Explorar los documents (866 total)
Trad'Session - Bal Cance & Courtial - Tè Vé Òc
Gros, Lise. Metteur en scène ou réalisateur
Emission dau 6 de novembre de 2019
A Banhòu de Cèse, au nòrd-est de Gard, la sala de musicas de « La Moba », una cooperativa creada en 2017, aculhiguèt una « Trad'Session », organizada per Le Fil Production e lo Label Mektoub. Per aquela serada bolegadissa, es lo grop La Ficelle, acompanhat dau rapaire R Can, que dubriguèron lo balèti, seguits per lo « Bal Cance / Courtial ». Nautrei avèm rescontrat Arnaud Cance e Paulin Courtial, per una entrevista en occitan sus son projècte de cançons a dançar. Profichatz tanben dei polits tròç de concèrt d'aqueu duo a La Moba !
Un reportatge d'Amada Cròs.
Un reportatge d'Amada Cròs.
[resumit de Tè Vé Òc]
Lo grop Djahlekt - una mosaïca musicala - Tè Vé Òc
Gros, Lise. Metteur en scène ou réalisateur
Emission dau 23 d'octobre de 2019
A Pònt-Sant-Esperit, dins Gard, un grop de musicians de mai d'una generacion jògan de musica reggae « festiu ». Sa particularitat es de faire de compausicions e represas dins tres lengas : l'occitan, lo francés e l'anglés. Vos prepausam una entrevista de John Pradal, lo joine cantaire e autor-compausitor de Djahlekt. Lo grop, que coneissiá ren de la lenga e la cultura d'òc a son començament, es ara implicat dins la promocion d'aquestei. En mai d'aquela entrevista, vos prepausam quauquei tròç dau concèrt, filmat a l'escasença dau "Festi' Rock'Ail" a Piolenc, dins Vauclusa.
Un reportatge d'Amada Cròs.
Un reportatge d'Amada Cròs.
[resumit de Tè Vé Òc]
Òbra de manescau - Tè Vé Òc
Gros, Lise. Metteur en scène ou réalisateur
Emission dau 16 d'octobre de 2019
Dins aqueste reportatge, vos presentam l'òbra d'un manescau, Sébastien Agullo, que nos fai cabussar dins son mestièr, ambé de demostracions dins lo mas de Théo, a Bèuvesin, ont aviam ja fach una emission. La manescalariá es un mestièr antic que lei òmes n'an totjorn de besonh, subretot ambé l'espandida dei centres equèstres. Descubrètz en detalhs totei leis etapas de son òbra, dau desferratge au riblatge, sus lei pès dau brave Djemello. Amb aquò, Jaumelina, sòcia de Tè Vé Òc, que nos fai mòstra de sa complicitat ambé son chivau.
Un reportatge de Jaumelina Bizet e Amada Cròs.
Un reportatge de Jaumelina Bizet e Amada Cròs.
[resumit de Tè Vé Òc]
Présentation de « 50 ans de borbolh occitan : culture et mouvements occitans de 1968 à nos jours »
En 2018, l'INA (Institut national de l'audiovisuel) et le CIRDOC – Institut occitan de cultura signaient un accord de coopération visant à mettre en commun leurs collections, savoirs et compétences afin de proposer au public une autre histoire du monde contemporain, vue d'ici, de l'Occitanie, d'un point de vue occitan.
En collaboration étroite avec le laboratoire LLACS-REDÒC de l'Université Paul-Valéry Montpellier 3, un groupe de travail composé de documentalistes, chercheuses et chercheurs, journalistes se sont alors plongés dans les dizaines de milliers de documents conservés par les deux institutions : archives de l'audiovisuel public pour l'INA, archives de la création et du mouvement occitan pour le CIRDOC.
Le résultat, c'est une grande fesque numérique en ligne qui met en regard ces images, textes et archives sonores, comme l'illustre cette vidéo de présentation réalisée en août 2018, en amont du projet.
Lei 150 ans de Baroncelli au Palais dau Rore - Tè Vé Òc
Cros, Amy. Metteur en scène ou réalisateur
Emission dau 5 d'octobre de 2019
Au Palais dau Rore, lo cicle dau novelum s'interessa aquesta annada a Folco di Baroncelli, per sei 150 ans. De setembre a junh, una mòstra sus lo Marquès es dubèrta en totei, dins la sala Marcèu Bosqui. En mai d'aquò, un molon de manifestacions ponctuan l'eveniment annuau. Nautrei, avèm profichat de la serada d'inauguracion dau cicle per entrevistar Annelyse Chevalier, Faneta Hills e Regina Perrin. Lo tot, acompanhat, entre autrei, d'imatges de la mòstra e de tròç dau docu-ficcion Rouge èi moun còr prepausat per Vizaprod.
Un reportatge d'Amada Cròs.
