Explorar los documents (55 total)

preview_LGO-20210106.jpg
La sanha en Camarga - Tè Vé Òc
Cros, Amy. Metteur en scène ou réalisateur

Emission del 06 de genièr de 2021

La sanha en Camarga

La sanha es lo nom donat au rosèu comun, que trobam aquí en Camarga. Fins qu'a quauquei decenias encara, lo mestièr de sanhaire contribuissiá pron a l'entreten dei paluns. De'n promier ambé son otís lo « sanhador » copava a la man la sanha, puèi son arribats lei motocultors e lei maquinas a partir deis annadas 60. Nautrei avèm rescontrat Andrieu Calba, sanhaire amb una lònga experiéncia, per nos faire una demostracion de copa de sanha a la man, coma a passat temps. Puèi dins una entrevista, veiretz tota la complexitat d'aquel ecò-sistèmi de tria que representan lei paluns, e l'economia verda que i'es restacada.

Un reportatge de Jaumelina Bizet e Amada Cròs.

[resumit de Tè Vé Òc]

vignette_LGO-20201223.jpg
Lo Nadal occitan de Montpelhièr - Tè Vé Òc
Lapierre, Michèle. Metteur en scène ou réalisateur
Lapierre, Patrick. Metteur en scène ou réalisateur

Emission del 23 de decembre de 2020

Lo Nadal occitan de Montpelhièr (emission enregistrada en 2019)

Lo temps de Nadal se sarra, amb el, la costuma de far clantir los Nadalets. Autres còps se campanejava dins mantunas villòtas. Mas uèi, se trelhonan pas dins los cloquièrs. Pasmens, la costuma populara de cantar demòra e la corala de Sant Guilhem fa viure aquela tradicion. Claudia Goinguenet, guida conferencièra de Montpelhièr, aguèt l’idea de mesclar passejada dins la vila del passat occitan e cants de Nadal. Una capitada per descubrir lo patrimòni nòstre.

Un reportatge de Miquèla e Patric Lapierre.

[resumit de Tè Vé Òc]

vignette_LGO-20201216.jpg
Lo musèu Albert André (partida 2) - Tè Vé Òc
Cros, Amy. Metteur en scène ou réalisateur

Emission del 16 de decembre de 2020

Lo musèu Albert André (partida 2)

Anam au còr d'una ciutat gardesa, a Banhòus de Cese. Es aquí que podèm trobar lo musèu Albert André, lo promier musèu d'art modèrne nascut en defòra de París. Dins lo bastiment de la comuna, au segond estanci, pas mens de 8 salas son consacradas a l'art : pinturas, esculturas, dessenhs e porcelanas son expausats per epòca e contèxte artistic. Nautrei vos convidam a la seguida de la visita guidada menada per Elian Cellier, professor d'istòria e president de l'associacion "Les Amis d'Albert André". De notar que nòstrei entrevistats èran pas mascats unencament lo temps de respòndre a nòstrei questions, e que Tè Vé Òc faguèt son rodatge en seguissent la reglementacion impausada per la comuna de Banhòus.

Un reportatge d'Amada Cròs.

Les artistes présentés dans ce reportage sont :

Jacques Martin « Rapin le chat »
Louis Carrand « Vue de Lyon »
Albert André « La belle endormie »
Albert André « Au jardin »
Albert André « Albert André à son chevalet »
Jacqueline Bret André « La Place Pigalle au crépuscule »
Michel Rodde  « Les cascades du Sautadet »
André Cottavoz « Portrait de ma mère »
Pierre Cayol «  Rochefort du Gard »
Bernard Lorjou « Le chapon des Abbesses »

Un reportatge d'Amada Cròs.

[resumit de Tè Vé Òc]

preview_LGO-20201209.jpg
Lo dolmèn de Russòl - Tè Vé Òc
Gros, Lise. Metteur en scène ou réalisateur

Emission del 9 de decembre de 2020

Lo dolmèn de Russòl

Dins lo Menerbès vos menam a la descubèrta dau dolmèn de Sant Eugèni a Russòl. Aquela necropòla dau neolitic es una meravilha, e au mens 300 personas i fuguèron mesas après sa mòrt. Joan Guilaine, arqueològ renomat nos presenta aquel monument, son istòria e leis objèctes trobats dins la tomba.

Un reportatge de Lisa Gròs sus una prepausicion de Danielle Sarran.

[resumit de Tè Vé Òc]

vignette_LGO-20201202.jpg
Lo Lingàs tèrra de legendas e brèç dei Ròcafuèlh - Tè Vé Òc
Gravier, Michel. Metteur en scène ou réalisateur

Emission del 02 de decembre de 2020

Lo Lingàs tèrra de legendas e brèç dei Ròcafuèlh

Lo Lingàs es una region misteriosa dei Cevenas, que reculhiguèt fai longtemps una familha ; instalada au sègle 7en dins un dei sites lei mai fèrs d'aqueu vaste planestèu. Puèi eissemèt dins Occitània tota, e au delà, devèrs la Catalonha meridionala. Aliada amb lei familhas lei mai grandas d'Euròpa e mai particularament amb lei Guilhems de Montpelhièr, puèi de Jaume 1er d'Aragon, nebot d'un Ròcafuèlh, que partiguèt amb eu per la reconquista.

