Explorar los documents (7018 total)

edito21.jpg
CIRDOC - Institut occitan de cultura

Cada rencontre nos obrís a l’inatendut e, de còps, aquel inatendut se revela de pas creire. Nos pòt estonar al destorn d’una lectura, d’un espectacle o d’un escambi. Tan de traucadas dins « l’éternel retour » del replec qu’embarra, de la colèra que desespèra, del regèt qu’excluís. Ne fasèm l’experiénça urosa dins lo rencontre amb lo patrimòni “d’a costat”, la creacion "d’aicí" e las practicas “d’en bas”, als intersticis d’una culturala uniformizada.
Lo poèta provençal Mas-Felipe Delavouët çò escriguèt, « il n’existe pas d’autre façon pour comprendre le monde que d’en posséder pleinement un morceau ». Es un pauc l’objectiu que s’es balhat lo CIRDÒC cinquanta ans fa (en 2025) amb sa colleccion occitana, uèi labellizada Colleccion d’excelléncia e Etnopòle. Cinquanta ans, es ja de pas creire ! 

Descobrir la Letra en Òbra 21 - Julh de 2024 / Setembre de 2024 : AQUI
vignette_animacions-ieo-lemosin.jpg
Institut d'estudis occitans dau Lemosin
L’intervenent : Jan-Francés Vinhau.
Mai d’una enja d’animacions poden èsser perpausadas.

Espectacle de conte o pradelada contada

Partent de 7 ans.
Durada : 1h20 (espectacle en sala) a 2h (pradelada contada)
Tot sol o emb ’n’ intervenent musicau (pradelada contada)
Espectacles bilingües occitan/francés

A chausir, tres bravéias que poden èsser acompanhadas (per las pradeladas contadas) emb la chabreta lemosina.
Jugada per Jan-Màri Caunet, balharà de la votz per far auvir daus aers de país o de creaccion.

  • « Lu pitit peseu e autres contes dau Lemosin… »
’Quí dedins n’i a ben un pauc de tot, mas, entre los contes de tradicion e las devinharias, quò siria ben lu diable si vautres n’i trobavetz pas quauque plaser a iò auvir ; queraque… Nos l’i trobaram lu pitit peseu ; pas un pitit peseu barrat dins ’na pòcha de congelator. Non. Se, eu es ’quí campat au beu mieg dau chamin per aidar los paubres maluros ! Vautres l’i aprendretz que, autres còps, los lions fasian valer lurs gròssas dents en Limosin e que si lu valhent pitit greu n’avia pas estat ’quí, n’endurariam plan enguera queu vesinatge dangieros.

E queu sodard que tòrna de quauqua guerra pendent la freja nuech de Nadau emb son calhau au fons de la museta… E quilhs tres faures qu’eran plan en pena per far tres parts egalas de lurs setze sòus…
Ailas ! I a bien de miseria a contar.

  • « Pluma que borra », contes e dires de la sauvatgina
Un temps per segre los chamins e los plais dau país limosin. ’Na pradelada ente nos letejaram per montar sur los tuquets, ente nos nos entalharam dins las molieras (si, per causa de meschant temps o d’environadis vilaud, n’am lu cuu monlat dins quauqua chiera de sala de las festas, nos fodra segur mai d’imaginacion !…), ’na pradelada per ’nar a la rencontra dau pitit monde daus prats e daus eissarts, un monde que pòrta pluma o gròssa borra sur doas o quatre pautas. Un monde que parla e que viu tot coma nautres, bona gent. E qu’a tant de chausas a nos dire e nos far comprener.

  • « A Nadalia… », contes que vautres vos damandariatz si quò se pòt
Paubre monde de Nadalia !
Ilhs son mai a plànher que ren pus la gent de Nadalia (parròfia de Marvau, 87). Mai visatz : veiquí un vilatge ente la taupa but pertot, ente per quinze liuras de semen de rabas ne’n suert nonmas una au mieg de la pieça, ente los nadalias passen fauta de bois pendent l’ivern, ente las ’belhas se fan minjar per lu lop ! E pertant, lu quite bon Diu prenguet pitat de ilhs de los veire tant jarnassar per far levar lu solelh…

Mai fau pas creure qu’ilhs sian tots sols. Daus vilatges entau emmalurnats, n’i a mai d’un en Limosin !