[resumit de Tè Vé Òc]
Muriel Babtie-Castell a l'UOE de 2019 - Tè Vé Òc
Gros, Lise. Metteur en scène ou réalisateur
Emission dau 5 d'octobre de 2019
A l’UOE de Nimes de 2019, lo tèma èra « Diversitat e libertat », e la cantaira Muriel Batbie Castell i faguèt un concèrt. De costuma canta lei trobadors, mai a Nimes presentèt « Par tous les chemins », un recitau musicau e poetic, orientat justament sus la diversitat, que causiguèt de cançons dins de lengas variadas. La polida votz clara de Muriel empliguèt la capèla de l’Ostau Diocesenc de Nimes. De moments d’esmoguda que, coma lo ditz Maria-Joana Verny dins sa presentacion de la cantaira : a una votz d’angèu.
Un reportatge de Lisa Gròs.
[resumit de Tè Vé Òc]
Bovina, un film documentaire de Tè Vé Òc
Gravier, Michel. Metteur en scène ou réalisateur
Dempuèi totjorn l’òme e lo buòu sauvatge s’enfrontèron. Dei pinturas rupestras a uèi, lei testimoniatges son fòrts. Dins çò que Folco de Baroncelli disiá lo Triangle Sacrat, la corsa camarguenca e leis activitats a son entorn an creat la Fe dei Buòus, una passion que recampa çò que se ditz lo monde de la Bovina. La Bovina la podetz descubrir dins aquel film de Tè Vé Òc.
Transmission e diversitat - Tè Vé Òc
Michèle Lapierre. Metteur en scène ou réalisateur
Patrick Lapierre. Metteur en scène ou réalisateur
Patrick Lapierre. Metteur en scène ou réalisateur
Emission dau 25 de septembre de 2019
I a de temps que la transmission de la lenga nòstra se fai pas pus dins l’encastre naturau de la familha. Pas mai a l’escòla que ne’n fai gaire per manca de mejans. Dins Gard, diversas associacions òbran per la promocion de la lenga e de la cultura occitana. Demièg elei, la MARPOC e l’IEO organizan tot del long de l’annada d’accions dins l’amira de diffusir e far conéisser mièlhs aquela lenga e aquela cultura : Estagis de cants, de lenga, de teatre, viatges, mòstras o encara l’Universitat Occitana d’Estiu qu'es organizada dempuèi mai de 40 ans. Venetz descubrir quauqueis unei d’aquelas activitats que benlèu vos bailaràn l’enveja de rejonher la còla de la MARPOC o l’IEO.
Un reportatge de Miquèla e Patric Lapierre.
[resumit de Tè Vé Òc]
[resumit de Tè Vé Òc]
La Calandreta d'Aurenja - Tè Vé Òc
Cros, Amy. Metteur en scène ou réalisateur
Emission dau 18 de septembre de 2019
Es en 1993 que la promièra calandreta de Provença veguèt lo jorn en Aurenja, dins Vauclusa. L'iniciativa de quauquei gents recampats permet fins qu'a uei a de desenats d'escolans d'aprene lo provençau tre 2 ans. La calandreta d'Aurenja s'apiela sus un malhum dinamic entre associatius, gents e regents. En mai dei sortidas en exterior, de manifestacions dònan de vam ais enfants : castanhada, mercat de Novè, torton dei rèis, dictada occitana e fèsta de fin d'annada. Tanben, dins lei classas lei regents convidan de parents per son especialitat, quauca-ren que podrián partejar ambé lei pichòts. Una dubertura sus lo monde que manten ben aquela escòla encara unenca en Vauclusa.
Un reportatge d'Amada Cròs.
[resumit de Tè Vé Òc]
Estrena a l'Ostal Sirventes - Tè Vé Òc
Gros, Lise. Metteur en scène ou réalisateur
Emission dau 11 de septembre de 2019
Vos menam a Carcassona, dins l'Ostal Sirventes, per vos presentar un reportatge a l'escasença dau « Sirventes d'estiu ». Alan Roch, president de l 'IEO d'Aude e Mirelha Braç organizèron una serada bèla alentorn dau tèma deis arbres. L'estrena èra aquela de la mòstra dei panèus de Gabriel Simonet sus leis arbres, lei plantas, lei bèstias... Un trabalh fin e complet, qu'èra tanben bilingue e fòrça didactic. Mirelha, qu'assegura lo cors d'occitan per adultes, presentèt una lectura a mantunas votz dau libre subrebèu e ben illustrat, L'òme que plantava d'arbres de Joan Giono ». Aquela serada fuguèt conviviala, ben rica e capitada. Per informacion, aquela manifestacion se perlongarà en octòbre 2019 amb lei Companhons de Paratge a l'entorn deis arbres. Un reportatge de Lisa Gròs.
Un reportatge de Lisa Gròs
[resumit de Tè Vé Òc]