Explorar los documents (18 total)

Pònt Sant Esperit : ciutat monumentala. Partida 1 - Tè Vé Òc
Cros, Amy. Metteur en scène ou réalisateur

Emission del 8 de genièr de 2020

Pònt Sant Esperit, ciutat monumentala 1

Se lo monde coneis Pònt Sant Esperit per son triste episòde dau pan maudich en 1951, nautrei a Tè Vé Òc, avèm vougut mostrar un autre aspècte de la pichòta vila, valent a dire lei marcas monumentalas que fan son identitat. Pònt Sant Esperit es clafit de joièus d'arquitectura e d'espacis remirables, au caireforc de 4 despartaments. Partètz a la descubèrta d'una seleccion de luòcs que l'estajtant de Pònt Joan Cristòu Garnier e l'arquitècta Bernat Vaton vos van revelar.
Per aquela 1èra partida, vos prepausam lo castèu dei bruscs e sa platana gigtanta, lo pònt medievau qu'atravèrsa lo flume, la ciutadèla e la collegiala.

Un documentari d'Amada Cròs

[resumit de Tè Vé Òc]

Patrimòni aupenc - Tè Vé Òc
Cros, Amy. Metteur en scène ou réalisateur

Emission del 19 de novembre de 2019

Avèm profichat dei Rescòntres Occitans en Provença de l'estiu 2019, per vos concebre un reportatge sus lo patrimòni aupenc. N'aprendrètz mai sus la geologia deis Aups ambé l'especialista Joan-Claude Hippolyte-Piole, qu'avèm filmat a l'escasença dei sortidas de l'atalhier «patrimòni». Puèi, dins una entrevista amb Eliana Tourtet, jornalista e animatritz dau meme atalhier, descubrirètz l'unitat dins la diversitat dei païsatges aut-aupencs. Enfin, un testimoniatge de tria de Rogier Cézanne, un estajant dei Cròtas (comuna venguda «Les Crots»), sus l'abadiá de Boscodon, pròcha lo lac de Serre-Ponchaire, qu'eu participèt a sa valorizacion tre la fin deis annadas 60.

Un reportatge d'Amada Cròs.

[resumit de Tè Vé Òc]

Lei 150 ans de Baroncelli au Palais dau Rore - Tè Vé Òc
Cros, Amy. Metteur en scène ou réalisateur
Emission dau 5 d'octobre de 2019

Au Palais dau Rore, lo cicle dau novelum s'interessa aquesta annada a Folco di Baroncelli, per sei 150 ans. De setembre a junh, una mòstra sus lo Marquès es dubèrta en totei, dins la sala Marcèu Bosqui. En mai d'aquò, un molon de manifestacions ponctuan l'eveniment annuau. Nautrei, avèm profichat de la serada d'inauguracion dau cicle per entrevistar Annelyse Chevalier, Faneta Hills e Regina Perrin. Lo tot, acompanhat, entre autrei, d'imatges de la mòstra e de tròç dau docu-ficcion Rouge èi moun còr  prepausat per Vizaprod.

Un reportatge d'Amada Cròs.

[resumit de Tè Vé Òc]
La Calandreta d'Aurenja - Tè Vé Òc
Cros, Amy. Metteur en scène ou réalisateur
Emission dau 18 de septembre de 2019

Es en 1993 que la promièra calandreta de Provença veguèt lo jorn en Aurenja, dins Vauclusa. L'iniciativa de quauquei gents recampats permet fins qu'a uei a de desenats d'escolans d'aprene lo provençau tre 2 ans. La calandreta d'Aurenja s'apiela sus un malhum dinamic entre associatius, gents e regents. En mai dei sortidas en exterior, de manifestacions dònan de vam ais enfants : castanhada, mercat de Novè, torton dei rèis, dictada occitana e fèsta de fin d'annada. Tanben, dins lei classas lei regents convidan de parents per son especialitat, quauca-ren que podrián partejar ambé lei pichòts. Una dubertura sus lo monde que manten ben aquela escòla encara unenca en Vauclusa.

Un reportatge d'Amada Cròs.

[resumit de Tè Vé Òc]
Lei mòbles modèstes d'Alan Fornells - Tè Vé Òc
Cros, Amy. Metteur en scène ou réalisateur
Emission dau 19 de julhet de 2019

Alan Fornells es un infirmièr a la retirada. Fai ja 30 ans que sa passion creativa lo clavela dins son atalhièr a Bassan, dins Erau. Lei objèctes que farga an una particularitat : son de mòbles bastits a partir de materiaus recuperats, coma de cagetas de fruchs e liumes, per exemple. De tot aquò tira d'istòrias qu'acompanhan lei mòbles. Es dins son atalhièr que nos convida au rescòntre de sei creacions que met tanben en scena, au biais d'un contaire, per lei vesitas dubèrtas en totei. Alan nos mena dins son univèrs onte leis omenatges son nombrós e onte renha una certana malanconiá darrièr l'estrambòrd. Entre art, bricolatge e poesia, nòstre creatiu sublima çò que servissiá pas mai, recicla lei matèrias per un assemblatge pron pensat, e de còps que i a, es menat per la fòrça deis objèctes memes.
Un reportatge d'Amada Cròs.
Lo tambornet en Eraut, un espòrt tradicionau - Tè Vé Òc
Cros, Amy. Metteur en scène ou réalisateur
Carteyrade, Marc. Metteur en scène ou réalisateur
Emission dau 24 de julhet de 2019

