Explorar los documents (701 total)

vignette_LGO-20210407.jpg
Marie Vialade, fialaira - Tè Vé Òc
Gros, Lise. Metteur en scène ou réalisateur

Emission del 7 d'abril de 2021

Marie Vialade, fialaira

A Verdun de Liuradés , vilatge vièlh  a la forca de dos rius  e que teniá un ostau catar, fasem un rescontre bèl : Marie Vialade, la fialaira. Lei fialairas son pas nombrosas a l'ora d'ara e Marie nos presenta sei rodets, sei fusèus e la lana de cabra. La fau primièr lavar aquela lana e es au lavador dau vilatge que se fai. Profiecham en meme temps de tres cants de fialaira tradicionaus que Marie e Danièlle cantan dins lo grop Canti Canta de Carcassona. Nos fai descubrir son activitat de cardatge, de fialatge puèi sei creacions perçò que tricòta sa lana la Marie. Son raras ara las fialairas e Marie, plena de bona umor nos fai de demonstracions preciosas. Participa a de fèstas tradicionalas onte rescontra un public estonat e interessat per son art : Jornadas dau patrimòni per esemple.

Un reportatge de Lisa Gròs

[resumit de Tè Vé Òc]

vignette_LGO-20210413.jpg
Florença, contaira naturalista - Tè Vé Òc
Lapierre, Michelle. Metteur en scène ou réalisateur
Lapierre, Patrick. Metteur en scène ou réalisateur

Emission del 13 d'abril de 2021

Florença, contaira naturalista

Florença Malafosse, aqüarelista, contaira, ecologista e afogada de las lengas a creat un film d’animacion metent en scèna la vida dels eiriçons vivent dins son òrt. Un biais de transmetre de valors de respièch de la natura, destinadas als joves enfants. D’episòdi en episòdi, la familha de Silvestre se fa bèla, subretot aprèp lo rescontre de Leonia... Per Florença, la causida de l’occitan es justificada per lo demai de poesia que porgís la lenga. Los dessenhs, l’aqüarela e lo conte fòrman un ensemble tant agradíu a l’uèlh que tocant per son messatge.

Un retrach de Miquèla e Patric Lapierre.

[resumit de Tè Vé Òc]

vignette_LGO-20210317.jpg
La comuna de Marselha (1871) - Tè Vé Òc
Gravier, Michel. Metteur en scène ou réalisateur

Emission del 17 de març de 2021

La Comuna de Marselha

Lo 23 de març de 2021 Marselha vai comemorar lei 150 ans de la proclamacion de la Comuna de Marselha. Dins aqueste encastre, vos prepausam una emission sus l'Istòria de la Comuna de Marselha en 1871. Lo movament revolucionari de la Comuna aguèt pas soncament luòga a París coma lo voudrián laissar dire un molon de mèdias parisencs, mai tanben dins tota la França e en Occitània mai particulierament. De Limòtge a Narbona, e de Foish a Marselha. Sauvatjament reprimida per l'Estat Francés, la Comuna de Marselha comptarà au mens 150 mòrts. Per tractar aqueu subjècte particulier, descubriretz subretot lei comentaris de saberuts come Roland Pécout e Claudi Barsotti.

Un documentari de Miquèu Gravier

[resumit de Tè Vé Òc]

vignette_LGO-20210210.jpg
Còntes e legendas dau Linguas - Tè Vé Òc
Gravier, Michel. Metteur en scène ou réalisateur

Emission del 10 de febrièr de 2021

Còntes e legendas dau Linguas

Lo Lingàs es un planestèu situat au ponant dei Cevenas. Dins una 1èra partida difusada a la fin de 2020, evocaviam la familha dei Ròcafuèlh. Ara, vos prepausam una segonda partida que completa lo documentari. Aquí, l'accent es mes sus quauqueis dei nombrosei legendas que naisson d'aqueu país misteriós, qu'èra a passat temps dificile d'i venir. Tanben, dins sa partida atlantica, l'auta valada de Dorbia, es considerada coma una contrada d'enmascaires. Aquò a contribuit a l'intensitat de son mistèri, e consequentament a permés sa preservacion fins qu'a vuei.

Un documentari de Miquèu Gravier.

[resumit de Tè Vé Òc]

vignette_LGO-20210203.jpg
Calandreta Puèch Marin e environament - Tè Vé Òc
Gros, Lise. Metteur en scène ou réalisateur

Emission del 3 de febrièr de 2021

Calandreta Puèch Marin e environament

Aquela emission es un rescontre ric amb la Calandreta Pèch Mary de Carcassonna onte leis enfants dei cinc classas trabalhan regularament sus l'environament. Sus lo terren qu'enròda l'escòla lei enfants amb lei regents, lei parents e d'intervenents creèron un òrt grand , un vergièr bèu, un pesquièr e òbran tota l'annada per menar d'abelhas. Leis estudiants dau Lycèu agricòl Carlesmanhe venon regularament animar de talhièrs per faire conéisser e aparar la natura ais enfants. Un regent abelhaire mena tres bucs amb leis escolans que participan a totei leis activitats alentorn dau mèu : suènhs ais abelhas , extraccion, mesa en pòts puèi venda. Dins cada classa podem descubrir tot lo trabalh alentorn de la proteccion de la natura e l'environament.

