Explorar los documents (5 total)

Las voses de la modernitat
Centre inter-régional de développement de l'occitan (Béziers, Hérault)
VEIRE LA MÒSTRA

Las Voses de la modernitat - Les voix de la modernité es una invitacion a descobrir una creacion poetica viva e rica, un dialòg amb lo Monde e l'Istòria, luenh del ponciu d'una cultura occitana forçadament « provincializada ». Celebracion de l'oralitat poetica, aquel percors virtual permet d'accedir a d'extraches mas tanben a de tèxtes complèts e dona a ausir, quand lo document existís, lo poèma mes en votz, de còps dins la votz meteissa del poèta. Es un percors virtual dinamic, que sens cercar l'exaustivitat, evoluís en foncion dels rescontres e dels projèctes.

Aital, en seguida de la coproduccion del cofret Arbres per las edicions Cardabelle e lo CIRDÒC, Voses vos propausa un angle d'interpretacion novèl, el rescontre entre las arts poeticas e fotograficas iniciat per l'artista Georges Souche. Arbres es una primièra seria de 12 cartas postalas que propausan 12 extraches de tèxtes d'unas de las grandas voses de la poesia occitana del sègle XX : Leon Còrdas, Max Roqueta, Marcèla Delpastre, Renat Nelli... De tèxtes que las fotografias de Georges Souche i fan resson a l'entorn d'una meteissa figura emblematica, l'arbre. Una descobèrta de la literatura occitana sus supòrt grafic que Voses propausa de perseguir e d'aprigondir en linha, gràcias a un sistèma de ligams e de flashcodes.
Lafont, Robert (1923-2009)

Lectura per Robert Lafon d'un extrach poèma tirat del recuelh Dire (I.E.O., 1957).

Extrach sonòr publicat dins lo disc de la colleccion Trésors d'Occitanie (ne saber mai) consacrat a Robert Lafont, produch per Aura - Occitània Productions.


 

Transcripcion del texte :

Lo sol poder es que de dire.

Dire doç : una aranha

penchena lo solèu

sus lo pònt de l'aubeta.

Dire fèr : la montanha

es una frucha amara

qu'enteriga li sòrgas.

Dire larg : la marina

a pausat si doas mans

sus l'esquinau dau mond.

Dire amic : l'amarina. (fin de l'extrach sonòr)

 

Ma lenga es davat ieu

nusa coma una dròlla.

Gros, Lise (1943-....)
Reig, Philippe
Gravier, Michel
Queyrel, Claude (1964-.... )
Paul, Claudine
Robèrt Allan, Robèrt Lafont, Camins dubèrts 1947-1984 / Maria-Joana Verny [article scientific]
Verny, Marie-Jeanne
Jòga ! L'invencion d'un teatre popular contemporanéu
Centre inter-régional de développement de l'occitan (Béziers, Hérault)