Explorar los documents (7018 total)

vignette_ctoc.jpg
CIRDOC - Institut occitan de cultura

PRESENTACION 

Lo CIRDOC - Institut occitan de cultura e lo Centre de formacion professionala occitan (CFPO Region Occitània) vos propausan lo cicle Cultiva ton Òc (CTOC), d'unas sessions de sensibilizacion a l’occitan, lenga e cultura a destinacion dels Grands debutants.

A partir del 3 d'octòbre, Cultiva ton Òc son 6 rdv per aprene las basas d'una conversacion en occitan, e descobrir una cultura rica de multiplas facietas. Cada sesilha vos propausarà d'abordar un punt de lenga e mai una clau (une clé) culturala per descobrir l’occitan tal coma se practica en aquel sègle 21 e noirir vòstras practicas d'uèi e de deman.

E tot lo long de l'annada, una seria de rdv culturals CTOC e mai, vos permetràn de perseguir vòstra immersion lingüistica e culturala per fin d'enriquir vòstras coneissenças. 

PROGRAMA DEL CICLE CTOC 2024

03/10 : Lenga - Se presentar a l'oral en occitan / La Clau - Qu’es aquò l’Occitània ?
10/10 : Lenga - Crear de mots occitan e los prononciar ( Palancas e prononciacion) /  La Clau - Trobadors e trobairitz.
17/10 : Lenga - Pausar de questions simplas /  La Clau - Animals totemics. À la découverte d’une pratique vivante.
07/11 : Lenga - Parlar de uèi, ièr e deman ; data e ora ; tempses verbals /  La Clau - Panorama des musiques occitanes.
14/11 : Lenga -  Localizar un objècte dins l'espaci /  La Clau - Descobrir la literatura occitana actuala. 
21/11 : Lenga -  Utilizar lo vocabulari de la vida vidanta / La Clau - Les sports traditionnels. 

Les rendez-vous culturels CTOC e mai (automne 2024, d’autres dates à venir)

09/10 : « Marie de Montpellier (c.1182-1213) » - Causerie-rencontre. Histoire
Novembre : Setmana Calabraise. Danses et musiques traditionnelles
Novembre : Visite de Béziers en occitan. Histoire

INFORMACIONS PRACTICAS 

Los dijòus (en defòra de las vacanças escolaras), del 03 d'octòbre al 21 de novembre de 2024, de 17h30 a 19h00

Inscripcion gratuita per totes los aderents a la Mediatèca occitana. (Attencion nombre de plaças limitadas.)

RENDÈTZ-VOS CTOC E MAI - Obèrts a totes, gratuitament sens obligacion de seguir lo cicle de talhièrs. 

CIRDOC t (Besièrs) : 1 bis, Bd Du-Guesclin, 34500 Besièrs
Infos e inscripcions : secretariat@oc-cultura.eu / 04.67.11.85.10.
vignette_larapine.jpg
CIRDOC - Institut occitan de cultura

PRESENTACION 

Musica, cant e art del conte son al programa d'aquela creacion novèla (en cors) de la companhiá Moité-Mitat, a destinacion d'un public joinesa (tre 3 ans). Tùn tùn e acordeon, e tanben rèssas, ferrats, carretas e podadoiras, portaràn aquel elògi de l'art de la culhida e de sas tradicions ancestralas. Lo tot en bilingüa, occitan-francés, coma un jòc de lengatge, portat per la musica de la lenga, de las lengas. Un polit rencontre per descobrir lo païsatge sonòr de nòstras contradas e lor istòria.

L'espectacle, en cors de creacion, serà presentat al public al sortir d'una setmana de trabalh al CIRDÒC (Besièrs).

INFORMACIONS PRACTICAS 

CIRDOC - Institut occitan de cultura, site de Besièrs
1 bis Bd Du Guesclin, 34500 Besièrs

Dintrada gratuita, inscripcion conselhada

Ne saber mai :
Contact  secretariat@oc-cultura.eu / 04.67.11.85.13.

vignette_escrivans2024.jpg
CIRDOC - Institut occitan de cultura
Les Éditions Reclams

PRESENTACION 


Dissabte 12 d'octobre, lo CIRDÒC - Institut occitan de cultura e las edicions Reclams qu'organizan au Musèu de Shalòssa (Monthòrt), l'eveniment ESCRIVANS - ua crotzada d'autors, jornada literària.