Obrador « Saubre-far e dires daus dròlles d’autres còps »

Per descubrir e chapusar los esbatòris dau temps que nòstres grands parents eran pitits e sabian se servir d’un coteu : grelets e malhadas, chabretas e charameus, petaraba, bruset, brama, ronfla…
Queu pitit atalier se fara mai que mai en plena saba, a la prima. Defòra, a l’òrle d’un plais o d’un eissart ente nos trobaram las gitòlas, qu’es enguera mielhs ! E si los goiats son minhards e pas tròp emplastres, lur contarai quauques contes de la tradicion que parlen d’un valhent pitit greu e de chens que cherchen un rei…


Pradelada toponimica « Los noms dau país »

Tot lu long de las rotas, a plens paneus, a plenas cartas, lu Limosin rampela de noms de luòcs. Vilatges, parcelas, puegs, rius, servas… ren que ne sia pas baptizat. Quela animacion vos perpausa justadament de ’nar dins vòstres ranvers ’massar quauqu’uns de quilhs noms – metam un bon plen panier – e de vos far descubrir lur tesmonhatge lingüistic, istoric e culturau.
Quela intervencion pòt se far barrats entre quatre muralhas, mas qu’es plan mielhs si nos podem pradelar sur los chamins de la comuna entre vilatges e fons de prats e segre las piadas laissadas dins la toponimia per los paisatges naturaus e umans.

Contacte : Institut d'estudis occitans dau Lemosin
vignette_60909.jpg
Tellier, Solange
Moors, Astrid. Ill.
Pichon Lop sembla pas gaires los fraires e la sòrre : lo jorn, sòmia en tot escotar los aucèls e la nuèch, se perd dins las estèlas. L'istòria de Pichon Lop sauprà far somiar los dròlles qu'escotan lor còr.
vignette_60908.jpg
Dixon, Jacqueline
Niruf, Paul
Peissoneta es una dròlla-peis, es a dire que li agradan fòrça los peisses : se carra de los remirar dins lor mitan, d'escotar o de legir d'istòrias sus de peisses estranhs o de badar davant de pinturas de peisses fabuloses ! Ne vendrà per tant palmidèda ?
vignette_liame.jpg
CIRDOC - Institut occitan de cultura

PRESENTACION

En còrs o en provençal, evocant la libertat, la descobèrta de se e de l'Autre, Liza l'Occitana (votz, piano) & Lionel Giacomini (votz, guitarra) acòrdan lors al mormolh delicat d'una guitarra e d'un piano a las sonoritats folk-pop. Un concèrt propausat pel CIRDOC a l'escasença de son tradicional Nadalet, per una serada virada cap a Mediterranèa.


INFORMACIONS PRACTICAS

Lo dijòus 12/12 a 18h30 - CIRDOC (Besièrs)
Adreça : 1 bis bd Du Guesclin, 34500 Béziers cedex 
Infos e reservacions : secretariat@oc-cultura.eu / 04.67.11.85.13.
vignette_60899.jpg
Baldet, Franck
Dins la Contea de Nissa au mitan dau sègle 19n, un paure òme sembla tocat per un estranh virus que lo fa delirar. Degun non capisse cen que pòu èstre, e lo misteriós virus s’espandisse dins la populacion fins a un certan mes de junh. Mas rasseguratz-vos, aquò non es qu’un marrit pantais… ò pas…
vignette_murmure.jpg

PRESENTACION

Una contaira e de còdols : un dispositiu minimalista e poetic que permet de s'escapar, lo temps d'un, dos, tres, quatre o cinc contes, dins l'imaginari dels contes populars. 
Un enfant ven fretar un còdol, a la manièra de lampa d'Aladin... freta freta freta... E una istòria venguda del fons dels atges, colportada per un peisson d'aur, se daissa alara contar pel plaser de las petitas coma de las grandas aurelhas !
En tota simplicitat e amb fòrça expressivitat, la votz de la contaira, los mots, la gestuala, la musicalitat de la lenga occitana, nos transpòrtan vèrs un alhors que ne tornam tot reviscolats !
« Les Murmures du galet » desclina de contes eissits de mantuna tradicion populara, inseradas dins una trama que fa referéncia al Capaironet rog, al Peisson d'Aur e a las Milas e Una Nuèits : una drolleta que rend visita a sa « mameta » rencontra un peisson que li contarà d'istòrias quand fretarà còdols...
 
