Explorar los documents (94 total)

Un documentari animalier sus las bestionetas - Tè Vé Òc
Cros, Amy. Metteur en scène ou réalisateur

Emission del 08 de julhet de 2020

Bestionetas : un documentari animalier

Ambé d'imatges personaus e d'arquius d'emissions Lenga d'Òc, Amada Cròs prepausa un documentari animalier especiau « bestionetas ». Veiretz un moment inedit d'una libellula, tot just mudada, qu'es a sortir de son envolòpa (exuvie, en francés) per se secar au solèu. Faretz tanben coneissença ambé divèrsei menas de parpalhons, e cabussaretz dins la fragilitat de l'abelha. Identificacion, comportaments, particularitats, foncions dins nòstra biodiversitat pivelarèla, çò que nos fau faire per leis ajudar... Descubrirètz dins aquela emission fòrça visuala un pichòt monde sota l'uelh esmeravelhat de la camèra.

Un documentari d'Amada Cròs.

[resumit de Tè Vé Òc]

Manada Albert Chapelle - Tè Vé Òc
Carteyrade, Marc. Metteur en scène ou réalisateur

Emission del Primièr de julhet de 2020

Manada Albert Chapelle

De ièr a uèi : un apercebut  de la manada Chapelle a travèrs dos testimoniatges, aquel de son fondator Albert Chapelle e aquel de Florent Lupi son felen que li succeda.

Un reportatge de Marc Carteyrade

[resumit de Tè Vé Òc]

Leis aucèus e lei Provençaus (Seguida) - Tè Vé Òc
Cròs, Amy. Metteur en scène ou réalisateur

Emission del 24 de junh de 2020

Leis aucèus e lei Provençaus. II

Ambé d'imatges personaus e d'arquius d'emissions « Lenga d'Òc/Lengo d'O », vos prepausam dins aqueste documentari de nos interessar mielhs a la relacion entre lo ferum e leis umans. Per aquò, nos nos fondam sus l'obratge de Carles Galtier « Les Oiseaux de Provence dans le savoir populaire », editat en cò de Librairie Contemporaine. Aqueu libre recampa leis usatges, lei dichas, lei jòcs, la literatura orala a l'entorn deis aucèus, que lei Provençaus lei presan, o que lei crenhon. Adonc nautrei avèm seleccionat d'informacions que vos restituissèm ambé de vidèos dóu ferum volant, dei rapinaires ai passerons, una espécia qu'anatz veire amb un uelh provençau.

Un documentari d'Amada Cròs.

[resumit de Tè Vé Òc]

Leis aucèus e lei Provençaus - Tè Vé Òc
Cròs, Amy. Metteur en scène ou réalisateur

Emission del 17 de junh de 2020

Leis aucèus e lei Provençaus

Ambé d'imatges personaus e d'arquius d'emissions « Lenga d'Òc/Lengo d'O », vos prepausam dins aqueste documentari de nos interessar mielhs a la relacion entre lo ferum e leis umans. Per aquò, nos nos fondam sus l'obratge de Carles Galtier « Les Oiseaux de Provence dans le savoir populaire », editat en cò de Librairie Contemporaine. Aqueu libre recampa leis usatges, lei dichas, lei jòcs, la literatura orala a l'entorn deis aucèus, que lei Provençaus lei presan, o que lei crenhon. Adonc nautrei avèm seleccionat d'informacions que vos restituissèm ambé de vidèos dóu ferum volant, dei rapinaires ai passerons, una espécia qu'anatz veire amb un uelh provençau.

Un documentari d'Amada Cròs.

[resumit de Tè Vé Òc]

Joan de l'ors per dos contaires - Tè Vé Òc
Gros, Lise. Metteur en scène ou réalisateur

Emission del 09 de junh de 2020

Joan de l'ors per dos contaires

Joan de l'ors, lo conte tradicionau ben conegut es aicí contat per dos contaires professionaus : Alan Roch en languedocian e Ives Durand en gascon. L'occitan de dos parlars diferents tant coma dins de mesas en scèna diferentas.  Un meteis biais de faire marchar la lenga d'Òc.

