fabrica

Basa : Tota la creacion occitana
Licéncia Licence Ouverte
Papà Gahús

Papà Gahús

Domaine d'activité : Groupe / Collectif
Genre : Pop/rock
Secteur : Musique
Aire culturelle : Gascogne
Occitan : Moitié-Moitié
Support : Spectacle vivant
Membres : Silvan Carrère : voix
Mickael Toffoli : basse
Gino Carchidi : batterie
Ligams



Papà Gahús es una sentinèla, un ausèl de nuèch protector, al cant plasent e rassegurant. La nuèch que coneis e que viu, es aquela de l'oblit general, d'una lenga, de culturas e d'idèias autres còps viventas. E dins aquela nuèch silenciosa, ont debats e contèstas se son calats, los crits del savi animal sonan coma de rampèls a esvelhar las consciéncias, traucant lo vel negre del tristum ambient.
Lo Gahùs pòrta amb el sus l'empont tot l'underground que n'es eissit, fa lo jonhent entre una cultura punk e una cultura occitana tant plan radicalas, calorosas e universalas l'una que l'autra, a las qualas pèga encara, coma a aqueste ausèl a la marrida reputacion, d'idèias recebudas tròp espandidas. Se mòstra atentiu e respectuós de los que visquèron, dels solitaris que percorriguèron la nuèch, dels qu'aprenguèron e comprenguèron que tot es pas blanc nimai negre mas amar e que la sola perspectiva es de cambiar tot, e mai que mai la color del cèl...
Portant la votz dels ancians de Bigòrra, que ne fa ressondir amb tendresa la vida facha de batèstas ordinàrias e de pichons bonurs, sus un punk-rock clar e eficaç, pròche dels mitics Clash (que tòrna prene d'alhors en occitan), Papà Gahùs cèrca pas la glòria, mas la comunion amb lo public, desgatjant un vam impressionant, sens jamai tròp se prene al seriós.
Lo camin es long, mas lo farem amassa !

Creacions






Contactez nous a propos de cette page