Los contes, viatjaires per esséncia, son aicí contats en francés colaurat d'occitan, mas tròban lor origina dins de culturas del monde entièr : occitana, celtica, amerindiana, tsigana, escandinava, orientala, africana... Contes filosofics, facecioses, etiologica, meravilhoses... son tirats al sòrt pels enfants que venon causir un còdol « portaire d'istòria ». 
Lo repertòri es adaptat a l'atge de l'auditòri e al contèxte... aital cada espectacle es diferent e unic ! 

FICHA TECNICA

Version tot-petits : 4-6 ans (40 min)
Version tot public a partir de 5-6 ans (50 min a 1h)
Version tout public a partir de 6 ans (1h)

CONTACTE DIFUSION

Agence Sirventés. 
conte.rue@sirventes.com
vignette_premi-2025.jpg
Jeanne-Marie Vazelle - CIRDOC - Institut occitan de cultura



C'est reparti pour une année de lecture avec le Prèmi literari Calandreta !

Créé en 2014 à l'initiative de la Calandreta Dagtenca, le Prèmi literari Calandreta est un prix littéraire ouvert à toutes les classes qui souhaitent y participer (Calandretas mais aussi toute autre classe de l'enseignement public comme privé). Les jurés sont les élèves eux-mêmes.

Pour la 2e année, c'est à Narbonne, accueillis par les Calandretas narbonesas, que les classes et les auteurs se donneront rendez-vous au printemps 2025 pour la remise des prix, avec la participation du CIRDOC - Institut occitan de cultura.

Retrouvez ici le détail de la sélection officielle, réalisée par l'équipe organisatrice du Prèmi en collaboration avec les bibliothécaires du CIRDOC - Institut occitan de cultura.
Les inscriptions sont ouvertes.


La Sélection 2024-2025

Maternelles

Cycle 2

Cycle 3

Collège

Lo Mescladís e Zibola - Robert Pastor - ed. Jaccon Gilbert  / diff. IEO Erau
- Acampada de Famillha e d'autres racontes - ed. CAOC

Présentation du prix

Les classes qui désirent participer au prix liront les 4 livres sélectionnés (du niveau de lecture adapté) et voteront pour élire l'ouvrage qui leur plaît le plus.

Objectifs pour l'enseignant

Mobiliser les élèves autour d'un beau projet de lecture. Permettre des échanges et choix dans la classe autour d'œuvres littéraires occitanes. Mener les écoliers à renforcer leur créativité en prolongeant la lecture par une exploitation transversale des oeuvres présentées dans le cadre du prix. 

Intérêts pour les élèves

- Découvrir le plaisir de lire et la littérature occitane  
- Aprendre à critiquer et participer à l'élection d'une œuvre littéraire.
- Prolonger le prix en créant par classe ou en groupe, une œuvre originale en lien avec l'ouvrage choisi (en arts plastiques, en langue, projet de découverte...)
- Rencontrer les auteurs et illustrateurs occitans et participer à l'exposition des œuvres. 

Règlement

Le règlement complet est consultable ici.

Calendrier du prix

Jusqu'en octobre 2024
- Inscriptions des classes

De septembre à mars
- Temps de lecture pour les classes
- Organisation d'activités autour du prix littéraire pour ceux qui le souhaitent
- Pour les enseignants, formation coopérative autour des albums organisée au fil de l'année par APRENE au CIRDOC - Institut occitan de cultura (site de Béziers)

À partir de février
- Réception du matériel pour voter  

Printemps
- Transmission du choix à l'école Calandreta Dagtenca

Lors de la Passejada literària à Narbonne
1- Annonce des résultats du prix (par cycle)
2- Rencontre d'auteurs 
3- Exposition des créations des participants

Contact 

premi.literari.calandreta  {a}  gmail.com

 

vignette-maison-manciet.jpg
Archives Départementales des Landes

PRESENTACION

Inspirat en medish temps deus gabinets de curiosèrs e de las maisons d'escrivans, aqueth objècte de mediacion hèit peus Archius Departamentaus de las Lanas, que permet de descobrir l'òbra e l'autor Bernat Manciet. Aqueth dispositiu, sollicitant un sarròt de sens e en utilizant divèrs tipes de mediacion que s'adreça a diferents publics gràcias a mei d'un nivèu de lectura (escolans, adultes, public en situacion de handicap). Que's poderà utilizar com supòrt de mediacion dens l'encastre d'animacions en classa o en autonomia per exemple dens las mediatècas.
Los davants de l'ostau qu'an per mira d'assabentar suu contèxte de creacion de l'òbra de Manciet dab ua reproduccion d’ua mapa de las Lanas, ua reproduccion deus manuscriuts de l'autor, ua biografia braca e elements de decòrs suus tèmas deu bòsc landés e de la Mar grana.