Un documentari de Miquèu Gravier.

[resumit de Tè Vé Òc]

vignette_55783.jpg
Peisses e pescaires a l'estanh de l'Airòla - Tè Vé Òc
Gros, Lise. Metteur en scène ou réalisateur

Emission del 24 de novembre de 2020

Peisses e pescaires a l'estanh de l'Airòla

A Grussan anam au rescontre d'òmes afogats de pesca, lei pescaires de l'estanh de l'Airòla.
Dins lo vilatjon dei cabanas de pescaires, a riba de l'estanh partisson cada jorn amb sei "betons" sus leis aigas gaire prigondas. Sòlas, doradas, lops e anguilhas son vendudas sus plaça cada matin, d'ora.
Amb l'entrevista de tres pescaires vesem coma s'organiza aquela pesca particulara, amb lo partage deis aigas tirat au sòrt a la Prodomiá. Nos esplican lo fonccionament dei fielats que fabrican pendent l'ivèrn quand fai tròp frèsc per pescar. Una vida pròcha de la natura, un rescontre bèu.

Un reportatge de Lisa Gròs.

[resumit de Tè Vé Òc]

vignette_LGO-20201118.jpg
L'environament del Pònt de Gard - Tè Vé Òc
Cros, Amy. Metteur en scène ou réalisateur

Emission del 18 de novembre de 2020

Lo Pònt de Gard : environament

Nautrei vos prepausam una seria de tres emissions consacradas au famós pòrta-aiga roman, e mai particularament a l'entorn dau pònt qu'encamba la ribièra Gardon, a Vèrs-Pont-de-Gard. Tres reportatges, tres punts d'analisi, en companhiá d'Evalisa Faïssa, secretària de l'associacion « L'Académie Pont du Gard », qu'a respondut a nòstrei questions. Dins aquesta tresenca e darrièra partida, nos alanguissarèm sus l'environament dau Pònt de Gard. Sabiatz-vos que la gardonada de 2002 faguèt descubrir çò que podiá èstre un pòrt roman pròche lo monument ? 

Un reportatge d'Amada Cròs.

[resumit de Tè Vé Òc]

vignette_LGO-20201110.jpg
Lo musèu Albert André (1era partida) - Tè Vé Òc
Cros, Amy. Metteur en scène ou réalisateur

Emission del 10 de novembre de 2020

Lo musèu Albert André (1era partida)

Anam au còr d'una ciutat gardesa, a Banhòus de Cese. Es aquí que podèm trobar lo musèu Albert André, lo promier musèu d'art modèrne nascut en defòra de París.  Dins lo bastiment de la comuna, au segond estanci, pas mens de 8 salas son consacradas a l'art : pinturas, esculturas, dessenhs e porcelanas son expausats per epòca e contèxte artistic. Nautrei vos convidam an' una visita guidada en doas partidas, menada per Elian Cellier, professor d'istòria e president de l'associacion "Les Amis d'Albert André". De notar que nòstrei entrevistats èran pas mascats unencament lo temps de respòndre a nòstrei questions, e que Tè Vé Òc faguèt son rodatge en seguissent la reglementacion impausada per la comuna de Banhòus.

Un reportatge d'Amada Cròs.

[resumit de Tè Vé Òc]

vignette_LGO-20201104.jpg
La Comba dei Mòlas (Nages) - Tè Vé Òc
Carteyrade, Marc. Metteur en scène ou réalisateur

Emission del 04 de novembre de 2020

La Comba dei Mòlas (Nages)

A Nages, la comba dei mòlas, a passat temps cultivada en nombroseis olivetas, es vuei envasida per la garriga. Bernat Carriere nos explica lei rasons d'aquela mudacion. Nos permet tanben e subretot, de descubrir l'òbra grandassa realizada per lei cultivators de l'epòca, que la tòca èra lo manten de la tèrra, en mestrejant lo rabinament provocat per lei fòrtei plueia.  

Un reportatge de Marc Carteyrade.

[resumit de Tè Vé Òc]

vignette_LGO-20201028.jpg
Lo Salin de Grussan (Aude) - Tè Vé Òc
Gros, Lise. Metteur en scène ou réalisateur

Emission del 28 de octobre de 2020

Lo Salin de Grussan

Au pè dau massiu de la Clapa, pròche Narbona,  enrodat per la mar e l’estanh de L’Airòla en plen mitan dau Pargue naturau regionau de la Narbonesa. Lo Salin de l’iscla Sant Martin s’estira sus 400 ectares au bòrd dau vilatge de Grussan. Una visita a pè a riba dei taulas salantas permet de descubrir lo trabalh dei saunièrs, leis installacions creadas per faire viure lo Salin : l’ecòmusèu de la sau, botiga, restaurant e visitas guidadas. Es dubert tota l’annada  e i avem rescontrat lo mèstre saunièr, senhèr Gabanou que ne fai la gestion.

Un reportatge de Lisa Gròs.

[resumit de Tè Vé Òc]

sus 6