Explorar los documents (2 total)
Très peu se sont employés à le faire sortir de l’oubli aussi vigoureusement qu'Yves Rouquette, de manière aussi courageuse et pertinente, littérairement et sociologiquement. Vous trouverez dans ce recueil huit articles d'Yves Rouquette, en français ou en occitan, publiés dans des revues diverses entre 1968 et 2004.
Lectura per Ives Roqueta d'un extrach de son poèma L'escrivèire public. Extrach sonòr publicat dins lo disc de la colleccion Trésors d'Occitanie (ne saber mai) consacrat a Ives Roqueta, produch per Aura - Occitània Productions.
Transcripcion del texte :
Quand aurai tot perdut
ma memòria ma lenga e lo gost de luchar
me virarai encara un còp cap a vosautres
òmes mieus
carretièrs jornadièrs pastres varlets de bòria
visatges doblidats esperduts renegats
dins un temps que vòl pas
que pòt pas espelir
e traparai dins vòstre agach
dins lo quichar de vòstras mans
dins vòstres crits mandats de lònga
de fons a cima de la terra
e que degús pòt far calar
una rason de creire encara
Tornarai èsser per vosautres
abitants pesucs e maladrechs
d'un païs de la votz d'enfança e de tèrra
lo mainatge qu'ai pas quitat d'èsser
un enfant de la vila en cerca de l'amor
del pibol plegadís coma un cant de lauraire
trevant los nauts pelencs
de la vòstra memòria
d'òmes que sabon tot sens aver ren legit
que lo libre del temps que fai (fin de l'extrach sonòr)
Quilharai una taula
contra lo vam dels serres
e me farai per vautres
escrivèire public