fabrica

Agenda : Tota la creacion occitana
Licéncia Licence Ouverte
Concert-bal avec La Talvera

Concert-bal avec La Talvera

Secteur : Musique/Danse
Aire culturelle : Languedoc
Occitan : Tot en òc
Date : 2016-07-02 18:30:00
Reference : La Talvera
Ajouter a mon calendrier +


Endacòm entre dos mondes, o a la riba d'un, al bòrd del camp que lauram pas e ont s'entremèsclan las èrbas nascudas salvatjas e aquelas qu'escapèron a la cultura, aicí es la talvèra. E es aquí que se tròba, coma cadun sap, la libertat.
La libertat de far, aquela d'èsser tanben, sens constrenchas e sens cap de dominacion, en anant ont volèm amb qual desiram. Una palanca pels possibles...
La Talvera, lo grop, es un dels mai prolifics de la creacion d'expression occitana. Benlèu per cò que s'agís aquí de mai que sonque un grop de musica : nascut de la recèrca etnomusicologica dins las annadas 80, contunhèt en paralèl a furgar un repertòri tradicional de colectatge e a bastir una òbra poetica densa e rica, ancorada dins lo present, en teissent menimosament de ligams entre aquelas doás activitats, tant plan coma en i integrant la frucha de sos escambis regulars amb totes los paises del « Sud », aqueles que partatjan amb Occitània lo « solelh solelhaire », un astre que rescalfa e nos fa fierament levar los uèlhs (e los gòts!) cap al cèl.
La musica de la Talvera es coma aquò : calorosa, mirgalhada, multicolòra, a tal punt que ne ven inclassabla. Occitana, tot simplament ?





Contactez nous a propos de cette page