Un reportatge de Lisa Gròs.

[resumit de Tè Vé Òc]

vignette_LGO-20210127.jpg
Una sason en cò de l'abelhaire - Tè Vé Òc
Lapierre, Patrick. Metteur en scène ou réalisateur
Lapierre, Michèle. Metteur en scène ou réalisateur

Emission del 27 de genièr de 2021

Una sason en cò de l'abelhaire

Uei, lei consomators cèrcan de produchs sans e autentics. Lo mèu e lei produchs de la brusc marcan totjorn ben, maugrat l'importacion de produchs farlabicats. E mai se l'apicultura beneficia d'un interès dau public, totjorn mai nombrós dins lei formacions, la subrevivença deis abelhas demòra menaçada per lei cambiaments de l'environament e lei pollucions divèrsas. Nautrei vos convidam en cò d'un abelhaire que seguirèm l'òbra lòng d'una sason.

Un reportatge de Miquèla e Patric Lapierre.

[resumit de Tè Vé Òc]

vignette_LGO-20210120.jpg
Lo castèl comtal de Carcassonna - Tè Vé Òc
Gros, Lise. Metteur en scène ou réalisateur

Emission del 20 de genièr de 2021

Lo castèl comtal de Carcassonna

Dins la Ciutat de Carcassonna, ben coneguda, vos menam a la descubèrta del Castèl Comtal. Se troba a cima del sèrre de la Ciutat, enrodat per de barris grands. Es mens conegut del public e dins las salas , se pòdon veire de tresaurs ; estatuas, pinturas, pèiras e vestigis del passat. La visita es comentada per Jean Blanc, archivista saberut de Carcassona, que nos mena dins d'endreches remirables al rescontre de paginas ricas de l'istòria del castèl.

Un reportatge de Lisa Gròs.

[resumit de Tè Vé Òc]

vignette_55935.JPG
« Lo Don Don Infernau » : una performança musicala de Rodín Kaufmann
Kaufmann, Rodin

DDI / Don Don Infernau / est un projet de recherche musicale mené par l’artiste pluri-disciplinaire Rodín Kaufmann, autour de la mise en musique de différents textes de Louis Bellaud de la Bellaudière, poète provençal du 16ème siècle. (Pour en savoir plus : voir l'exposition virtuelle sur Louis Bellaud )

La pièce principale de cette création musicale en cours est le poème Le don don infernal, les misères et calamités d’une prison.
Prenant pour base musicale différents sons de l’univers carcéral actuel, chocs métalliques, sirènes, sonneries, en écho au fameux « dondon », Rodín tente une approche résolument urbaine et contemporaine de ce texte, le confrontant à des éléments issus du trap, de la drill, ou d’autres formes de hip hop actuel.

La recherche se poursuivra au-delà de la présentation pour le colloque sur les littératures carcérales, avec l’objectif d’ici la saison 2020 - 2021 de monter une création et un enregistrement discographique de ce corpus de textes.

vignette_LGO-20210113.jpg
Un talhièr de revirada e d'interpretacion en occitan de las nòstras cançons popularas - Tè Vé Òc
Gravier, Michel. Metteur en scène ou réalisateur

Emission del 13 de genièr de 2021

Cançons per Pèire Mathes

L'artista occitan Pièire Mathes a concebut un projècte d'espectacle musicau, en associacion ambé d'aprentís dau cors d'occitan de Sant-Geniès de Malgoirès. La colaboracion a pres dins lei cançons dau repertòri de varietat occitana, francesa, belga e italiana. Aqueleis artistas estent d'expression francesa, leis escolans e Pèire Mathes aguèron l'idèia de lei tradurre en lenga d'òc. Aquela emission vos presenta d'entrevistas e de tròç musicaus e adaptats en occitan, interpretats per Pèire Mathes.

Un retrach de Miquèu Gravier.

[resumit de Tè Vé Òc]

preview_LGO-20210106.jpg
La sanha en Camarga - Tè Vé Òc
Cros, Amy. Metteur en scène ou réalisateur

Emission del 06 de genièr de 2021

La sanha en Camarga

La sanha es lo nom donat au rosèu comun, que trobam aquí en Camarga. Fins qu'a quauquei decenias encara, lo mestièr de sanhaire contribuissiá pron a l'entreten dei paluns. De'n promier ambé son otís lo « sanhador » copava a la man la sanha, puèi son arribats lei motocultors e lei maquinas a partir deis annadas 60. Nautrei avèm rescontrat Andrieu Calba, sanhaire amb una lònga experiéncia, per nos faire una demostracion de copa de sanha a la man, coma a passat temps. Puèi dins una entrevista, veiretz tota la complexitat d'aquel ecò-sistèmi de tria que representan lei paluns, e l'economia verda que i'es restacada.

Un reportatge de Jaumelina Bizet e Amada Cròs.

[resumit de Tè Vé Òc]

sus 71