Explorar los documents (2 total)

Per la 8ena annada, lo CIRDÒC - Institut occitan de cultura es partenari del Prèmi literari Calandreta, lo prèmi literari dels joves legeires en occitan, e de l'eveniment festiu que lo ven clavar : la Passejada literària.

Après Agde, Nimes e Carcassona, es a las Calandretas de Besièrs d'aculhir aquel eveniment. Un temps fòrt de la literatura de joinesa en occitan amb a son còr lo rencontre entre los autors e lor public que ongan se debanarà sul plan dels Poètas a Besièrs lo 12 de mai de 2022.

Creat en 2016 per la Calandreta Dagtenca, aquel prèmi literari, dubèrt a totas las escòlas que se vòlon marcar, convida los joves lectors a votar per l'obratge qu'aiman mièlhs entre una seleccion d'òbras en occitan (4 per cada cicle).

Aital, es una jurada de mai de 1 000 joves lectors que balhan aquel "Prèmi literari Calandreta". La proclamacion de las resultas es l'escasença per una granda jornada de fèsta, de rencontre amb los autors e d'escambis a l'entorn del plaser de legir : la Passejada literària.

Participacion reservada a las classas marcadas : premi.literari.calandreta [a] gmail.com