Explorar los documents (19 total)

40 ans d'U.O.E. : d'un viscut a l'autre / CIRDÒC-Mediatèca occitana
Centre interrégional de développement de l'occitan (Béziers, Hérault). Auteur
Tè Vé Òc. Metteur en scène ou réalisateur
Cros, Amy. Metteur en scène ou réalisateur
En 2016, l'Universitat occitana d'Estiu de Nimes festeja sa 40ena edicion. Un retorn en imatges sus aqueles 40 ans de rencontres, aquò lo CIRDÒC vos propausa aquí en collaboracion amb la MARPOC, qu'organiza l'UOE e Tè Vé Òc.

Amb los testimoniatges de Marie-Jeanne Verny, Felip Martel, Marineta Mazoyer, Jòrgi Peladan, Denisa Daniel, Estela Mazodier e Josiana Romero.

Realizacion : Amy Cros / Tè Vé Òc
Videoguidas Aigas Mòrtas
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur


En caminant per carrièras dins Aigas Mòrtas, benlèu que passaretz carrièra Nicolas Lasserre. Qual èra doncas "Mestre Nicoulau" ? Descobrissètz-lo, e amb el l’istòria de sa ciutat. En barrutlant près de las muralhas, poiretz, per la fièra d’Aigas Mòrtas, veire l’abrivada. Qu’es aquò ? Per respondre a tot sus la bovina, seguissètz doncas una guida de tria : lo quite marquis Folco de Baroncelli   !

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.

Videoguidas de Montpelhièr
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur
Las colleccions de la Bibliotèca de Medecina de Montpelhièr consèrvan un manuscrit occitan medieval preciós e misteriós, la Cirurgia, qu’a pas encara liurat totes sos secrets. Saupre se devem aquela traduccion occitana del cirurgian d’Al-Andalus Albucasis al comte Gaston Febus, Gaston III de Fois Bearn ?

Una autre domeni que demorèt lontgemps, sinon una sciéncia, al mens un biais vertadièr, es lo de la bugada. Las damoiselas de Grabèls, una comuna al nòrd de Montpelhièr, se ne faguèron una especialitat.

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.
Videoguidas de Limós
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur

Durant dix semaines, Fecas et Godilhs prennent possession de Limoux. Plus d’un mois de fête pour le carnaval le plus long du monde, arrosé à l’occasion de sa dernière soirée, la Nuèit de la Blanqueta, par le cru du même nom, le mythique vin blanc pétillant de Limoux.

Ces vidéoguides d'animation ont été réalisés en 2014 dans le cadre du projet e-Anem, financé par le FEDER en Languedoc-Roussillon.

Vidèoguidas de Sant Ipolit del Fòrt
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur

Per de sègles, la manhanariá e la transformacion del cocon de manhan en un textile preciós son demoradas un secret oriental asprament gardat. Pasmens, a la Renaissença, aquel es bravament desvelat e començan en França de produsir d’un biais intensiu aquel produch de luxe.
Còp d’uelh sus la sericicultura cevenòla e còp de projector sus l’enfant del país Anne Clément, una femna de teatre que sas creacions contemporanèas an jogat un ròtle clau dins lo reviscòl del teatre occitan.

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.

Videoguidas d'Alès
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur

Quin es lo ligam entre l’autor del primièr diccionari lengadocian-francés e Rotland, un dels caps camisards ?
Totes dos viravan dins lo canton d’Alés. De fach, es al mas Sobeiran, uèi Musèu dau Desèrt, a Mialet, que nasquèt en 1680 Pèire Lapòrta dich Rotland. Qualques annadas après, en 1710 naissiá  Pierre-Augustin Boissier de Sauvages : se Lapòrta a luchat per la libertat de culte, es en favor de la lenga occitana que Boissier de Sauvages, membre d’una granda familha alesenca, orienta son accion.

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.
 

Videoguidas de Menerbés
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur

Leon Còrdas passa las primièras annadas de son enfança dins la ciutat medievala de Menèrba, sèti d’episòdis màgers de l’epopèa catara. Retorn sul percors de l’autor occitan de la peça Menerba 1210 e mai sul sèti sagnós que marquèt aquesta annada tragica.

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.

Videoguidas de Lodèva
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur
Tre l'Edat Mejana, Lodeva s'afirma coma un centre textil màger. La region, idealament plaçada al còr dels caireforcs d'escambis de matèrias primièras lanièras, aculhís long dels sègles pas mens de doas manufacturas reialas. La Fatura, "Villeneuvette" en francés, constituís un rare exemple de manufactura en mitan rural.

Puèi nos aventurarem a qualques quilomètres, sul platèu del Larzac. Aquí lo calme e la natura prevalon tornamai, pasmens lo site aculhiguèt dins las annadas 1970 un movement social dels mai grands del sègle XX. Gardarem lo Larzac !

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.
Videoguidas de Ginhac e Sant Guilhèm dau Desèrt
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur
Los alentorns de Ginhac dins Eraut aculhisson la Tambourithèque, musèu del jòc de tambornet. Aquel espòrt tradicional de Lengadòc, de la familha dels jòcs de pauma, se practica uei encara mercés a l’instrument que li balhèt son nom  : lo tambornet. Long del sègle XX, sa practica perd lo vam abans que l’accion de diverses apassionats, dont l’autor occitan d’Argelièrs d’Erau Max Roqueta, participe al reviscòl e a la restructuracion de l’espòrt.

Après la santat del còs, la de l’esperit en prendre lo camin de l’abadiá de Sant Guilhèm dau Desèrt. Fondada a l’Edat Mejana, l’abadiá ven lèu lèu un site immancable de la Via Tolona, una de quatre grandas vias del pelegrinatge que mena a Compostèla. Sa legenda daurada e la de son fondator se transmetan encara sus las rotas que menan a la tomba del sant. Per aquò, cal passar l’estranh Pont del Diable...

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.
Videoguidas de Narbona
Centre interrégional de développement de l'occitan (Béziers, Hérault). Auteur
Kaleo design. Metteur en scène ou réalisateur
Creada dins l’Antiquitat, Narbona possedís un patrimòni ric e a vist naisser entre sas muralhas de figuras de l’istòria nacionala de las bèlas. Pasmens, demòran encara d’elements mai discrets d’aquel patrimònis que Narbona revèla pauc a cha pauc a sos visitors.
Atal coneissètz la legenda de la granhòta de tres patas que descobriretz dins un benechièr de la glèisa de Sant Pau ? Lo Narbonés Hercule Birat nos ne conta l’istòria dins un de sos obratges en occitan.
Es tanben a Narbona que nasquèt  Jean-Joseph Cassanéa de Mondonville, que trobèt lo succès a la cort de Loís XV en propausant un opèra compausat tot en occitan : Dafnis e Alcimadura. Enfin, anam naular sul Canal de la Robina, que racòrda Narbona al Canal de Miègjorn. Una reunion que se faguèt pas sens dificultats.

Aquestas videoguidas d'animacion foguèron realizadas en 2014 dins l'encastre del projècte e-Anem, finançat pel FEDER en Lengadòc-Rosselhon.

sus 2