Lo tambornet es un espòrt tradicionau dins Eraut, mai tanben dins d'autrei regions d'Euròpa. Leis espòrtius utilizan un tambornet per picar e remandar una bala de l'autre costat de l'estadi. Aquí, aquel espòrt fuguèt valorizat e institucionalizat per Max Roqueta, que creèt la Federacion dau tambornet quora èra jovent. Siam anats en Anhana, a l'escasença d'un rescòntre entre la còla d'Anhana e aquela dei Penas-Mirabèu. Ambé Lionèl Causse e son amic Benjamin Marc, farètz la coneissença d'un espòrt qu'exigís fòrça e agilitat. Lo jòc dau tambornet se pratica ambé doas còlas, tant en exterior coma en interior. Nautrei vos prepausam leis especificitats dau jòc en terrenh exterior, ambé de tròç. Aquí, cada jogaire a una foncion particulara : dos « fons » (e mai bacelaires) que clavan lo terrenh, au mitan un "ters", puèi davans eu dos « cordièrs ».
Un reportatge de Marc Carteyrade e Amada Cròs.
Albert André, figura de Laudun - Tè Vé Òc
Cros, Amy. Metteur en scène ou réalisateur
Emission dau 19 de junh de 2019

Albert André es un pintre post-impressionista nascut a Lion. Mai passèt una granda partida de sa vida dins Gard, dins lo vilatge de Laudun, onte sa familha bastiguèt un ostau. Lo talent de l'artista fuguèt remarcat per Auguste Renoir e sostengut per Jòrgi Besson. Per aquela emission, avèm rescontrat Elian Cellier, president de l'associacion "Les Amis d'Albert André", per nos parlar dau pintre e de seis estacas. Tanben, lo 26 de mai se festejèt lei 150 ans de la naissença d'Albert André, un eveniment organizat per l'associacion d'Elian Cellier. Aquò donèt una manifestacion polida amb de gents costumats, una mòstra de veituras ancianas, d'objèctes de la Bèla Epòca e d'animacions per de grops folclorics. Cabussatz dins l'intimitat d'una figura de Laudun ! Un reportatge d'Amada Cròs.
Lei Martèus de Gelona - Festenau de Musicas Medievalas - Tè Vé Òc
Cros, Amy. Metteur en scène ou réalisateur
Emission dau 20 de abril de 2018

Vos menam a Sant-Guilhem dau desert, au còr dau festenau Les Marteaux de Gellone. Aquela manifestacion, organizada per lo Centre Internacionau de Musicas Medievalas, presentèt doas seradas ligadas a la litteratura nòstra, dins l'encastre d'un partenariat amb Total Festum. Nautrei avèm filmat la serada Ladoncs chantatz, amics ! e entrevistat un dei cantaires, Brice Duisit. Nos donèt d'explicas sus aquela mena de serada, un concèrt interactiu, amb una competicion entre cantaires. Lei targas musicalas fuguèron l'opportunitat per Brice Duisit e Maurise Moncozet, acompanhats dau musician Olivier Féraud, de s'afrontar sus un repertòri de trobadors coneguts. Descubrètz tanben d'imatges rodats dins l'atalhièr d'arqueo-lutaria d'Ugo Casalonga, ont d'estagiaris realizèron una guiterna.
Un reportatge d'Amada Cròs.
Espaci occitan dels Aups - Tè Vé Òc
Cros, Amy. Metteur en scène ou réalisateur
Emission dau 18 de abril de 2019

Anam a Gap, dins la carrièira de l'estampariá, per vos presentar l'Espaci Occitan dels Aups. Es una librariá associativa especializada dins lei libres e objèctes sus lei País d'Òc. Dubert i a un quinzenat d'annadas, l'Espaci Occitan fonciona sonca ambé de benevòus de l'associacion IEO 04-05, fondatritz de la botiga. Avèm rescontrat dos d'aquelei benevòus que s'implican cada setmana per aculhir lei clients, preparar e mandar lei comandas, faire un cors de lenga, e quora lo pòdon, organizar de rescòntres-dedicaças ambé d'autors occitans, coma la Zine, venguda de Niça. La librariá a poscut se desvolopar amb una salariada en contract ajudat, e ara que n'i a pas mai, la chorma se despatolha coma pòu e cerca de crear una mission de service civic.
Un reportatge d'Amada Cròs.
Setmana occitana dins Gard 2019 - Tè Vé Òc
Cros, Amy. Metteur en scène ou réalisateur
Emission dau 11 de abril de 2019

La Marpoc e l'IEO 30 organizan cada mes de març una « Setmana occitana ». Son adonc programadas d'animacions ligadas a la lenga e la cultura nòstras, coma la literatura orala e escricha, la musica, lei jòcs... Nautrei avèm causit de vos prepausar la jornada « teatre amator » a Vezenòbre, onte joguèron lei comedians adults, puèi leis enfants. Aquelei presentèron la restitucion d'un talhièr teatre seguit pendent lei vacanças escolàrias. E dins una segonda partida, vos menam au locau de la Marpoc, per la presentacion dau libre de Deidier Leclerc « La Bèstia dau Coàr », acompanhada d'una mòstra de sei fotòs e d'una lectura musicala.
Un reportatge d'Amada Cròs .
sus 2