Explorar los documents (7 total)

Tè Vé Òc. Producteur
Emission dau 12 de mai de 2017

Amb aqueste 4en numerò de la seria "Pèira romana", acabam sus l'amfiteatre d'Arle, qu'es la seguida logica de nòstre percors. Rivala de sa vesina nimesenca, l'arena d'Arle vos serà revelada per Viviana Roux, anciana ensenhaira, e Crestian Espelly, manadier arlatenc. Tot aquò sostengut per d'imatges de la granda corsa camarguenca "La Cocarda d'Aur" e dei representacions de combats de gladiators per la companhiá ACTA. Nòstre biais d'utilizar un patrimòni eiretat, contribuís a legitimar la construccion d'un edifici magistrau.
Un documentari d'Amada Cròs.

Tè Vé Òc. Producteur
Emission dau 12 de mai de 2017

Es la 3ena partida de nòstra seria documentària a l'entorn deis edificis romans. Per aquest' edicion, anam a Nimes per nos interessar de mai pròche a son amfiteatre. I veirètz d'entrevistas d'Eric Dars, istorian, e Lisa Gròs, afogada, sus fons d'imatges dei Grands Jòcs Romans e dau Trofèu deis As. Dins un monument coma aqueste, lei genres d'espectacles son mens tancats dins l'art, e son mai pròches de l'espòrt, au contrari dei teatres antics qu'avèm filmats dins leis emissions passadas. Aquí, l'artista es vengut un combatent, un esportiu.
Un documentari d'Amada Cròs.

Lexic de la corsa camarguesa
Gros, Lise. Auteur
Aqueste lexic foguèt realizat per Lise Gròs, presidenta de l'organisme departamental del Gard de las corsas camarguesas. Editat per l'Institut d'Estudis Occitans (I.E.O.), prepausa lo vocabulari relatiu al buòu, als òmes, a las arenas e a las corsas mas tanben d'expressions, cançons emblematicas e carta de las arenas.

Consultar lo lexic 

En consultacion sul site de l'IEO 
Collectatges : La corsa camarguesa en Lengadòc-Rosselhon [Enregistrament sonòr]
FRANC-LR
Radio Système
Radio Grille ouverte
Aquesta seria d'enregistraments sonòrs sus l'istòria e la practica de la corsa camarguesa es estada produsida per la Federacion de las ràdios associativas non comercialas del Lengadòc Rosselhon (FRANC-LR) e la Region Lengadòc-Rosselhon dins l'encastre del programa « Memòria dels espòrts tradicionals en Lengadòc-Rosselhon. »

Episòdi 1 : Istòria e organizacion

Aqueste episòdi percor l'istòria de la relacion òme-taure, de la preïstòria a l'ora d'ara, a l'entorn de la Mediterranèa. La corsa camarguesa era en primièr un jòc, es venguda un espòrt amb la creacion de la federacion. 

Réalizacion : Ràdio Grille Ouverte

Amb los testimoniatges de : Claudine Paul, Lise Gros, Estelle Rouquette, Anne-Lise Chevalier, Henri Itier, Frédéric Fabre, Aleth Jourdan, Dominique Azéma, Yves Mouret, et Patrick Siméon.

Escotar : aqueste episòdi es disponible en occitan e en francès sur site de la FRANC-LR - Escotar los testimoniatges

Episòdi 2 : Los actors, la formacion, las manadas

Aqueste episòdi nos entraïna en Camarga onte sont  abarits los primièrs actors de las corsas : los taures. Se cal avèr lo gost del risque per essèr rasetaire e apassionat de natura salvatge per essèr manadièr.

Réalizacion : Ràdio Système

Amb los testimoniatges de : Pierre Aubanel, Gérard Barbeyrac, André Chamand, Anne-Lise Chevalier, Lise Gros, Roger Pascal, Richard Ribeira, Jacky Siméon, et André Turquay.

Escotar : aqueste episòdi es disponible en occitan e en francès sur site de la FRANC-LR - Escotar los testimoniatges

Episòdi 3 : Una cultura, un ambient, un public

Aqueste episòdi nos emplonsa dins una cultura reirala, ancorada dins lo terrador. Lo public es apassionat, estacat a las tradicions dins las qualas las femnas temptan de s'impausar. 

Raalizacion : Ràdio Grille Ouverte

Amb los testimoniatges de : Marion Mazauric, Henri Itier, Alain Laborieux, Lise Gros, Patrick Frilet, Anne-Lise Chevalier, Gilles Arnaud, Emile Grande, Philippe Vellas, Frédéric Fabre, et André Turquay.

Escotar : aqueste episòdi es disponible en occitan e en francès sur site de la FRANC-LR - Escotar los testimoniatges

La corsa Camarguesa
CIRDÒC-Mediatèca occitana
La corsa camarguesa es un espòrt tradicional principalament practicat dins Gard e Erau ont los participants temptan d'agafar d'atributs primats fixats a la basa de las còrnas d'un taure de Camarga. A la faiçon de la corsa landesa, necessita pas de mesa a mòrt de l’animal. Plan distincta de las autras activitats tauromaquicas, aqueste espòrt fa plenament partida del patrimòni e de las tradicions provençalas.

