Explorar los documents (10732 total)

vignette-55611.jpg
Vasut a Usèste en 1921, l’Edoard Cantau creishot dens una familha de bordilèirs-gemèirs. Après son maridatge, vingot eth tanben bordilèir pui fermièr. En mèi deu trabalh de la tèrra e de las bretas, cercant autant a se ganhar la via com lo contacte dab las gents, se botèt viste a elevar polets que vendot, pendent mèi de 40 ans, suus marcats deu Vasadés. Petit òme de « 50 quilòs », estacant e conviviau, volontari e determinat, faceciós e badinaire, nos parla de sa vie e la de son vilatge, e nos conta, dab hòrt d’umor et de saber-hèser, quauquas hèitas e anecdòtas saborosas sus Usèste. Nos quitèt en 2019 a l’atge de 98 ans passats.

Tà'n saber mei
vignette-55610.jpg
Vasuda en 1954 dens una familha de peisans deu pinhadar de las Lanas de Gasconha emigrats en banlèga parisenca, Elena Jòlis creishot au mitan de l’occitan e deu francés. Enter Paris e Pompunha, son vilatge de neishença en Òlt-e-Garona, Elena nos parla de sos sovenirs de mainada, entre vila e campanha, e de son estacament a l’occitan. Elegida milhora obrèra de França, nos hèi descobrir son mestèir de dauraira sus libre e son mitan professionau. Hemna de passion, nos parla de son plasèr à ensenhar la dauradura dens de nombrós pèis deu monde. Hemna de conviccion, nos hèi partatjar sos engatjaments ciutadans e son biais de víver tot en sobrietat.

Tà'n saber mei
vignette-55609.jpg
« Aimi las vacas », torna díser sovent lo Jan-Pèir Dutreuil. E aquò se vei. S’en aprocha tot tuishau, lesi parla dab doçor, las careça. Com lo pair e lo papè, lo Jan-Pèir a totjorn vivut au mièi e au ritme de sas vacas. Elevaire e marchand de vacas dempui 50 ans a Birac, en Gironda, que li hèi dòu la fin deu temps on i avè vacas pertot dens la campanha e on los peisans vivèvan deu trabalh de la tèrra. Dens un gascon d’una granda beutat dont a totjorn parlat, nos hèi partatjar la passion de son mestèir e nos mia dens los prats, descobrir sas vacas e sos taurs, mès tanben au marcat de las bestias a Agen o enqüèra a la hèsta deus bueus gras a Vasats.

Tà'n saber mei
vignette-55608.jpg
Marie-Alix Nicaise, CIRDOC-Institut occitan de cultura
Las Nueits Atipicas que tornan préner la lor activitat dab ua seria de projeccions cinematograficas deu 18 de seteme au 1èr d’octobre, dens mei d’ua comuna de Gironda e d’Òut e Garona.

L’ensemble d’aqueths filmes documentaris, realizats per Patric La Vau, qu’ei en occitan sostitolat en francés.

Programa

Divés 18 de seteme : Lo mèrle e lo Gai – Usèste (33)

Dimèrcs 23 de seteme : Lo mèrle e lo Gai – Vasats (33)

Divés 25 de seteme : Au mièi de las vacas – Bordèu (33)

Dimenge 27 de seteme : Manejaira d'aur – Castèlgelós (47)

Dimèrcs 30 de seteme : Manejaira d'aur – Vasats (33)

Dijaus 1èr d’octobre : Max Lafarga, enfachilhat de poësia – Marmanda (47)

Tots los detalhs de la programacion
vignette_55606.jpg
Javaloyès, Sèrgi
Aqueste essai de Sèrgi Javaloyès que'ns pausa duas questions essenciaus sus la guèrra deu nom e de la grafia de la lenga d'Òc en Bearn e Gasconha. Quau ei la relacion enter lo nom de la lenga e la soa utilizacion orau e escriuta ? Per quinas rasons e i vad d'aspres conflictes per çò de la causida deu son nom e de la soa grafia quan la lenga gascona ei, uei lo dia, a tot de bon, en dangèr de morir ?
cabra.jpg
Gaby Mac Alister
Pascale Théron

PRESENTACION

Aquel espectacle tot public (a partir de 6 ans), construís a partir de contes e de tematicas ligadas al nòstre territòri, met en valor un instrument emblematic de la nòstra region : La Bodega o la Craba, mai gròssa de las cabras occitanas qu'a una sonoritat a l'encòp potenta, cauda e emmascanta. 

L'espectacle dura 45 minutas e se perlonga per un pichon balèti. 
Es l'istòria d'una cabra messorguièra, que morís per mièlhs renàisser per la musica. Es la quèsta del bodegaire Guilhem en cèrca de son fraire e de sa sòrre... I a de foletons, lo Drac e sustot la polida Bruna. E coma aiman que las istòria s'acaban plan, i a una nòça que lo public es convidat per dançar, dançar... Al son de la bodega. 

EQUIPA ARTISTICA

Gaby Mac Alister : contaira
Pascale Théron : musiciana

FICHA TECNICA

Audiéncia :100 personas
Espaci scenic 3m X 5m
Fonds negre
Ocultacion de la lutz del jorn
Esclairatge : 2 pès lum 

CONTACTE DIFUSION


Contacte Pascale : 04 67 95 21 10 / 06 37 93 74 92
Site internet : https://tafanari.wixsite.com/
PhotoTrioClamor.jpg

PRESENTACION

Concèrt en omenatge a la Retirada e als pòbles en exili. 

