Explorar los documents (395 total)

L'occitan en Auvernha - Tè Vé Òc
Gros, Lise. Metteur en scène ou réalisateur
Emission dau 8 de mai de 2019

Se, en 1950, l'occitan èra la lenga parlada per totei a La Peirilha, dins lei monts dau Liuradès, uèi es acabat. Pasmens demòra totjorn una beluga. Avèm rescontrat la Josí Guilhòt, qu'es pron activa dins l'òbra de la renaissença occitana de uèi. Es autora, contaira e militanta a l'IEO 63. Dins aquela emission, nos dona son vejaire sus la situacion actuala de nòstra cultura, sensa doblidar lo trabalh fach pendent d'annadas per lo Tiène Coudert. Una còla contunha d'obrar a la revista "Parlem", que bastiguèt. A Clarmont d'Auvernha, au Cafè Òc sota leis Augustins, ai concèrts e ai conferéncias, la lenga clantís tornamai. Vos menam au còr deis accions fachas per mantene la lenga.
Un reportatge de Lisa Gròs e Artús Brown.
La corsa camarguenca vista per un afecionat - Tè Vé Òc
Carteyrade, Marc. Metteur en scène ou réalisateur
Emission dau 24 de abril de 2019

La sason dei corsas camarguencas a tot just començat. A l'escasença de la primièira  jornada « Prima dei Reialas » 2019 a Sant-Laurenç d'Aigosa, avèm seguit la manifestacion en companhiá de Claudi Ricard. Aqueste afecionat nos fai leis esplicas e comentaris de la corsa, compausada de buòus de la manada Blatière-Bessac. Una cabussada vertadièra dins lo monde de la bovina, amb un regard d'especialista, que nos parteja tot son estrambòrd. Aqueste fondator dau club taurin l'Aficion de Somèire, que coneis pron la manada Blatière-Bessac, fuguèt tanben un « revistero » valent a dire que fasiá lei renduts-còmptes dei corsas camarguencas per la premsa. Un reportatge de Marc Carteyrade.
Espaci occitan dels Aups - Tè Vé Òc
Cros, Amy. Metteur en scène ou réalisateur
Emission dau 18 de abril de 2019

Anam a Gap, dins la carrièira de l'estampariá, per vos presentar l'Espaci Occitan dels Aups. Es una librariá associativa especializada dins lei libres e objèctes sus lei País d'Òc. Dubert i a un quinzenat d'annadas, l'Espaci Occitan fonciona sonca ambé de benevòus de l'associacion IEO 04-05, fondatritz de la botiga. Avèm rescontrat dos d'aquelei benevòus que s'implican cada setmana per aculhir lei clients, preparar e mandar lei comandas, faire un cors de lenga, e quora lo pòdon, organizar de rescòntres-dedicaças ambé d'autors occitans, coma la Zine, venguda de Niça. La librariá a poscut se desvolopar amb una salariada en contract ajudat, e ara que n'i a pas mai, la chorma se despatolha coma pòu e cerca de crear una mission de service civic.
Un reportatge d'Amada Cròs.
Setmana occitana dins Gard 2019 - Tè Vé Òc
Cros, Amy. Metteur en scène ou réalisateur
Emission dau 11 de abril de 2019

La Marpoc e l'IEO 30 organizan cada mes de març una « Setmana occitana ». Son adonc programadas d'animacions ligadas a la lenga e la cultura nòstras, coma la literatura orala e escricha, la musica, lei jòcs... Nautrei avèm causit de vos prepausar la jornada « teatre amator » a Vezenòbre, onte joguèron lei comedians adults, puèi leis enfants. Aquelei presentèron la restitucion d'un talhièr teatre seguit pendent lei vacanças escolàrias. E dins una segonda partida, vos menam au locau de la Marpoc, per la presentacion dau libre de Deidier Leclerc « La Bèstia dau Coàr », acompanhada d'una mòstra de sei fotòs e d'una lectura musicala.
Un reportatge d'Amada Cròs .
Omenatge a la manadièra Fanfonne Guillierme - Tè Vé Òc
Gros, Lise. Metteur en scène ou réalisateur
Emission dau 4 de abril de 2019

Coma cada an, lo vilatge d'Aimargue organiza lo primièr dissabte de març una jornada en omenatge a Fanfonne Guillierme. Aquela manadièra defuntada i a trenta ans es au centre d'una fèsta dedicada ai « gents de bovina », ela que s'es tant implicada dins la tradicion gardiana. La manifestacion de 2019 marquèt lei 30 ans de la desparicion d'aquela femna coratjosa, un exemple per totei, lei femnas entre autrei. E per vautrei, n'avèm profichat per entrevistar Robert Faure, Crestian Espelly e Andrieu Mégias. En mai d'aquò, veirètz un apercebut deis animacions d'aqueu jorn : benediccion dei chivaus, abrivada, rossataia e corsa camarguenca dins l'arena d'Aimarga.
Un reportatge de Lisa Gròs.
ÒCtele
ÒCtele

Contengut lèu disponible

En mai 2019, la webTV 100% en occitan ÒCtele metèt los escolans del collègi Calandreta de Gasconha de Pau davant la camerà en lor demandant : qu’es aquò l’occitan per tu ?
« Occitània a pè » : una caminada a travèrs l'Occitània per la reconeissença de la lenga d'òc patrimòni mondial de l'umanitat
Nicoli, Elisa
Bédel, Amic
Realizat per Amic Bedel (Piget Prod.) e produsit per l'Acadèmia de Tolosa e la Region Miègjorn-Pirenèus, aqueste documentari permet de descubrir l'experiéncia sensibla e concrèta de l'escòla en doas lengas. Melhor far conéisser las realitats de l'ensenhament bilingüe francés-occitan a l'escòla publica, melhor informar sus son interès, sos enjòcs, sos principis d'organizacion, aital son los objectius d'aqueste film filmat dins de dins de classas bilingüas de ueit departaments de Miègjorn-Pirenèus, amb la contribucion d'intervenents nombrós.
Coproduccion : Region Miègjorn-Pirenèus / Acadèmia de Tolosa / CROM
ÒCtele
sus 40