Explorar los documents (135 total)

vignette_LGO-20220907.jpg
Bèstias d'aicí amb Matieu Irondèla - Tè Vé Òc
Gros, Lise. Metteur en scène ou réalisateur

Emission del 7 de setembre de 2022

Faguèrem conèissença amb lo Matieu Irondèla, coma  musician e creator d'instruments, ara es coma videaste especial que lo presentam.

Amb son filh, Matieu faguèt la captacion d'imatges sus los animaus salvatges en Corbièras. Nos esplica coma aquò nasquèt e coma contunha la descuberta de las bèstias, de jorn e de nuèch. Nos presenta son material e  la mesa en plaça de la pèira de sal que los fai venir davant l'objectiu. Descubrirètz aquels plans amb plasèr.

Un reportatge de Tè Vé Òc.

[resumit de Tè Vé Òc]

vignette_LGO-20220727.jpg
Sextine per lo país d'Òc
Gros, Lise. Metteur en scène ou réalisateur

Emission del 27 de julhet de 2022

Accion menada per l'IEO d'Aude e l'Universitat de Tolosa (professor Jean-François Marcel), aquela Sextina se prepausèt de menar de refleccions sus la poesia d'Òc.

Participèron 6 poètas o autors : Paulina Kamakine, Eliane Pignol, Miquèla Stenta e Eric Fraj, Alan Roch  e Gerard Zuccheto. Didièr Mir fotograf e plastician cubriguèt l'eveniment e seis òbras illustraràn lo libre que sortirà en setembre. Tres autrei professors d'Universitat participèron tanben.

TèVéÒc filmèt l'integralitat de l'accion e aquò servirà puèi ai professors per un trabalh amb seis estudiants.

Un reportatge de Tè Vé Òc.

[resumit de Tè Vé Òc]

vignette_LGO-20220713.jpg
11en festenau Rescontre 2022 - 10 ans de Tè Vé Òc
Gros, Lise. Metteur en scène ou réalisateur

Emission del 13 de julh de 2022

TèVéÒc organizava en 2022 son 11en Festenau RESCONTRE a la mediatèca de Marguerittes  30320 e festejava sei 10 ans. Lo public precejèt fòrça lo programa : clips, filmòts venguts dei quatre cantons d'Occitania.

Un moment fòrt amb l'ajuda de la Comuna de Marguerittes e dau personau de la mediatèca. Aguèrem l'astre d'aculhir una còla dau Sud Oest, amb entre autrei lo president de l'OPLO. Vaquí quauquei moments d'aquel festenau.

Un reportatge de Tè Vé Òc.

[resumit de Tè Vé Òc]

vignette_LGO-20220720.jpg
Lo Museon arlaten, Partida 1 - Tè Vé Òc
Lapierre, Patrick. Metteur en scène ou réalisateur

Emission del 20 de julhet de 2022

Lo Museon arlaten

En Arle lo Museon torna dubrir après 11 annadas de barradura.  Creat per Frédéric Mistral, es classat monument istoric e sa restauracion es remirabla. Lei colleccions presentan 38 000 objèctes e fotografias preciós que son de testimoniatges sus la Provença dau sègle 18 au sègle 21. La visita es guidada per Genviève Pinet-Roux e es fòrça rica. Una segonda partida seguirà lèu.

Un reportatge de Miquèla e Patric Lapierre.

[resumit de Tè Vé Òc]

Lo Museon arlaten, partida 2

vignette_LGO-20220706.jpg
Rescontres de Salinèla 2022 : extrachs - Tè Vé Òc
Gros, Lise. Metteur en scène ou réalisateur

Emission del 6 de julhet de 2022

Los rescontres de Salinèlas 2022 an recampats los amoroses de l'occitan a l'entorn dels editors presents, coma l'associacion L'aucèu libre presidida per Paul Martin (organizator). Son un temps fòrt per participar a de conferéncias, per escambiar, partejar e escotar al moment de la sèsta poetica per exemple o de debats. Lo programa de 2022 èra ric e variat e lo concèrt final del Còr de la Plana es estat plan aculhit. Trobaretz qualques unes dels punts del programma mas n'i aguèt tant d'autres. A l'an que ven !