La Maison Bernard Manciet que's compausa de duas partidas e, un còp obèrta, que's prèsta a ua mediacion en 3 estapas :

  •  l'obertura qu’amuisha, sus quate placas asimantadas, ua fresca sociau figurant, d'ua part, ua plaça de vilatge e la hera e, d'auta part, lo huec capvath la lana grana. Aqueras placas que constitueishen atau dus davants au dehens darrèr las quaus s'estujan d’autes univèrs revelats en las estapas seguentas de la mediacion.
  • En ua dusau estapa, un còp las duas placas asimantadas superioras depausadas, dus navèths univèrs en pop-up, dab figuras se destacant sus mantun plan, que's balhan alavetz a véder, abrigats devath lo teit de l'ostau : la Leyre e la sarra, d'un costat, e lo maridatge e l'enterrament, de l'aute.
    Un còp viradas, las duas placas asimantadas inferioras que revèlan, a l'embaish de l'ostau, dus navèths univèrs hant reclam aus deu solèr de haut : la tempèsta, d'un costat, e la guèrra, de l'aute. Las duas placas asimantadas superioras precedentament depausadas que pòden en seguint estar tornadas posicionar de la part invèrsa e lo lor denvèrs que revèla alavetz reproduccions de documents d'archius en ligam dab las tematicas deus univèrs deu baish.
  • Dens ua tresau estapa, un còp las duas placas asimantadas inferioras depausadas, lo dehens de l'embaish de l'ostau, formant lo « canton deus archius » dont las parets e sòus e son tapissats de reproduccions de documents fotografics e de documents d'archius, que contien, de l’ua part e de l’auta, ua mini-arca e ua mini-mala comprenent facsimiles d'archius, fotografias de l’ostau « vertadèr », mini-libes de Manciet o enqüèra dus leporellos (un suu camin de l'edicion e l'aute suus personatges de l'òbra de Manciet).

Lo sòcle de la soa caisha d'estruç que contien :

  • 25 monaquetas representant personatges principaus de l'òbra de Manciet que vieneràn completar e animar la descobèrta deus univèrs tematics, atau com 6 accessòris emblematics qui poderàn viéner vestir l'ostau.
  • Un hautavotz acostic que permet d'enriquir l'experiéncia visuau dab ua experiéncia sonòra dab ua sonotèca rica de 8 cintas audio (ua benda-anóncia que’s pòt léger en bocla, 5 lecturas de l'òbra de Manciet dirèctament ligadas aus univèrs tematics presentats a l'interior de l'ostau, ua improvisacion vocau e musicau de Manciet e Lubat en lenga occitana e, fin finau, ua entervista de Manciet), accessiblas dab 8 botons en davant.

PUBLIC :

Deus escolans dinc aus membres d’EHPAD.

FICA TECNICA :

  • 1 ostau de husta dab los sons elements en dehens
  • 1 supòrt d’arrodetas dab dispositiu sonòrs, telecomanda, multipresa e estruç
  • 1 contenent de husta d'estruç e proteccion de l'ostau
  • 25 monaquetas personatges e 6 monaquetas accessòrias
  • 1 liberet d'acompanhament + 1 liberet sus Bernard Manciet + 1 catalògue de mustra « Au país de l'esquiva »

Barrada, la mala que mesura 64*55*80 cm e lo totau que pesa 43 Kg.
Entà totas las manutencions, l'ideau qu'ei de dispausar de duas personas.

CONTACTE DIFUSION

CIRDOC - Institut Occitan de Cultura.
secretariat@oc-cultura.eu / 04.67.11.85.10.
vignette_60892.jpg
Motte, Jean-Paul
Croux, Pierre
Jean de La Fontaine déambule en Luberon

Inspiré de 15 fables de La Fontaine, ouvrage bilingue provençal-français.
sus 702