Objectius de la jornada :
Aquera jornada professionau destinada aus autors qu'a per mira de sostiéner la creacion literària occitana e har espelir de navèras plumas.
Los autors - confirmats com debutants - qu'accediràn a temps d'escambis e de practicas (talhèrs d'escritura, talhèr suus còdis e practicas de la Novèla), e que seràn metuts en preséncia d'especialistas e actors deu maine de las letras e de l'edicion.

Aquera navera edicion estarà dedicada a la sciéncia-ficcion. 

Programa : 

Dissabte 12 d'octòbre : 

9h30 : Arcuèlh

9h30 - 09h45 : Obertura de l'edicion 2024 en preséncia dels partenaris de l’operacion ( CIRDOC - Institut occitan de cultura / Reclams / Musèu de la Shalòssa)

09h45 - 11h00 : Intervencion de Pascal J. Thomas : « La sciéncia-ficcion, dinamica de grop e còdis d’un genre literari en evolucion »
11h15 -12h30 : ALCA : l'estatut deus autors e autoras. Quadres, drets e reglamentacion. 
12h30-14h00 : Repais partatjat ofèrt peu CIRDOC - Institut occitan de cultura 
14h15 -15h30 :  Talhèr d’escritura peu Reclams - Liure cors al roman
 
15h30  : Entercambis e bilanç de la jornada 

16h00 : Visita deu Musèu de la Shalòssa (Exposicion Lise Deharme, la femme surréaliste) - Sus inscripcion obligatòria

INFORMACIONS PRACTICAS 

Inscripcion gratuita a la jornada deu 12 d'octòbre (inscripcions obèrtas fins al 20/09 inclús) via lo formulari : abrac.at/escrivans2024 o per mél per cas : s.juan@oc-cultura.eu 

Entà ua presa en carga de las vòstas despensas de desplaçament per Reclams : reclamsedicions@gmail.com  
E per tota question : s.juan@oc-cultura.eu   

Un eveniment organizat peu CIRDÒC - Institut occitan de cultura e las edicions Reclams, e en associacion dab lo Musèu de Shalòssa.
vignette_60876.jpg
Martí Bertran, Pere
Ramon, Pau, Marc e Mercè se prepausen deféner as animaus, autant es mautractadi coma es que son en perilh d’extincion. Era tropa ac viuerà coma ua grana aventura e descorbirà era amistat, era generositat, era solidaritat... e, sustot, que fòrça causes petites pòden arribar a hèr-ne ua de grana. Novèlla d’aventures.
vignette_60875.jpg
Daram, Audrey
Daram, Hélène. Ill.
Doas joventas vivon amassa una vida tranquilla al campèstre. A dich de veire molons e molonadas de nenons al l’entorn, an enveja de ne’n aver un, elas tanben, un que siá plan a elas. Lor cal un pauc se copar lo cap, segur, mas fin finala, lo nenon arriba a l’ostal…

