retrobats, reconeisseretz atal divèrses personatges, totes tanben granats los unes que los autres.

Ponch de partença del prepaus, fin XlXe sègle : Augustin lo vinhairon e son testament incongrú, conclús pendent un estranh mercat amb la Fantine.

Linette, la jove cantaira de bal popular iniciadoira del dancing dominical, Lo Dancing de las Platanas que coneguèt sas oras de finfa abans-guèrra.

Amédée Tremolet, legionària de Dièn Bièn Phu, vengut charcutièr-coregraf especialista de las revistas indo-chinesas del temps, dins son cabaret : Los Delicis de Saigon.

Lucie, jove proprietari del cinèma rural animat pels oestèrns americans de las annadas 1960 que los eròis permeton a Gotfried, lo mainatge salvatge, de dominar son terrible andicap.

Michel Dubroc, perdut dins sas malparadas immobiliàrias de parisenc conquistaire, vengut lo creator improbable de l'Ostalariá-Restaurant de las Platanas e que serà victima de la terribla prediccion d'Augustin…

Daniel Chavaroche vos mena atal pel cap del nas, de l'emocion al rire, per las peripecias de son raconte.

EXTRAITS VIDÈOS

Descobrir l'espectacle en vidèo : aquí

CONTACTE DIFUSION

Site internet de l'artista : https://danielchavaroche.jimdo.com/

Daniel Chavaroche

PRESENTACION

Es un enterrament de l'annada de 2000 que Daniel Chavaroche nos convida a seguir, lo de Zéphirin Calmont paisan, ancian resistent combatent, que se morís a la velha de sos 80 ans. Alara darrièra lo corbilhard inesperat, seguiretz MOI (de prononciar moy), lo can de Zéphirin.

Vos farà conéisser los del masatge de Canteloube, mas tanben los autres : Jaufré, lo cantonièr-fossaire, Kéké lo colhonet comun, Ricou, lo paisan reconvertit, los Neos (rurals), Méline al veusatge fricaud, Pelhhou lo tavernaire e en fin de cortègi, los Refusaires que se convidan coma qui de dreit... als obsèquis de Zéphirin Calmont, es un païs qu'enterram...

Mas sabètz plan, a l'enterrament lo mai trist esclatan los rires estofats lo mai devastators. Aquel escapa pas an aquela marrida costuma.

EXTRAITS VIDÈOS

Descobrir l'espectacle en vidèo : aquí
"Le C15 corbillard" extrait de l'espectacle Ceux de Canteloube per Daniel Chavaroche

CONTACTE DIFUSION

Site internet de l'artista : https://danielchavaroche.jimdo.com/

CIRDOC - Institut occitan de cultura
La Rampe - TIO
Association Cròca-Luna

NOÙ#1, son 4 jorns de teatre francament viù, pels pichons e los grands ! Del 4 al 7 d'octòbre de 2023 a Sant Africa, amb Cròca-Luna e La Rampe-TIO, descobrissètz la creacion occitana a travèrs d'espectacles excepcionals, accessibles a totes e a totas. Lo detalh de la programacion es de retrobar dins las paginas d'aquel tirat a despart. La bilhetariá es dobèrta en linha aquí.

Qu’es aquò, Tè! ?

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian.

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat.

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).

Consultar lo primièr numèro del catalòg Tè! en linha : AQUI

Bona lectura e bona immersion !

Liste des contenus et services mis à disposition des porteurs de projet Total Festum

Juan, Sandra

Ficha de presentacion dels contenguts e servicis proposauts als actors culturals pel CIRDOC - Institut occitan de cultura per fin de los acompanhar dins lo montatge de lor eveniment.