Explorar los documents (139 total)

artus-pescaire.jpg
Lenga d'òc/Lengo d'o : Artús, pescaire en Auvernhe / Tè Vé Òc
Tè Vé Òc. Producteur
Emission dau 5 de mai de 2017

En Auvernha, país de sa reire reire grand, lo joine Artús (un Carcassonenc de onze ans) nos fai descubrir sa passion per la pesca. D'Alièr en estanhs dau ròdol, partejam sei vacanças de Pascas.
Quora la tradicion respelís dins lo gèst d'un dròlle.
Reportatge : Lisa Gròs
musee-camargue-1.jpg
Lenga d'òc/Lengo d'o : Lo Musèu de Camarga / Tè Vé Òc
Tè Vé Òc. Producteur
Emission dau 28 d'abriu de 2017

Lo Musèu de la Camarga, que se tròba pròche Arles, es un espaci que recampa tot çò qu'es ligat a l'identitat camarguenca. Es amb Gaël Hémery, cap de projècte, que farètz la visita dau musèu. I comentarà lei veirinas que presentan lei particularitats dau canton, coma la fauna, la flòra, lei culturas, leis ostaus e praticas. La creacion artistica, la literatura de Camarga son tanben presentas dins aqueu luòc ric de testimoniatges. Tanben, lei bòrnas interactivas dau musèu ajudan per mièlhs descubrir lei secrets de Camarga, que vos seràn mostrats dins l'emission.
Un reportatge de Miquèu Gravier.
peira-romana-vaison.jpg
Lenga d'òc/Lengo d'o : Pèira romana en país rodanenc 1/4 : Vaison / Tè Vé Òc
Tè Vé Òc. Producteur
Emission dau 14 d'abriu de 2017

Es la primièra partida d'una seria de quatre documentaris que presentan de comparasons istorica, arquitecturala e culturala de quatre monuments en Provença rodanenca. Aquela emission es consacrada au teatre antic de Vaison. Entre lei presas de vista dau site roman e dau festenau "Vaison Danses", Melania Bienfait, guida, e Joan-Loís Ramel, ancian ensenhaire, nos partejan sei coneisséncias e impressions a prepaus d'aquel edifici que la foncion a jamai cambiat, dei Romans a uèi.
marineta-mazoyer-ales.jpg
Lenga d'òc/Lengo d'o : L'occitan en país d'Alès / Tè Vé Òc
Tè Vé Òc. Producteur
Emission dau 24 de març de 2017

Marineta Mazoyer nos passeja dins son país d’Alès, país d’enfança onte òbra sens relambi per faire viure la lenga e la cultura occitanas. Escrivana, nos presenta sei libres e sei contes. Descubrissem l’ample dau trabalh d’una militanta de tria.
jacou-en-musica.jpg
Lenga d'òc/Lengo d'o : Jacou en musica / Tè Vé Òc
Tè Vé Òc. Producteur
Emission dau 3 de març de 2017

Jacou en musica nos prepausa una serada de concèrt : Lo Cocut (corala d'òmes), Lo Chivalet de Cournonterral (musica), Les Cigales (corala feminina), un plaser grand !
sant-privat-teatre.jpg
Lenga d'òc/Lengo d'o : Estagi teatre occitan per jovents / Tè Vé Òc
Tè Vé Òc. Producteur
Emission dau 3 de març de 2017

A Sant-Privat-dels-Vièlhs, l'associacion Lenga e Cacalàs prepausèt, per la segonda annada, un estagi de teatre en occitan per leis escolans en vacanças. Descubrirètz dins aqueste reportatge un estrambòrd vertadièr dau joventum per lo teatre e la lenga nòstra. L'estagi, menat per quatre animatritz, debocarà sus doas restitucions davans lo public. Lo tèma d'aquest’an es la parodia publicitària.
lenga-d-oc-isclas-aur.jpg
Lenga d'òc/Lengo d'o : Leis Illas d'Aur / Tè Vé Òc
Tè Vé Òc. Producteur
Emission dau 24 de febrièr de 2017

"Per acabar lo mes de febrièr e oblidar la sason d'ivèrn, Claudi Queyrel vos mena sus leis Isclas d'Aur.
Ièras, Giens e Porcairòlas vos seràn presentadas sus fons de blau e d'aur. Farètz la descubèrta d'un païsatge unenc, de barris ancians e carrièiras tipicas d'aqueu canton. De que menar un pauc de solèu, de colors e de bèutat mediterranèa..."
m-cans-cessenon-2.jpg
Les villages de l'Hérault dans les années 1950 : Cessenon II
Cans, Michel. Metteur en scène ou réalisateur

Aqueste film negre e blanc, mut foguèt realizat per Michel Cans a Cessenon un jorn de comunion pendent los decennis 1950. Los imatges de la vida quotidiana (trabalh dels camps, bugada) passan un còp l'un, un còp l'autre a  las scènas de fèsta (comuniants que pausan, vira-vira).  Fa part de la colleccion "Los vilatges d'Erau dins las annadas 1950".

Conservacion dels filmes de Michel Cans al CIRDÒC :  

Lo CIRDÒC consèrva a Besièrs l'ensem de los filmes tournats per Michel Cans dins un seissantenat de vilatges d'Erau dins las annadas 1950. Las bobinas 16 mm d'origina foguèron d'en primièr transferidas sus VHS e foguèron a la seguida numerizadas entre 2010 e 2011.

L'ensem del fons e los dreches que i son estacats foguèron concedits pel realizator al CIDO entre 1989 e 1991. Lo CIDO ne faguèt don a la seguida al CIRDÒC en 2000.

Contengut dels filmes de Michel Cans conservats al CIRDÒC :  

Occitanica vos va permetre progressivament d'accedir a l'ensem d'aquel fons audiovisual en linha. Aqueles documents qu'illustran la vida dels vilatges de l'oèst eraurés an aquesit amb las annadas un interès patrimonial mas tanben sentimental pels estatjants d'Erau. Aqueles archius bruts son de filmes pas montats e muts, virats per la màger part en negre e blanc.

I podèm veire per exemple la Fèsta-Dieu a Cesseràs, lo Carnaval de Laurenç o Bojan, la Dança de las trelhas de Montblanc, la Fèsta de Nissan, d'Agatencas que pòrtan la cofa, etc.

sant-gervasi-2017.jpg
Lenga d'òc/Lengo d'o : Festenau Rescontre 2017 / Tè Vé Òc
TèVéÒc. Producteur
Cros, Amy. Metteur en scène ou réalisateur
Emission dau 10 de febrièr de 2017

Metre en avans la lenga e la cultura d'òc es la linha directritz dau Festenau de vidèo amator Rescontre. Aquesta manifestacion presentèt de corts-metratges de totas menas, e se debanèt a Sant-Gervasi, dins Gard. Lei videastas amators an aquí una veirina anuala.
Rescontre festejèt sa 7ena edicion amb d'òbras divèrsas, pròva qu'existís una espèra a l'entorn de la vidèo amator. Vos prepausam dins aquesta emission una revista de l'edicion 2017, qu'avèm orientada sus la creacion e la transmission.

sus 14