fabrica

Basa : Tota la creacion occitana
Licéncia Licence Ouverte
Djé Balèti

Djé Balèti

Domaine d'activité : Groupe / Collectif Musicien Animateur d'ateliers
Genre : Pop/rock Trad/populaire Jazz/blues
Secteur : Musique
Aire culturelle : Languedoc Provence Méditerranée
Occitan : Tot en òc
Support : Spectacle vivant
Membres : Jérémy Couraut : espina, chant
Frédéric Mialocq : batterie
Sophie Ramia Medina : basse
Fait partie de : Sirventés
Ligams






Se pòt plan far lo torn del Monde, se tròba que la Tèrra es redonda... Mas, d'aquel viatge, es que s'en pòt tòrnar vertadièrament ?

Lo viatge questiona nòstre rapòrt a l'identitat, al "Qual soi ?" e al "Ont vau ?", e nòstre ligam a l'autre, als autres, aqueles que cal anar véser viure per se plan rendre compte, qu'al fons, nòstras diferéncias son pas qu'un brigalh. Jérémy Couraut, aliàs Djé Balèti, faguèt lo torn del monde, e mai aquel de la question, abans de s'en tornar pausar sas sacas, cargadas de sovenirs plan mai familièrs qu'exotics, a Niça la Bèla, sa vila, aquí ont tot, per el, aviá començat. Dins son road-trip al long cors aguèt lo temps d'aprene e comprene las musicas que dison, falsament, "del Monde", aquelas que son de pertot en estent d'un endrech : la tarantèla del Sud d'Itàlia, los coires dels Balcans, la javà parisenca, los ritmes caribeans, lo blues sub-saharian, lo rock anglés, la transa indiana, lo forró brasilenc... Ric d'aqueste folclòr mondial en reinvencion permanenta, lo marida a sa cultura nissarda, als rites carnavalescs, populars per esséncia, crèa son estil musical, lo "Pica doun Pica", amplifica un instrument oblidat, simbòl a el sol de l'union de las doás ribas de Mediterranèa. Son "espina" li ofrís una libertat totala, amb ela fissa, atissa e agita lo public, canta (amb el) los chapacans, los estofagarris, tot çò qu'embèstia e enuèja. Djé Balèti ven far bolegar e trampinar, mas tanben travalhar e mai benlèu ròmpre li tantiflas ! La catarsis-balèti : lo melhor biais de viure e d'exprimir, totes amassa, la meteissa causa !





Contactez nous a propos de cette page