1/ Practica actuala

Rasetaire ensajant de descrocar un atribut - Crèdit foto. : Olivier Calleriza

La corsa camarguesa benefícia dempuèi qualques annadas d'un dinamisme espectacular, atal mai de 900 corsas son organizadas cada annada, del mes de març a novembre, sus l'ensemble de son airal de practica que compren Erau, Gard, Bocas de Ròse e tanben Vauclusa. Totas las corsas se debanan totjorn sul meteis esquèma, dins lo respècte de las règlas tradicionalas.

La corsa comença per una capelada, ont los participants a la corsa, los rasetaires, entran dins l'arena per saludar lo public. L'entrada se fat totjorn sus l'air de dobertura de Carmen de Georges Bizet (1838-1875). Una sonariá de trompeta jogant l'èr di biòu ressondís alara per anonciar l'arribada del taure dins l'arena. De forma circulara, l'arena es enrodada de barrièras en dessús de las qualas los rasetaires devon poder saltar per escapar a la perseguida del taure. Una segonda sonariá se fa ausir : anóncia lo començament de la corsa.

Pendent quinze minutas environ los rasetaires van alara ensajara de descrocar los atributs fixats a la basa de de las còrnas o sus l'esquina del taure : cocarda, aglands e ficelas que devon èsser descrocats dins aquel òrdre. Cada atribut descrocat rapòrta un nombre de punts determinat al raseteur.

Abrivada dins las carrièras d'Aigas Mòrtas - Crèdit foto. : Olivier Calleriza

En marge de la corsa, l'abrivada e la bandida son incontornablas. L'abrivada designa l'arribada dels taure dins l'arena, acompagnats dempuèi los camps pels gardians de la manada a caval. En fin de corsa, al moment de la bandida, los taures son tornats als prats dins las meteissas condicions. D'atrapaires seguisson lo cortègi en cercant a immobilizar los taures o a los faire escapar per carrièras.

2/ Istòria de l'espòrt

Se retrobam la traça d'activitats tauromaquicas tre l'Antiquitat, las primièras mencions de corsa camarguesa remontan a 1402 amb l'organizacion d'una corsa de taure a Arle donada en l'onor de Loís II, comte de Provença. Las corsas taurinas contunhèron d'èsser practicadas dins las vilas e vilatges, al l'ocasion de las fèstas. Totes los volontaris èran alara autorizats a participar e a faire acte de coratge en anat descrocar de recompensas fixadas suls taures daissats per las carrièras de la vila o del vilatge.

 Lansargues (Erau) corsa de taures sus la plaça publica - Coll. Archives municipales de Marseille (33Fi3436)

La corsa camarguesa tala coma la coneissèm uèi s'uniformiza e se codifica dins lo corrent del sègle XIX, en particular jos l'egida de l'escrivan e manadièr Folco de Baroncelli (1869-1943), pròche de Frederic Mistral.

Los taures autrescòps daissats dins las vilas e vilatges tòrnan dins las arenas, las flors e mocadors de cap fixats sul taure son remplaçats per de cocardas, de primas son creadas per lo qu'anirà descrocar l'atribut, enfin los joves participants a las corsas se vestisson de blanc e venon rasetaires : la corsa camarguesa èra creada.

Caldrà esperar 1975 per que nasca la Federacion Francesa de la Corsa Camarguesa que reglamenta uèi l'ensemble de las corsas.

3/ Actors

 Mèdias : 

Federacion Francesa de la corsa camarguesa

La Federacion francesa de la corsa camarguesa (FFCC) es una associacion francesa lei 1901 fondada lo 2  de setembre de 1975 organizant los trofèus taurins. La federacion ten l'agrat del Ministèri de la joinessa, dels esports e de la vida associativa francès dempuèi decembre de 2004. La federacion recensa 2 865 licenciats en 2012.

Consultar le site de la FFCC

4/ Ressorsas

Los espòrts tradicionals an estat l'objècte d'un projècte d'inventari dins l'encastre de la convencion de 2003 de l'Unesco sul patrimòni cultural immaterial. Una ficha d'inventari completa sus la corsa camarguesa es disponibla sul site del Ministèri de la Cultura e de la Communicacion

Retrobar tots los documents en relacion amb la corsa camarguesa sus Occitanica

Collecte : Mémoire des sports traditionnels en Languedoc-Roussillon
FRANC-LR
Vidéoguide : Bouvine, à la suite du Marquis [images animées]
Centre inter-régional de développement de l'occitan (Béziers, Hérault)
Kaleo design. Metteur en scène ou réalisateur

À l'est du département de l'Hérault et dans une bonne part de celui du Gard, s'étendent des zones humides, partie occidentale de la Camargue. Au cœur de cette Petite Camargue, évoluent manadiers et taureaux noirs, les bióus qui chaque année, d'avril en octobre défient l'homme au cours des courses camarguaises. Cette pratique sportive consiste pour les raseteurs, à décrocher grâce à de petits crochets de métal, la cocarde placée sur l'os frontal de l'animal.

La bouvine, tradition séculaire de ces espaces, regroupe autour d'elle la communauté villageoise au cours des fêtes votives. Abrivada, capelada, aubadas et empègas perpétuent les rites et traditions de cette fête aux accents occitans.