Explorar los documents (11 total)

Indians - Sortida publica del darrièr projècte d' Erms
Sandra Juan
In Fusion - Sortida publica al Molière-Scène d'Aquitaine
Sandra Juan
Sandra Juan
Occitània/Itàlia : culturas e patrimònis a descobrir - escala de la Setmana calabraise al CIRDÒC
Sandra Juan

Lo 3 de decembre, tre 10:00, lo CIRDÒC vos convida  a una jornada de conferéncias e d'escambis a l'entorn del patrimòni cultural immaterial en Occitània e en Itàlia, a l'escasença de la Setmana calabraise organizada del 2 al 6 de decembre de 2015 per l'associacion Tafanari e sos partenaris.

De 10:00 a 17:00 (intermèdi de doas oras per un repais sortit de la biaça) - visita, projeccions e conferéncias sul subjècte de la dança tradicionala. En partenariat amb l'associacion Carrefour des Patrimoines, e en preséncia d'interprètes de la creacion contemporanéa «  Souches  » de Kirsten Debrok.

La jornada s'acabarà sus una nòta festiva. A 18:00 - inauguracion de la mòstra «  Los fargaires de tradicions  », que percor los mil e un camins de l'Occitània culturala del sègle XXI, seguida a 18:45 per una conferéncia cantada de Françoise de Fanti en preséncia de la dançaira Sara Colonna.
E a 20:00, Tafanari vos convida per un grand balèti als accents italians a la Mediatèca occitana.

 

Tot lo detalh de la Setmana calabraise  : Aquí

INFOS ET RESERVACIONS : info@cirdoc.fr / 04.67.11.85.10

Martror arriba : Pesenàs vos convida a sa Fèsta dels Mòrts
Sandra Juan

Dempuèi mantunas annadas, la vila de Pesenàs rend omenatge a sos defuntes a la debuta de novembre a l'escasença de Martror, la Fèsta dels mòrts. Las divèrsas associacions de Pesenàs, menadas pel collectiu Temporadas amb lo sosten de la Vila e de Lenga d'òc e transmission convidan pichons e grands lo dissabte 7 de novembre a 19:00. Rendètz-vos plaça de la Republica per la partença d'un grand calivari dins las carrièras de la ciutat al polin.  

Martror, calivari funerari a Puègserguièr
Sandra Juan

Amb Novembre, arriban los primièrs assalts del frèg e l'auton daissa pauc a chapauc plaça a l'ivern. Los jorns acorchan, la vegetacion entra progressivament en somelh. Aquel periòde especial foguèt, abans l'emergéncia del crestianisme e l'instauracion de la Totsants, l'escasença de fèstas ritualas e paganas, que marcan aqueste passatge entre doas epòcas. Dins l'encastre de sa tradicionala Fèsta de la Sòpa, Puègserguièr commemòra en 2015 aqueste temps de passatge en propausant un calivari funerari dins sas carrièras lo dissabte 7 de novembre tre 19:00. Retrobatz lo Théâtre des Origines, Goulamas'k e l'associacion Patatr'Oc per celebrar Martror, la Fèsta dels Mòrts.

 

Dempuèi mai de dètz ans, lo Théâtre des Origines propausa al mes de novembre, una passacarrièras artistica, Martror que posa dins los rites e costumas tradicionalas qu'enròdan la Fèsta dels Mòrts e la plaça d'aquesta dins nòstras societats, mes al jorn d'aquestas implicacions e representacions contemporanèas. Martror s'inscrit dins un mai larg trabalh de recerca e de creacion menat per lo Théâtre des Origines a l'entorn de las fèstas sasonièras, Temporada. Fuòc de la Sant Joan e Carnaval, autras festivitats calendàrias que relevan del passatge simbolic e ritualisat d'una sason o d'un atge a l'autre, completan lo panèl de tradicions populàrias revisitadas e re-interrogadas per la trope al term d'un important trabalh de recerca sul patrimòni cultural immaterial local.

 

Rendètz-vos lo 7/11/15, plaça del Millenàri a Puègserguièr tre 19:00 per la departura del calivari.

Volètz participar activament an aquel eveniment collectiu ? Los organisators vos convidan lo 6 de novembre a 18o sul parcatge del Millenium a Puègserguièr per una granda repeticion generala.

Lo Grand Balèti del Camèl
Sandra Juan

Cada annada pendent la davalada, lo Camèl de Fuòc convida lo monde per son Grand Balèti. 

Per descobrir la dança e la musica occitanas, rendètz-vos lo dissabte 7 de novembre tre 20o, sala Zinga Zanga a Besièrs. Restauracion e tombòla son al programa d'aquel rendètz-vos festiu dobèrt a totes.

Aquela cinquena edicion aculhira tre 21o los grops Tripoux e Castanha é Vinovèl.

 

Gratuit e tot public.
Lo 7/11/15 tre 20o. 
Sala Zinga Zanga : 781, acorchi de Colombiers, 34500 Besièrs. 

Mascaret : 4ena edicion del festenal occitan de Bordèu (33)
Sandra Juan
Del 29 de setembre al 5 de novembre, Bordèu e sos alentorns aculhisson la 4ena edicion del festenal occitan Mascaret.
Coma cada annada, cadun poirà trapar son bonaür dins una programacion rica en proposicions culturalas divèrsas : concèrts, mòstras (dont « Lenga(s) de Guèrra » a Peçac), balètis, cinèma... metent a l'onor la cultura occitana de Gironda e d'alhors.
CIRDÒC-Mediatèca occitana
Émeline Coste
Sandra Juan
CIRDÒC-Mediatèca occitana
Émeline Coste
Sandra Juan
sus 2