[resumit : Tè Vé Òc]

vignette_LGO-20220629.jpg
Venir a la lenga - Rescontres de Salinèla de 2022 - Tè Vé Òc
Gros, Lise. Metteur en scène ou réalisateur

Emission del 29 de junh de 2022

Als rescontres de Salinèla una taula redonda animada per Amada Cròs e plan capitada, a acampat Gisèle Naconaski, jornalista a Ràdio Lenga d'Òc e Cathy Dufour, professora d'occitan. En responsa a aqueles que dison que l'occitan servís a res, tres femnas qu'en vivon!

Un reportatge de Tè Vé Òc.

[resumit de Tè Vé Òc]

vignette_LGO-20220622.jpg
Lo Berlingau de Carpentràs ambé Sèrgi Clavel - Tè Vé Òc
Cros, Amy. Metteur en scène ou réalisateur

Emission del 22 de junh de 2022

Lo Berlingau de Carpentràs ambé Sèrgi Clavel

Lo berlingau de Carpentràs... Aquela doçor nasquèt en 1844 ambé lo confisèire Pascal François Long. Coneiguèt un atge d'aur au siècle vinten e se produisiá de mens en mens, fins qu'a sa respelida, dins lei promiereis annadas 2000. Ambé lo vam de Sèrgi Clavel, confisèire a Carpentràs, la bonbonilha de fòrma tetraedrica reviscola e se declina en mant uns perfums. Davans nòstrei camèras, Sèrgi Clavel fabrica artesanalement de berlingaus aromatizats a la fraga e nos parteja sa passion ambé lo sosten de Robert Rouch, fondator de la confrariá de la fraga de Carpentràs.

Un reportatge d'Amada Cròs.

[resumit de Tè Vé Òc]

vignette_LGO-20220614.jpg
Au país de l'oliva ambé Pascal Condamines - Tè Vé Òc
Cros, Amy. Metteur en scène ou réalisateur

Emission del 14 de junh de 2022

Au país de l'oliva ambé Pascal Condamines

Anam au País de l'oliva en Droma, a Nions. A la « Ferme des Tuilières », Pascal Condamines, oleïcultor, nos aculhís dins l'oliveireda que baileja despuèi 10 ans. Aqueste Avaironés travalhèt a Paris avans de plantar cavilha dins un mas bordejat d'oliviers, que remeteguèt en cultura, puèi se reconvertiguèt en agricultor per passion. Son d'olivas de varietat « tancha », que trobam solament dins Nions e seis entorns. D'uneis oliviers an 300 ans e subrevivèron ai geladas grandas coma aquela de 1956, favorizats per lo versant miegjornau. Pascal nos explica leis etapas de la production e lei caracteristicas de la famosa « tancha », que vai après vendre, entre autrei, sus lo mercat de Nions.

Un reportatge d'Amada Cròs.

[resumit de Tè Vé Òc]

vignette_LGO-20220608.jpg
ROGE, novèl espectacle de La Mal Coiffée - Tè Vé Òc
Gros, Lise. Metteur en scène ou réalisateur

Emission del 8 de junh de 2022

La Mal Coiffée : ROGE

ROGE, novèl espectacle de La mal coiffée empliguèt la sala a l'Espaci culturau dei Corbièras (Ferrals de Corbièras). Lo grop repren la paraula còntra totei lei dominacions : colonialas, nacionalas, economicas e mediaticas. Polifonia e percussions racontan lei gents d'aquí ò aquelei que vivon en Lengadòc en percorrent eiretatges e istòrias particulièras. La lenga occitana es ben aquí, pron viva, cantanta e lèsta de dire sei solidaritats e de norrir de totei leis emancipacions e resisténcias populàrias de per lo monde.

Un reportatge de Lisa Gròs.

[resumit de Tè Vé Òc]

vignette_LGO-20220601.jpg
Le Clos de la Lombarde à Narbonne - Tè Vé Òc
Gros, Lise. Metteur en scène ou réalisateur

Emission del primièr de junh de 2022

Lo claus de la Lombarda

A Narbona, lo Claus de la Lombarda ganha d'èstre conegut. L'Associacion Les amis du Clos de la Lombarde òbran sens relambi per lo promòure. Una visita s'impausa,  rica mercè als panèls, a las maquetas e a l'entreten dels vestitges. Podem retrobar aquí de testimoniatges precióses de la vida antica. De la Domus, l'ostal dels porticas, a la tèrmas o la catedrala paleo crestiana remiram los detalhs : paviments amb de mosaïcas, decoracion de las parets, potz, canalizacions, sarcofages. Tot es ben mes en valor, manca pas que vòstra visita !

Un reportatge de Lisa Gròs.

[resumit de Tè Vé Òc]

sus 14