Lo festenal regional Total Festum s'installa dins un dels grands sites d'Occitània, en partenariat amb la Region Occitània / Pirenèus-Mediterrànea, lo Departament de Gers e lo CIRDOC-Mediatèca interregionala occitana.
Una jornada per descobrir los tresaurs de la civilizacion occitana de l'Edat Mejana. Al programa : mòstra, visita guidada en occitan, conferéncia e passejada a la descobèrta de las pèrlas dels jardins, amb en clausura d'aquela jornada d'inauguracion, Lirica Mediterranea pel Troubadour Art Ensemble.

Tota la jornada : 

• Exposicion Mil ans de Cultura : Occitània al caireforc de las civilizacions

Lo CIRDOC vos entraïna a la descobèrta de mil ans d'istòria regionala amb una seleccion de cap d’òbra que testimònian de la riquesa d’una civilizacion al caireforc de las culturas d'Euròpa e de Mediterranèa

• Sèstas sonòras :

installatz-vos sus nòstres transats, causissètz vòstre univèrs (musica, descobèrta, actualitat...) e partissètz per un viatge sonòr a la descobèrta del patrimòni, de la memòria regionala e de la creacion actuala d'una cultura occitana plan viva.

• Padoenc occitan :

Un espaci ont poiretz descobrir la vitalitat de la lenga e de la cultura regionalas dins lo departament, evaluar las vòstras coneissenças e vos iniciar als jòcs tradicionals. 

14h : Visita guidada de l’abadiá.

En partenariat amb l'Ostau Gascon

En companhiá d'una guida-conferencièra bilingüa francés-occitan, visitatz lo site de Flaran, rara abadiá medievala encara rica de la totalitat de sos bastiments monastics e de son jardin.

14h45 : Secrèt de jardin : escapada dins lo paradís botanic de Flaran

Lo jardin medieval de l'abadiá se desvelarà jos un jorn novèl per una passejada etnobotanica a la descobèrta dels usatges, sabers e representacions ligats al monde vegetal mercés a las coneissenças de l'Edat Mejana occitana e aquelas d'uèi.

15h30 : Rencontres e conferéncias a l'entorn de la mòstra Mil ans de Cultura :

Exposicion e presentacion supervisadas per Aurélien Bertrand, responsable del departament Archius e manuscrits del CIRDÒC

Conferéncia de Kati Bernard, (ensenhaira-cercaira Universitat de Bordèu) : especialista dels trobadors

Al caireforc de las civilizacions, entre Orient e Occident, la cultura occitana es rica d'una cultura millenària debutada a l'entorn del sègle XI per de primièrs escrits qu'amòrçan l'aparicion dels trobadors e que se renovelèt sens relambi fins als gropes de hip-hop d'uèi.
Doas presentacions vendràn presentar los tresaurs d'aquela cultura e los ligaràn a las grandas datas qu'an marcat son istòria.

16h30 : Concèrt : Lirica Mediterranea - Troubadours Art Ensemble 

Cansos de trobadors occitans, baladas sefaradas e musicas de Mediterranèa

Amb : Sandra Hurtado-Ròs e Gérard Zuchetto, cant, Abdel Bouzbiba, cant, violon ; Abdeslam Raji, dança, Jean-Michel Hernandez, comedian ; Damien Combes, guitarras Denyse Macnamara, flaütas ; Patrice Villaumé, timpanon, vièla, Thierry Gomar, percussions

Per lo mescladís de las sonoritats d'instruments ancians a de las d'instruments contemporanèus, Lirica Mediterranea tòrna actualizar l'art dels trobadors. Una interpretacion modèrna e colorada, luènh de las convencions academicas, per un grand moment de partatge a l'entorn de las culturas trobadorescas d'Euròpa, e de tèxtes de poètas d'uèi Renat Nelli, Federico García Lorca, Antonio Machado...

17h30 : Presentacion del festenal Total Festum en preséncia dels oficials e elegits 

Informacions practicas :

Dins lo quadre de Total Festum 
Abadiá de Flaran - Valença de Baïsa / 05 31 00 45 75
Entrada gratuita