« Clameur ! Pareille à celle des républicains espagnols se dressant le poing levé contre la dictature et l'oppression, comme mon grand-père Juan, se retrouvant captif dans des prisons froides et funestes, pour avoir lutté pour la Liberté... »
Sandra Hurtado-Ròs

La cantaira, pianista e compositritz, qu'a partejat mai d'un còp la scèna amb Paco Ibañez, se lança un novèl desfís : l'interpretacion de poètas contemporanèus ligats a son istòria personala, la de l'exil dels republicans espanhòls (Miguel Hernández, Federico García Lorca, Antonio Machado) e la dels poètas occitans qu'evòcan l'exil en Mediterranèa (Aurèlia Lassaca, Alem Surre-Garcia, Franc Bardòu, Gérard Zuchetto) que met en musica e canta dins son disc novèl Clamor... y vientos de amores. 

EQUIPA ARTISTICA

Amb :
Sandra Hurtado-Ròs (cant, pianò),
Claire Masson (violoncèl),
Gildas Becquet (contrabassa)
Nicolas Algans (cornet).

FICHA TECNICA

De contactar lo difusor. 

CONTACTE DIFUSION

Troubadours Art Ensemble 
Site internet : https://www.troubadours-ensemble.com/


piadas.jpg

PRESENTACION

Dins lei piadas dei gigants es una seguida de cants manlevats als poèmas de divèrs recuèlhs de Rotlant Pecot, poèta caminaire e derivaire del reviscòl occitan, que l'òbra es caracterizada per sos ligams amb la beat generation e los mondes poetics de las annadas 1960 e 1970. 
Puslèu que de percórrer un camin ja encombrada, es a una descoberta genealogica que nos convida la polifonia. De poètas precursors e Pecot i contan la fòrça autant que la necessitat de lors estacament a las culturas popularas.
Aital, Allen Ginsberg que va posar dins las costumas dels native americans per tornar definir una postura de responsabilitat vis-a-vis de la Natura e de vòstra natura ;
Pier Paolo Pasolini s'embriaga d'un jòc de desirs inavoables, dins una fèsta populara, e partís assadolar sa set d'amor amb un pòble considerat dins son esséncia ;
Jack Kerouac, el, espèra coma una revelacion de conéisser sa destinacion mentre que Hafez (خواجه شمس‌‌الدین محمد حافظ شیرازی) s'ancòra a l'embriaguesa per mièlhs s'escapar dins lo languiment d'un viatge interior ; 
pel Arthur Rimbaud de las Illuminations, lo viatge de l'òme europèu es l'argument autant que lo luòc d'un sacatge...

INFORMATIONS PRATIQUES 



4 de decembre dins lo quadre de « LES ALLÉES CHANTENT – SASSENAGE »
Adreça : Castèl de Sassenage - Allée du Château, 38360 Sassenage
Tarifa : NC

Informacions sul site de la companhiá : AQUí
piadas.jpg
Cathédrale Saint Jean-Baptiste, Calvi

PRESENTACION

Dins lei piadas dei gigants es una seguida de cants manlevats als poèmas de divèrs recuèlhs de Rotlant Pecot, poèta caminaire e derivaire del reviscòl occitan, que l'òbra es caracterizada per sos ligams amb la beat generation e los mondes poetics de las annadas 1960 e 1970. 
Puslèu que de percórrer un camin ja encombrada, es a una descoberta genealogica que nos convida la polifonia. De poètas precursors e Pecot i contan la fòrça autant que la necessitat de lors estacament a las culturas popularas.
Aital, Allen Ginsberg que va posar dins las costumas dels native americans per tornar definir una postura de responsabilitat vis-a-vis de la Natura e de vòstra natura ;
Pier Paolo Pasolini s'embriaga d'un jòc de desirs inavoables, dins una fèsta populara, e partís assadolar sa set d'amor amb un pòble considerat dins son esséncia ;
Jack Kerouac, el, espèra coma una revelacion de conéisser sa destinacion mentre que Hafez (خواجه شمس‌‌الدین محمد حافظ شیرازی) s'ancòra a l'embriaguesa per mièlhs s'escapar dins lo languiment d'un viatge interior ; 
pel Arthur Rimbaud de las Illuminations, lo viatge de l'òme europèu es l'argument autant que lo luòc d'un sacatge...

INFORMATIONS PRATIQUES 



Dimars 15 de setembre a Calvi - Catedrala Saint-Jean-Baptiste
Adreça : Ciutadèla de CALVI, 20260 France 
Tarifa : 15 euròs. 

Informacions sul site de la companhiá : AQUí
lomerle.jpg
Festival les Nuits Atypiques

PRESENTACION


Nascut a Usèste en 1921, Édouard Cantau creissèt dins una familha de miegèrs-gemèrs. Aprèp son maridatge, es vengut el tanben, miegèr puèi bordèr.

Amai del trabalh de la tèrra e de las vacas laitièras, cercant tan a se ganhar la vida que lo contacte amb lo monde, s'es lèu mes a elevar de polets que vendèsse pendent mai de 40 ans, suls mercats del Vasadés. 

Petit òme de « 50 kilòs», estaquant e convivial, volontari e determinat, faceciós e galejaire, nos parla de sa vida e la de son vilatge, e nos conta, amb fòrça umor e talent, qualques istòrias e anecdotas saborosas sus Usèste.Es defuntat en 2019 a l'atge de 98 ans passats. 

Filme documentari de Patric La Vau (65 min, 2020, en occitan jos-titolats en Francés). 

INFORMACIONS PRACTICAS


Divendres 18/09 a la sala de las fèstas d'Usèste dins lo quadre de las Nuits Atypiques.  
La projeccion serà seguida d'un rencontre amb lo realizator. 

En collaboration avec le cinéma Vog
Tarifa unica 5 euròs
sus 1074