Explorar los documents (89 total)

Eric Gonzales que legueish un extrèit deu son roman "Arantxa" e nos parla de las suas influéncias com Joan Bodon o Julien de Casabone.

Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Produsida per l'InÒc Aquitània en partenariat dab ÒcTele, que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.

Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras. La prumèra sason qu'ei dedicada aus autors de Navèra Aquitània, un navèth pertrèit estant difusit cad mes.

[resumit : Òctele]

Joan-Loís Levêque nos parla de doas causas. Primièr d’un libròt qu’escriguèt e qu’es un conte que se ditz « La legenda de Castèl-Brun ». Es un conte que lo diable i ven per far paur als petits mas tanben als grands.

En mai d’escriure Joan-Loís Levêque es tanben lo president de Novelum, l’associacion de Peirigòrd qu’edita cada annada dempuèi 50 ans de libres amb tot çò que constituís la cultura occitana del territòri (romans, novèlas, cronicas, contes, ensages, estudis…).

Un trabalh seguit de difusion de la cultura occitana, per l’escriut, mas tanben per l’oral amb de libres sovent acompanhats de CD per far ausir la lenga.

[resumit : Òctele]

Per clavar aquela annada de 2020 sus una nòta festiva e poetica, lo CIRDOC – Institut occitan de cultura e sos sòcis : ÒCtele , l'agéncia Sirventés, la Companhia Hart Brut e l'associacion dels Amics del CIRDÒC, an decidit de propausar lo tradicional eveniment Es Nadalet ! jos la forma d'una emission culturala. 

Fauta de poder recampar amics, partenaris e publics per sa tradicionala serada de fin d'annada a la Mediatèca, es a una velhada musicala e contada que vos propausam d'assistir plan installats al caud dempuèi lo vòstre canapè.

Los artistas recampats per aquela edicion de 2020 dedicada a la figura dels bomians dins las tradicions de nadal : Rotland Pecot, Malika Verlaguet, Frederic Mascaro, Romain Baudoin, Silvan Chabaud e plan d'autres convocats per lors voses (Saboly, Galtier, Puech...) vos entrainan dins un viatge immobil suls passes dels Bomians.