Un pichon album illustrat, bilingüe : tèxtes franceses e occitan lengadocian cap e cap. Revirada occitana de Marie-Pierre Sclafer.
vignette_60874.jpg
Jouve, Patricia
Dins lo grand bòsc sorne dei mila rores, a l’ora que toei lei pichòts fadets son ja endormits, n’i a un que seis uelhs rèstan grands duberts. Es Foleton que capita pas de s’endormir. A paur dau negre…
vignette_60870.jpg
Viaule, Sèrgi
Amb aqueste novèl raconte, Sèrgi Viaule nos mena suls sendarèls del massís del Mont-Blanc. La Virada del Mont-Blanc es segurament la bocla pedèstra mai presada d'Euròpa. Se tracha d'una escorreguda de 170 quilomètres de mejana e nauta montanha a travèrs tres Estats (França, Itàlia e Soïssa). Una virada que compta de passatges a mai de 2.500 mètres d'altitud. Una caminada que cadun es convidat d'endralhar al seu ritme. L'autor la tracèt en onze jorns. Totes los que l'an boclada son d'acòrdi per dire qu'aquela virada es una experiéncia marcanta. Sèrgi Viaule afortís l'aver complida « coma una necessitat d'equilibri psicologic e fisic. Coma lo besonh de respondre favorablament a la crida lancejanta de la montanha que de longa pòrti en ieu. Una sollicitacion permanenta qu'ausissi coma un mormolh breçolaire ». Un còp de mai, amb una escritura al present e a la primièra persona, l'autor mena lo legeire dins l'accion.
vignette_affiche_hcl34.jpg
CIRDOC - Institut occitan de cultura
Histoire et Culture en Languedoc - 34
L'istòria dels sègles XII e XIII en Lengadòc se presenta coma un miralh a mantuna facieta que s'i passejam dins un intervalle espaciotemporal, e que la vida de Maria de Montpelhièr ne serà nòstre fial conductor.
En efèit, Maria s'inscriu dins lo linhatge de las nautas figuras femeninas occitanas que va d’Almodis de la Marche (1023-1071), comtessa de Barcelona, puèi a Ermengarda, vescomtessa de Narbona (1127-1196).
Als sègles XII e XIII, vesèm se desvolopar un movement occitano-iberic basat sus una dobèrtura culturala e filosofica apelada Convivéncia, pròcha de çò que nomenam a l'ora d'ara : Alteritat.
D'aquela movença naisserà la « Civilization dels Trobadors ».
Convèrsa crozada de Pèire Joan Bernard e d'Alem Surre-Garcia puèi rencontre-dedicàcia de son darrièr obratge "Convivéncia" (Tròba vox, 2024), permetràn d'explorar l'Edat Mejana occitan a travèrs d'una de sas figuras femeninas emblematicas.
Un eveniment en partenariat amb l'associacion HCL34.

PROGRAMA

14h15 : Acuèlh dels participants
14h30 : Presentacion del 17en Rencontre del Patrimòni istoric
Jean-Louis LACROIX President de HCL34, Maguy CHAPOT-BLANQUET
Descobèrta de l'exposicion del CIRDOC " La granda revirada. L'occitan, lenga de traduccions "
15h00 : Convèrsa a l'entorn de " Maria de Montpelhièr (c. 1182-1213), al miralh de la societat dels sègles XII et XIII" amb Pèire Joan Bernard (archivista) e Alem Surre-Garcia (istorian, escrivan)
16h15 : Presentacion-dedicàcia de l'obratge La Convivéncia (Ed.Tròba Vox, 2024) per son autor Alem Surre-Garcia
16h45 : Clausadura de la jornada - refrescaments


INFORMACIONS PRACTICAS

Lo dimècres 9/10 a 14h30 - CIRDOC (Besièrs)
Adreça : 1 bis bd Du Guesclin, 34500 Béziers cedex 
Infos e reservacions : secretariat@oc-cultura.eu / 04.67.11.85.13.
vignette_60868.jpg
Jouveau, René
Delavouët, Max-Philippe. Ill.
Nouvelle édition illustrée avec les gravures de l'édition originale.

Plus qu’une science, la cuisine est un art, le plus important de tous peut-être puisque c’est le seul qui nourrisse sûrement son homme. Un art n’a pour but que d’exalter le cœur et l’esprit à travers l’émotion ressentie par un ou plusieurs sens à la fois. La musique s’adresse à l’ouïe, la peinture à la vue, la sculpture au toucher et à la vue ; la cuisine, elle, s’adresse au goût, et je dirai même à la vue, à l’odorat et au goût – et les raffinés qui mangent avec les doigts y ajoutent le toucher. (Max-Philippe Delavouët)

Il y a une cuisine provençale de tradition populaire qui ne coïncide pas absolument avec les livres de cuisine provençale classiques en ce sens que ces livres ne donnent pas une idée de la façon dont mangent vraiment les Provençaux. Ils laissent de côté, et l’on comprend pourquoi, les préparations les plus simples, et qui ne comportent pour ainsi dire pas de recettes. Et pourtant, à les négliger, on défigure la physionomie de la table provençale qui vaut essentiellement par sa simplicité et par sa rusticité. Mais l’une et l’autre sont géniales. Nous voulons dire par là que pour chaque produit du sol ou de la mer, la cuisine provençale a trouvé des préparations à la fois simples et originales qui étonnent par leur perfection. (René Jouveau)
vignette_60867.jpg
Un metòde d'ensenhament deu gascon

Qu'ei lo purmèr tòme d'un metòde qui n'aurà dus. Cada tòme que comprenerà 8 capítols de 6 paginas de color cadun. Que serà destinat a l'ensenhament segondari com taus grops d'aprenents adultes.
sus 702