Una realizacion de Lisa Gròs

[resumit de Tè Vé Òc]

Recepta de la carbonada flamanda - Tè Vé Òc
Crombet, Nina. Metteur en scène ou réalisateur
Crombet, Florent. Metteur en scène ou réalisateur

Emission del 03 de junh de 2020

Recepta de la carbonada flamanda

Nina, escolana de la calandreta Pèch Marin a Carcassona trabalhèt pendant lo confinament, coma leis autrei en tele trabalh.Lo regent Joan Francés Albert aviá prepausat a sei calandrons de faire una vidèo. Vaquí doncas la Nina e son paire Florent que preparan una carbonada flamanda amb aplicacion e precision. Podètz seguir la receta d'un bot a l'autre. Leis imatges son de Florent que faguèt amb sa filha lo montatge iniciau e es Miquèu Gravier que lo metèt puèi sus sa time line per vos prepausar de passar... a vòstra topin.

[resumit de Tè Vé Òc]

La profecia dau deluvi per Amada Cròs - Tè Vé Òc
Cros, Amy. Metteur en scène ou réalisateur

Emission del 27 de mai de 2020

Lo temps dau cònte : La profecia dau deluvi per Amada Cròs

Nineta manja ambé sa familha dins la vilòta de Nions, au pè d'un rocassàs. La pichoneta ausís subran una votz venent de la pèira, mai la plueia es à tombar. Curiosa, l'enfant davala dins lo tunèu opressant d'un passage escondut, just dessota lo rocassàs parlant. Aqueste es lo fossile d'una bèstia de fèr : la balena deis temps passats ! Deliura a Nineta lo messatge de la profecia dau deluvi, perqu'es « l'enfantona de còr de rotge ». Deu afrontar lo Rèi deis Abís, que menaça de tornar après tant d'annadas de descasença sota tèrra. Lo deluvi comença, la droleta es esprovada per sa mission. Mai ajudada dau Pontiàs, lo vent d'aqui, se revela ben coratjosa e fòrta...

Una realizacion d'Amada Cròs

[resumit de Tè Vé Òc]

Lo temps dau conte : Anne Clément - Tè Vé Òc
Gros, Lise. Metteur en scène ou réalisateur

Emission del 20 de mai de 2020

Lo temps dau conte : Anne Clément

Anne Clément e Millie Dolan presentèron aquel espectacle ric de contes e cants dei Cevenas. Retrobam aquí lei cants tradicionaus qu'illustran lei contes causits e dichs per Anne. Un viatge au pais dei Cevenas, amb sei biais de viure e leis extrachs nos passejan entre contes e cançons.

Una realizacion de Lisa Gròs

[resumit de Tè Vé Òc]

Lo temps dau conte : contes ai torres de Castilhon - Tè Vé Òc
Gravier, Michel. Metteur en scène ou réalisateur

Emission del 13 de mai de 2020

Lo temps dau conte : contes ai torres de Castilhon

Per un bèu jorn de prima ben ventat, Lisa Gròs e Enric Maquet animèron una passejada en Provença ai torres de Castilhon. Lisa faguèt viure sei contes dins un paisatge bèu, entre garrigas, canaus e roinas e l’Enric Maquet venguèt apondre sa musica e sei cants ben causits. D’un luòc a l’autre es lo pais que visquèt e desvelèt sei secrets a un public pivelat. La magia de Gantverd, l’òme que plantava de faviòus magics, la naissença d’una planta eissuda de l’amor decebut d’una princessa, la musica dei mots se mesclèron amb aquela d’Enric per lo plasèr grand dei participaires.

Una realizacion de Miquèu Gravier

[resumit de Tè Vé Òc]

La vestimenta au Musèu dau Nimes-Vièlh. Partida 2 - Tè Vé Òc
Cros, Amy. Metteur en scène ou réalisateur

Emission del 06 de mai de 2020

La vestimenta au Musèu dau Nimes-Vièlh. Partida 2

Guilhem Chevalier, estudiant en licéncia d'occitan a Montpelhier, es un apassionat de bèus teissuts. Es tot naturalament qu'acceptèt de nos comentar, en provençau, quauqueis objèctes de la colleccion textila au Musèu dau Nimes-Vielhs. Dins aquela 2nda partida de nòstra virada, contuhnam nòstra visita au plan-pè, ambé lo membre consacrat a la tela « Denim », teissut present sus una polida tenguda tradicionala que vos es presentada. Puèi anam au 1er estanci, onte Guilhem nos dona de detalhs sus una rauba « a la francesa », sus de polits bas fabricats dins Gard, de gilets pron ancians e una capa « indigo » de pastre. Venètz nos seguir, a la descubèrta dei tresaurs de vestimenta dau Nimes-Vièlhs.

Un reportatge d'Amada Cròs

[resumit de Tè Vé Òc]

sus 10